കഠ്​വയിലെ കൊലയെ ന്യായീകരിച്ച യുവാവിൻെറ ജോലി തെറിച്ചു

കൊച്ചി: കൂട്ടബലാത്സംഗത്തിനിരയാക്കി കഠ്​വയിലെ പെൺകുട്ടിയെ ക്രൂരമായി കൊന്നതിനെ ന്യായീകരിച്ച് ഫേസ്ബുക്ക് കുറിപ്പെഴുതിയ യുവാവിനെ ജോലിയിൽനിന്ന്​ പിരിച്ചുവിട്ടു. എറണാകുളം പാലാരിവട്ടം കോട്ടക് മഹീന്ദ്ര ബാങ്കിലെ അസിസ്​റ്റൻറ് മാനേജർ വിഷ്ണു നന്ദകുമാറിനാണ് ജോലി നഷ്​ടമായത്. വിഷ്ണുവി​​െൻറ പരാമർശത്തിനെതിരെ സമൂഹ മാധ്യമങ്ങളിൽ ഉൾപ്പെടെ വൻ പ്രതിഷേധം ഉയർന്ന സാഹചര്യത്തിലാണ് നടപടി. അതേസമയം, ജോലിയിലെ മോശം പ്രകടനത്തി​​െൻറ പേരിൽ വിഷ്ണുവിനെ രണ്ടുദിവസംമുമ്പ് പിരിച്ചുവിട്ടിരുന്നുവെന്നാണ് ബാങ്ക് അധികൃതർ പറയുന്നത്​.  

‘ഇവളെ എല്ലാം ഇപ്പോഴെ കൊന്നത് നന്നായി... അല്ലെങ്കിൽ നാളെ ഇന്ത്യക്ക് എതിരെ തന്നെ ബോംബായി വന്നേനെ’ എന്നായിരുന്നു എറണാകുളം നെട്ടൂര്‍ സ്വദേശിയും സംഘ്​പരിവാര്‍ പ്രവര്‍ത്തകനുമായ വിഷ്ണു ഫേസ്ബുക്കിൽ പ്രതികരിച്ചത്. സമൂഹമാധ്യമങ്ങളിൽ വൻ പ്രതിഷേധമുയർന്നതോടെ ഇയാൾ ഫേസ്ബുക്ക് പേജ് പൂട്ടി. ഇതോടെ പ്രതിഷേധം കോട്ടക് മഹീന്ദ്രയുടെ ഫേസ്ബുക്ക് പേജിലായി. നിങ്ങളുടെ അസി. മാനേജരെ പുറത്താക്കണമെന്ന ഹാഷ് ടാഗിൽ ആരംഭിച്ച പ്രതിഷേധത്തിനൊപ്പം ബാങ്കി​​െൻറ ഫേസ്ബുക്ക് പേജ് ലൈക്കുകളിൽ വൻ ഇടിവുമുണ്ടായി. പതിനായിരക്കണക്കിനാളുകൾ പേജ് റിവ്യൂവിൽ വൺ സ്​റ്റാർ രേഖപ്പെടുത്തിയതോടെ ഒറ്റരാത്രികൊണ്ട് ബാങ്ക് പേജ് റേറ്റിങ് 1.4ലേക്ക് കുപ്പുകുത്തി. ബാങ്കിനു മുന്നിൽ പോസ്​റ്ററുകളും ഫ്ലക്സുകളും സ്ഥാപിച്ചു. രാവിലെ മുതൽ ഒ​േട്ടറെപ്പേർ ബാങ്കിലെത്തിയും ഫോൺ വിളിച്ചും പ്രതിഷേധം രേഖപ്പെടുത്തി. 

ബാങ്കി​​െൻറ സ്വീകാര്യതയെയും വിശ്വാസ്യതയെയും ബാധിക്കുമെന്ന സാഹചര്യത്തിലാണ് അധികൃതർ വിശദീകരണവുമായെത്തിയത്.  ‘മോശം പ്രകടനത്തി​​െൻറ പേരിൽ 11ാം തീയതി വിഷ്ണുവിനെ പിരിച്ചുവിട്ടിരുന്നു. രാജ്യത്തെ നടുക്കിയ ദുരന്തത്തിൽ മുൻ ജീവനക്കാരൻ ഉൾപ്പെടെ ആരായാലും നടത്തുന്ന ഇത്തരം പരാമർശത്തെ ഹൃദയശൂന്യമെന്നേ വിശേഷിപ്പിക്കാനാകൂ. പ്രസ്താവനയെ ശക്തമായി അപലപിക്കുന്നുവെന്നും’ അധികൃതർ ഫേസ്ബുക്ക് കുറിപ്പിൽ വിശദീകരിച്ചു.