വൈ​ദ്യു​തി സം​ഭ​ര​ണ പ​ദ്ധ​തി​ക​ൾ വ്യാ​പിപ്പിക്കാൻ കേന്ദ്രസഹായത്തിനായി കെ.​എ​സ്.​ഇ.​ബി

തി​രു​വ​ന​ന്ത​പു​രം: സൗ​രോ​ർ​ജ ഉ​ൽ​പാ​ദ​ന​ത്തി​ൽ വ​ലി​യ വ​ർ​ധ​ന പ്ര​ക​ട​മാ​വു​ന്ന സാ​ഹ​ച​ര്യ​ത്തി​ൽ വൈ​ദ്യു​തി സം​ഭ​ര​ണ പ​ദ്ധ​തി​ക​ൾ വ്യാ​പ​ക​മാ​ക്കാ​ൻ കെ.​എ​സ്.​ഇ.​ബി ശ്ര​മം. ഇ​തി​നാ​യി കൂ​ടു​ത​ൽ കേ​ന്ദ്ര സ​ഹാ​യ​ത്തി​ന്​ ശ്ര​മം ആ​രം​ഭി​ച്ചു. പു​ന​രു​പ​യോ​ഗ ഊ​ർ​ജ സം​രം​ഭ​ങ്ങ​ളോ​ട്​ ​കേ​ന്ദ്ര ഊ​ർ​ജ മ​ന്ത്രാ​ല​യ​ത്തി​നു​ള്ള അ​നു​കൂ​ല നി​ല​പാ​ട്​ പ്ര​യോ​ജ​ന​പ്പെ​ടു​ത്തു​ക​യാ​ണ്​ ല​ക്ഷ്യം. ​

പ​ക​ൽ ഉ​ൽ​പാ​ദി​പ്പി​ക്കു​ന്ന വൈ​ദ്യു​തി ശേ​ഖ​രി​ച്ച്​ രാ​ത്രി​യി​ലും ഉ​പ​യോ​ഗി​ക്കാ​വു​ന്ന ബാ​റ്റ​റി എ​ന​ർ​ജി സ്​​റ്റോ​റേ​ജ്​ (ബെ​സ്) സം​സ്ഥാ​ന​ത്ത്​ ആ​ദ്യ​മാ​യി സ്​​ഥാ​പി​ക്കു​ന്ന​തി​നു​ള്ള ക​രാ​ർ ക​ഴി​ഞ്ഞ​ദി​വ​സം ഒ​പ്പി​ട്ടി​രു​ന്നു. ഒ​രു​വ​ർ​ഷ​ത്തി​ന​കം ​കാ​സ​ർ​കോ​ട്​​ മൈ​ലാ​ട്ടി​യി​ൽ പ്ര​വ​ർ​ത്ത​ന​സ​ജ്ജ​മാ​വു​ന്ന സം​വി​ധാ​നം കൂ​ടു​ത​ൽ ഇ​ട​ങ്ങ​ളി​ലേ​ക്ക്​ വ്യാ​പി​പ്പി​ക്കു​ന്ന​തോ​ടെ രാ​ത്രി വൈ​ദ്യു​തി​ക്കാ​യു​ള്ള ​നെ​ട്ടോ​ട്ട​ത്തി​ൽ കു​റ​വു​ണ്ടാ​കു​മെ​ന്നാ​ണ്​ ക​രു​തു​ന്ന​ത്.

