കെ.എസ്​.ആർ.ടി.സി: ബദൽ സംവിധാനമില്ലെങ്കിൽ സർവിസുകൾ താളം തെറ്റും

തിരുവനന്തപുരം: 2107 താൽക്കാലിക ഡ്രൈവർമാർ പുറത്തായ സാഹചര്യത്തിൽ ബദൽ ക്രമീകരണം ഏർപ്പെടുത്തിയില്ലെങ്കിൽ കെ.എസ്​. ആർ.ടി.സി സർവിസുകൾ താളം തെറ്റും. ഡ്രൈവർമാരില്ലാത്തതിനാൽ ആദ്യ ദിനത്തിൽ സംസ്ഥാന​ത്ത്​ 606 സർവിസുകൾ മുടങ്ങി. തെക്കൻമ േഖലയിൽ 523ഉം മധ്യമേഖലയിൽ 36ഉം വടക്കൻമേഖലയിൽ 47ഉം സർവിസുകളാണ്​ നിലച്ചത്​. ഞായറാഴ്​ചയായതിനാൽ കാര്യമായ യാ​ത്രാദുരിത ം ഉണ്ടായില്ലെന്നാണ്​ വിലയിരുത്തൽ. ബദൽ സംവിധാനമൊരുക്കിയില്ലെങ്കിൽ പ്രവൃത്തിദിവസമായ തിങ്കളാഴ്​ച സ്ഥിതി ഗുരു തമാകും. കൂടുതൽ ഡ്രൈവർമാർ പുറത്തായ തെക്കൻ മേഖലയിലാണ് ​ജനം ദുരിതത്തിലാവുക.

ദേശസാത്​കൃത റൂട്ടായതിനാൽ കെ.എസ്​.ആർ.ടി.സിയാണ്​ തെക്കൻ ജില്ലകളിലെ മുഖ്യ ആ​ശ്രയം. ഇൗ സാഹചര്യത്തിൽ സ്ഥിരം ഡ്രൈവർമാരോട്​ മറ്റ്​ അവധികളെല്ലാം ഒഴിവാക്കി തിങ്കളാഴ്​ച ഡ്യൂട്ടിയിൽ ​പ്രവേശിപ്പിക്കാൻ ഡിപ്പോകൾക്ക്​ നിർദേശം നൽകിയിട്ടുണ്ട്​. ആഴ്​ചാവധി വ​െര ഒഴിവാക്കാനാണ്​ നിർദേശം. ചട്ടപ്രകാരം 179 ദിവസത്തേക്ക്​ താൽക്കാലിക നിയമനം നടത്താം. സാധ്യമാകും വേഗത്തിൽ ഇതിനായി കെ.എസ്​.ആർ.ടി.സി നടപടികളാരംഭിച്ചിട്ടുണ്ട്​. തിങ്കളാഴ്​ച ഇത്​ സംബന്ധിച്ച്​ തീരുമാനമുണ്ടാകുമെന്നാണ്​ വിവരം.

ഡ്രൈവർമാരില്ലാത്തതിനാൽ ഞായറാഴ്്​ച ഒാർഡിനറി സർവിസുകളിൽ 40 ശതമാനവും ഒാടിയില്ല. എന്നാൽ, ഞായറാഴ്​ചയായതിനാലുള്ള സ്വാഭാവിക റദ്ദാക്കൽ മാത്രമാണിതെന്നാണ്​ അധികൃതരുടെ വിശദീകരണം. എംപാനൽ കണ്ടക്ടർമാരെ പുറത്താക്കിയപ്പോൾ പകരം നിേയാഗിക്കാൻ പി.എസ്.സി ലിസ്​റ്റിലുള്ളവരുണ്ടായിരുന്നു. എന്നാൽ, ഡ്രൈവർമാരുടെ കാര്യത്തിൽ സ്ഥിതി അതല്ല. സ്ഥിരം നിയമനം നിലവിലെ സാമ്പത്തിക സ്ഥിതിയിൽ കെ.എസ്​.ആർ.ടി.സിക്ക്​ ചിന്തിക്ക​ാനേ കഴിയില്ല. സിംഗിൾ ഡ്യൂട്ടിക്ക് താൽക്കാലിക ഡ്രൈവർമാർക്ക് നൽകുന്നത് 550 രൂപയാണ്. സ്ഥിരം ഡ്രൈവർമാർക്കിത് 800-1500 രൂപയും.

എംപാനൽ കണ്ടക്ടർമാരെ പുറത്താക്കിയപ്പോഴുണ്ടായ കുറവ് പരിഹരിക്കുന്നതിന് ഗ്രാമീണ മേഖലയിലെ സർവിസുകളാണ്​ വെട്ടിക്കുറച്ചത്​. 2100ഒാളം ഡ്രൈവർമാർ കൂടി പുറത്താകുന്നതോടെ പ്രധാന റൂട്ടുകളിലെ സർവിസുകളിലും റദ്ദാക്കൽ വേണ്ടിവരും. മറ്റ്​ സംസ്ഥാനങ്ങളിലെ ആർ.ടി.സികളെല്ലാം ദിവസവേതനാടിസ്ഥാനം, കരാർ തുടങ്ങി വിവിധ പേരുകളിൽ താൽക്കാലിക ഡ്രൈവർമാരെ നിലനിർത്തിയിട്ടുണ്ട്​. സ്ഥിരനിയമനം പ്രതീക്ഷിച്ച് വര്‍ഷങ്ങളായി ജോലി ചെയ്തിരുന്ന 2107 താൽക്കാലിക ഡ്രൈവര്‍മാരെയാണ്​ കഴിഞ്ഞദിവസം പുറത്താക്കിയത്​. തിരുവനന്തപുരം മേഖലയില്‍ 1479ഉം, മധ്യമേഖലയില്‍ 257ഉം, വടക്കന്‍മേഖലയില്‍ 371ഉം ഡ്രൈവര്‍മാരെയാണ് ഒഴിവാക്കിയത്.

വർഷം 120 അവധി; ആശ്രയം താൽക്കാലികക്കാർ
കെ.എസ്.ആർ.ടി.സിയിൽ സ്ഥിരം ഡ്രൈവർക്ക് വർഷം 120-125 അവധി ദിവസങ്ങൾ ലഭിക്കുമെന്നാണ് കണക്ക്. 20 കാഷ്വൽ അവധി, 20 ആർജിത അവധി, 15 ഹാഫ് പേ ലീവ്, 55 ആഴ്ചാവധി, 15 പൊതു-ഉത്സവ അവധി. പ​േക്ഷ, ഇൗ ദിവസങ്ങളിലും സർവിസ് നടക്കണം. സാമ്പത്തിക ബാധ്യതയുടെ പേരിൽ സ്ഥിരം നിയമനം പ്രായോഗികമല്ല. താൽക്കാലിക നിയമനം മാത്രമാണ് പ്രശ്നം പരിഹരിക്കാനുള്ള ഫലപ്രദമായ മാർഗമെന്നാണ് മാനേജ്മ​െൻറ് വിലയിരുത്തൽ.