കൊടക്കാട്​ ശ്രീധരൻ മാസ്​റ്റർ നിര്യാതനായി

പയ്യോളി: കേരള ശാസ്​ത്ര സാഹിത്യ പരിഷത്ത്​ മുൻ പ്രസിഡൻറും ജനറൽ സെക്രട്ടറിയുമായിരുന്ന കൊടക്കാട്​ ശ്രീധരൻ മാസ്​റ്റർ (72) കോഴിക്കോട്​ നിര്യാതനായി. തിങ്കളാഴ്​ച പുലർച്ചെ മൂന്നു​ മണിയോടെ പയ്യോളിയിലെ വീട്ടിലായിരുന്നു അന്ത്യം. ഏതാനും വർഷങ്ങളായി അൽ​ൈഷമേഴ്​സ്​ രോഗബാധിതനായിരുന്നു.

മികച്ച പ്രഭാഷകനും അധ്യാപകനും എഴുത്തുകാരനുമായ ശ്രീധരൻ മാസ്​റ്റർ ‘കൊടക്കാട്​’ എന്ന പേരിലാണ്​ അറിയപ്പെട്ടത്​. കൊയിലാണ്ടി എ.ഇ.ഒ ആയാണ്​ വിരമിച്ചത്​. ദീർഘകാലം പയ്യോളി ഹൈസ്കൂൾ അധ്യാപകനായിരുന്നു. കട്ടപ്പന, പരപ്പനങ്ങാടി, കൊയിലാണ്ടി എന്നിവിടങ്ങളിലും എ.ഇ.ഒ ആയിരുന്നു. നിരവധി കവിതകൾ രചിച്ചിട്ടുണ്ട്​. ശാസ്​ത്ര സാഹിത്യ പരിഷത്തി​​​െൻറ അമരക്കാരനായിരുന്ന കാലത്ത്​ ജനങ്ങൾക്കിടയിൽ ശാസ്​ത്ര ചിന്ത വളർത്തുന്നതിൽ മുഖ്യപങ്ക്​ വഹിച്ചു.

പരിഷത്തി​​​െൻറ ശാസ്​ത്ര കലാജാഥകൾ ഒരുക്കുന്നതിൽ ശ്രീധരൻ മാസ്​റ്റർ വഹിച്ച പങ്ക്​ നിസ്​തുലമാണ്​. ശാസ്​ത്ര സാഹിത്യ പരിഷത്ത്​ ബാലവേദി, പ്രസിദ്ധീകരണ സമിതി, കലാവിഭാഗം എന്നിവയിലും സജീവ സാന്നിധ്യമായിരുന്നു. ശാസ്​ത്ര ബോധവത്​കരണത്തി​നായി പുസ്​തകങ്ങൾ പുറത്തിറക്കിയിട്ടുണ്ട്​.

ഭാര്യ: പ്രേമ. മക്കൾ: നിഭാഷ്​ ശ്രീധരൻ (ആസ്​ട്രേലിയ), ശ്രീലത (ബംഗളൂരു), ശ്രീമേഷ്​ (സൗദി അറേബ്യ). മരുമക്കൾ: നീതു (തിരുവനന്തപുരം), രാജീവ്​ നമ്പ്യാർ (ഡിവിഷനൽ ബിസിനസ്​ മാനേജർ, അൽകം കാഷറ്റ്​, കർണാടക), മീര. സഹോദരങ്ങൾ: ബാലൻ നായർ, ഗംഗാധരൻ, ശ്രീനിവാസൻ, ഇന്ദിര, പരേതരായ ദാമോദരൻ, നാരായണിഅമ്മ, കാർത്യായനി അമ്മ. സംസ്കാരം ചൊവ്വാഴ്ച ഉച്ചക്ക് രണ്ടു മണിക്ക് നെല്യേരി മാണിക്കോത്ത് വീട്ടുവളപ്പിൽ