സാ​ധ്യ​മാ​യ ഇ​ട​ങ്ങ​ളി​ൽ വി.​ജി.​എ​ഫ്​ ഉ​ൾ​പ്പെ​ടെ പ്ര​യോ​ജ​ന​പ്പെ​ടു​ത്തി വൈ​ദ്യു​തി ശേ​ഖ​ര​ണ സം​വി​ധാ​നം ഒ​രു​ക്കു​ക​യാ​ണ്​ പീ​ക്ക്​ സ​മ​യ ആ​വ​ശ്യ​ക​ത പ​രി​ഹ​രി​ക്കാ​നു​ള്ള ​മു​ഖ്യ പോം​വ​ഴി​യെ​ന്ന വി​ല​യി​രു​ത്ത​ലി​ലാ​ണ്​ ​കെ.​എ​സ്.​ഇ.​ബി. ആ​ഭ്യ​ന്ത​ര വൈ​ദ്യു​തി ഉ​ൽ​പാ​ദ​നം കൂ​ട്ടാ​ൻ ​ചെ​ല​വ്​ കു​റ​ഞ്ഞ മാ​ർ​ഗം ജ​ല​വൈ​ദ്യു​തി പ​ദ്ധ​തി​ക​ളാ​ണെ​ങ്കി​ലും പ​രി​സ്​​ഥി​തി പ്ര​ശ്ന​ങ്ങ​ള​ട​ക്കം പ്ര​തി​ബ​ന്ധ​ങ്ങ​ൾ ഏ​റെ​യാ​ണ്. ജ​ല​വൈ​ദ്യു​തി പ​ദ്ധ​തി​ക​ളി​ൽ ഉ​പ​യോ​ഗി​ക്കു​ന്ന വെ​ള്ളം സം​ഭ​രി​ച്ച്​ വീ​ണ്ടും ഉ​പ​​യോ​ഗി​ക്കാ​വു​ന്ന പ​മ്പ്​​ഡ്​ സ്​​റ്റോ​റേ​ജ്​ പ​ദ്ധ​തി (പി.​എ​സ്.​പി) ന​ട​പ്പാ​ക്കാ​ൻ ത​ട​സ്സം കു​റ​വാ​ണെ​ങ്കി​ലും പ​ദ്ധ​തി പൂ​ർ​ത്തീ​ക​ര​ണ​ത്തി​ന്​ താ​മ​സ​മു​ണ്ടാ​കും. എ​ന്നാ​ൽ, ‘ബെ​സ്​’ സ്ഥാ​പി​ക്കാ​ൻ ആ​റു​മാ​സം മു​ത​ൽ ഒ​രു​വ​ർ​ഷം വ​രെ മ​തി​യാ​വും.

മൈ​ലാ​ട്ടി​ക്ക്​ പി​ന്നാ​ലെ നാ​ഷ​ന​ൽ ഹൈ​ഡ്രോ പ​വ​ർ കോ​ർ​പ​റേ​ഷ​നു​ള്ള കേ​ന്ദ്ര വ​യ​ബി​ലി​റ്റി ഗ്യാ​പ് ഫ​ണ്ട് ഉ​പ​യോ​ഗി​ച്ച് 125 മെ​ഗാ​വാ​ട്ട്/500 മെ​ഗാ​വാ​ട്ട് അ​വ​ര്‍ (Mwh) ബാ​റ്റ​റി എ​ന​ർ​ജി സ്റ്റോ​റേ​ജ് സം​വി​ധാ​നം സ്ഥാ​പി​ക്കാ​ൻ ന​ട​പ​ടി തു​ട​ങ്ങി​യി​ട്ടു​ണ്ട്. അ​രീ​ക്കോ​ട്, മു​ള്ളേ​രി​യ, ശ്രീ​ക​ണ്ഠാ​പു​രം, പോ​ത്ത​ൻ​കോ​ട് എ​ന്നി​വി​ട​ങ്ങ​ളി​ൽ നാ​ല്​ മ​ണി​ക്കൂ​ർ സം​ഭ​ര​ണ ശേ​ഷി​യു​ള്ള ബെ​സ്​ സ്ഥാ​പി​ക്കാ​ൻ എ​ൻ.​എ​ച്ച്.​പി.​സി ടെ​ൻ​ഡ​ർ ക്ഷ​ണി​ച്ചു.

ഈ ​പ​ദ്ധ​തി​ക​ളി​ലൂ​ടെ 270 കോ​ടി രൂ​പ​യു​ടെ കേ​ന്ദ്ര സ​ഹാ​യം ല​ഭ്യ​മാ​വു​മെ​ന്നാ​ണ്​ ക​ണ​ക്കു​കൂ​ട്ട​ൽ. പു​റ​മേ 1000 മെ​ഗാ​വാ​ട്ട് ശേ​ഷി​യു​ള്ള മ​റ്റൊ​രു പ​ദ്ധ​തി​കൂ​ടി അ​നു​വ​ദി​ക്ക​ണ​മെ​ന്ന ആ​വ​ശ്യ​വും കേ​ന്ദ്ര സ​ർ​ക്കാ​ർ ത​ത്വ​ത്തി​ൽ അം​ഗീ​ക​രി​ച്ച​ത്​ വ​ലി​യ പ്ര​തീ​ക്ഷ​യോ​ടെ​യാ​ണ്​ കെ.​എ​സ്.​ഇ.​ബി കാ​ണു​ന്ന​ത്.