കെ.എസ്​.ആർ.ടി.സി സമരം തുടരുന്നു;  ഒത്തുതീർപ്പ്​ അംഗീകരിക്കാതെ ഒരുവിഭാഗം 

തിരുവനന്തപുരം: കെ.എസ്​.ആർ.ടി.സി മെക്കാനിക്കൽ വിഭാഗത്തിൽ ഡബിൾ ഡ്യൂട്ടി ഏർപ്പെടുത്തിയതുമായി ബന്ധപ്പെട്ട്​ ജീവനക്കാരുടെ പണിമുടക്ക്​ അവസാനിപ്പിക്കാൻ മ​ന്ത്രി തോമസ്​ ചാണ്ടി യോഗം വിളിച്ചെങ്കിലും ഒരുവിഭാഗം സമരവുമായി മുന്നോട്ട്​. പുതുതായി ഏർപ്പെടുത്തിയ മൂന്ന്​ സിംഗിൾ ഡ്യൂട്ടി ഷിഫ്​റ്റുകൾക്ക്​ പുറമേ രാത്രി ഏഴുമുതൽ രാവിലെ ഏഴുവരെയുള്ള ഒരു ഷിഫ്​റ്റ്​ കൂടി മ​ന്ത്രി പ്രഖ്യാപി​െച്ചങ്കിലും ഇത്​ അംഗീകരിക്കാനാവില്ലെന്ന നിലപാടിലാണ്​ ഒരു വിഭാഗം.

ചൊവ്വാഴ്​ച മന്ത്രി വിളിച്ച ചർച്ചയിൽ പ​െങ്കടുത്ത കെ.എസ്​.ആർ.ടി.ഇ.എ (സി.​െഎ.ടി.യു), ടി.ഡി.എഫ്​ (​െഎ.എൻ.ടി.യു.സി) സംഘടനകളുടെ പ്രതിനിധികൾ സർക്കാറുമായി ധാരണയി​െലത്തിയെങ്കിലും പഴയ ക്രമീകരണം നിലനിർത്തണമെന്നാവശ്യപ്പെട്ട്​ ഒരുവിഭാഗം സമരവുമായി മുന്നോട്ട്​ പോകുകയാണ്​. ഇൗ സാഹചര്യത്തിൽ പണിമുടക്ക്​ തുടരുന്ന ജീവനക്കാർക്കെതിരെ മുന്നറിയിപ്പുമായി കെ.എസ്​.ആർ.ടി.സി എം.ഡി രാജമാണിക്യം പുതിയ സർക്കുലർ ഇറക്കിയിട്ടുണ്ട്​. ചീഫ്​ ഒാഫിസ്​ ഉത്തരവിന്​ വിരുദ്ധമായി അനധികൃതമായി ഡ്യൂട്ടിക്ക്​ ഹാജരാകാത്ത ​എം^പാനൽ ജീവനക്കാരെ ജോലിയിൽനിന്ന്​ നീക്കുമെന്നാണ്​ മുന്നറിയിപ്പ്​.

ഇവരുടെ പേര്​വിവരങ്ങൾ ചൊവ്വാഴ്​ച രാത്രി 11നുമുമ്പ്​ ഇ^മെയിൽ മുഖേന അറിയിക്കാനും നിർദേശം നൽകിയിട്ടുണ്ട്​. അതോടൊപ്പം സർവിസ്​ നടത്തിപ്പിന്​ തടസ്സം നിൽക്ക​ുന്നവരെ നീക്കാൻ പൊലീസ്​ സഹായം തേടണമെന്നും സോണൽ അധികാരികൾക്ക്​ നിർദേശം നൽകിയിട്ടുണ്ട്​. ഇ​േതാടെ സ്​ഥിതിഗതികൾ രൂക്ഷമാകുമെന്നാണ്​ വിലയിരുത്തൽ. ചൊവ്വാഴ്​ച രാവി​ലെ 10നാണ്​ മന്ത്രി യോഗം വിളിച്ചത്. എല്ലാ സംഘടനയെയും യോഗത്തിലേക്ക്​ ക്ഷണിക്കുകയോ അഭിപ്രായമാരായുകയോ ചെയ്​്​തിട്ടില്ല. തങ്ങളുടെ അഭി​പ്രായം കേൾക്കാതെയാണ്​ യൂനിയൻ നേതാക്കൾ സമരം പിൻവലിച്ചതെന്നും ജീവനക്കാർക്ക്​ ആ​ക്ഷേപമുണ്ട്​. 

പുതുതായി ഏർപ്പെടുത്തിയ സിംഗിൾ ഡ്യൂട്ടി സംവിധാനം പിൻവലിക്കില്ലെന്ന്​ ചർച്ചയിൽ മന്ത്രിയും സി.എം.ഡിയും വ്യക്​തമാക്കിയിരുന്നു. പുതിയ ക്രമീകരണപ്രകാരം രാവിലെ ആറുമുതൽ ഉച്ചക്ക്​ രണ്ടുവരെയും രണ്ടുമുതൽ രാത്രി 10 വരെയും 10 മുതൽ രാവിലെ ആറുവരെയും മൂന്ന്​ ഡ്യൂട്ടികളാണ്​ നിശ്ചയിച്ചിട്ടുള്ളത്​. ഇതനുസരിച്ച്​ രാത്രി തുടർച്ചയായി ജോലി ചെയ്യേണ്ടി വരുമെന്നും പുലർച്ച ഷിഫ്​റ്റ്​ കഴിഞ്ഞിറങ്ങുന്നവർ രാത്രി വീണ്ടും ​േജാലിക്ക്​ വരേണ്ടിവരു​െമന്നതടക്കം ആശങ്കകൾ ഉന്നയിച്ചാണ്​ ജീവനക്കാർ സമരം തുടരുന്നത്​.