ഭൂപരിഷ്‍കരണ നിയമവ്യവസ്ഥകൾക്ക് അട്ടപ്പാടിയിൽ പുല്ലുവില; ഗുരുതര ക്രമക്കേടെന്ന് റവന്യൂ റിപ്പോർട്ട്

പാ​ല​ക്കാ​ട്: സ​ർ​ക്കാ​റി​ന്റെ​യും ലാ​ൻ​ഡ് ബോ​ർ​ഡി​ന്റെ​യും നി​ർ​ദേ​ശ​ങ്ങ​ളും ഭൂ​പ​രി​ഷ്‍ക​ര​ണ നി​യ​മ​വ്യ​വ​സ്ഥ​ക​ളും അ​ട്ട​പ്പാ​ടി​യി​ൽ വ്യാ​പ​ക​മാ​യി ലം​ഘി​ക്കു​ന്നു​വെ​ന്ന് റ​വ​ന്യൂ വ​കു​പ്പി​ന്റെ അ​ന്വേ​ഷ​ണ റി​പ്പോ​ർ​ട്ട്. ര​ജി​സ്ട്രേ​ഷ​ൻ, റ​വ​ന്യൂ വ​കു​പ്പു​മാ​യി ബ​ന്ധ​പ്പെ​ട്ട അ​ട്ട​പ്പാ​ടി​യി​ലെ ഭൂ​മി കും​ഭ​കോ​ണ​ത്തി​ന്റെ വാ​ർ​ത്ത​ക​ൾ പു​റ​ത്തു​വ​ന്ന പ​ശ്ചാ​ത്ത​ല​ത്തി​ൽ ഒ​റ്റ​പ്പാ​ലം സ​ബ്ക​ല​ക്ട​റു​ടെ നി​ർ​ദേ​ശ​പ്ര​കാ​രം അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ മ​ണ്ണാ​ർ​ക്കാ​ട് ത​ഹ​സി​ൽ​ദാ​റാ​യി​രു​ന്ന എ​സ്. ശ്രീ​ജി​ത്ത് സ​ബ് ക​ല​ക്ട​ർ​ക്ക് സ​മ​ർ​പ്പി​ച്ച റി​​പ്പോ​ർ​ട്ട് നി​ര​വ​ധി ഗു​രു​ത​ര ക്ര​മ​ക്കേ​ടു​ക​ൾ ന​ട​ന്ന​താ​യി വെ​ളി​പ്പെ​ടു​ത്തു​ന്നു.

അ​ട്ട​പ്പാ​ടി ലാ​ൻ​ഡ് ട്രൈ​ബ്യൂ​ണ​ൽ ഓ​ഫി​സി​ലെ​യും പു​തൂ​ർ വി​ല്ലേ​ജ് ഓ​ഫി​സി​ലെ​യും പ​ട്ട​യ ന​ട​പ​ടി​ക്ര​മ ഫ​യ​ലു​ക​ളും പ​ട്ട​യ​ത്തി​ന് വി​ല്ലേ​ജ് ഓ​ഫി​സ​ർ​മാ​രും ലാ​ൻ​ഡ് ട്രൈ​ബ്യൂ​ണ​ലി​ലെ റ​വ​ന്യൂ ഇ​ൻ​സ്​​പെ​ക്ട​ർ​മാ​രും ഉ​ദ്യോ​ഗ​സ്ഥ​രും സ്ഥ​ല​പ​രി​ശോ​ധ​ന ന​ട​ത്തി​യ​തെ​ന്ന​വ​കാ​ശ​പ്പെ​ട്ട് ലാ​ൻ​ഡ് ട്രൈ​ബ്യൂ​ണ​ൽ ത​ഹ​സി​ൽ​ദാ​ർ​ക്ക് സ​മ​ർ​പ്പി​ച്ച സ്വ​മേ​ധ​യ ന​ട​പ​ടി​ക്ര​മ ഫ​യ​ലു​ക​ളും (എ​സ്.​എം റി​പ്പോ​ർ​ട്ടു​ക​ൾ) പ​രി​ശോ​ധി​ച്ചാ​ണ് റി​പ്പോ​ർ​ട്ട് ന​ൽ​കി​യ​ത്.

വ​ർ​ഷ​ങ്ങ​ളാ​യി ആ​രും ഭൂ​നി​കു​തി അ​ട​ക്കാ​ത്ത, പു​തൂ​ർ വി​ല്ലേ​ജി​ലെ വി​വി​ധ സ​ർ​വേ ന​മ്പ​റു​ക​ളി​ൽ​പ്പെ​ട്ട വ​ന​ഭൂ​മി​പോ​ലെ കി​ട​ക്കു​ന്ന സ്ഥ​ല​ങ്ങ​ൾ​ക്ക് 2020നു​ശേ​ഷം നി​യ​മ​വി​രു​ദ്ധ രീ​തി​യി​ൽ അ​വ​കാ​ശ രേ​ഖ​ക​ൾ ഉ​ണ്ടാ​ക്കാ​ൻ ഭൂ​നി​കു​തി അ​ട​ച്ചു​കൊ​ടു​ത്ത​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​ട്ടു​ണ്ട്. 2020ലെ ​സ്വ​മേ​ധ​യാ ന​ട​പ​ടി​ക്ര​മ ഫ​യ​ലു​ക​ളി​ൽ ന​ൽ​കി​യ 22ഓ​ളം പ​ട്ട​യ റി​പ്പോ​ർ​ട്ടു​ക​ളി​ൽ കൈ​വ​ശ​രേ​ഖ​ക​ൾ ഹാ​ജ​രാ​ക്കി​യി​ട്ടി​ല്ല. 2023ലെ 57​ഓ​ളം പ​ട്ട​യ അ​പേ​ക്ഷ​ക​ളും കൈ​വ​ശ​രേ​ഖ​ക​ൾ ഹാ​ജ​രാ​ക്കാ​തെ സ​മ​ർ​പ്പി​ച്ച​താ​യി പ​രി​ശോ​ധ​ന​യി​ൽ വ്യ​ക്ത​മാ​യി.

പ​ട്ട​യം ബു​ക്ക് ചെ​യ്ത് ന​ൽ​കി​യ വി​ല്ലേ​ജ് ഓ​ഫി​സ​റും ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ ഭൂ​നി​കു​തി അ​ട​ച്ചു​കൊ​ടു​ത്ത വി​ല്ലേ​ജ് ജീ​വ​ന​ക്കാ​രും നി​യ​മ​ലം​ഘ​നം ന​ട​ത്തി​യെ​ന്ന് ക​ണ്ടെ​ത്തി​യി​ട്ടു​ണ്ട്. അ​ന്യാ​ധീ​ന​പ്പെ​ട്ട​തും അ​ന്യാ​ധീ​ന​പ്പെ​ടു​ത്താ​ൻ ശ്ര​മി​ക്കു​ന്ന​തു​മാ​യ ഭൂ​മി തി​രി​ച്ചു​പി​ടി​ക്കാ​ൻ വി​ശ​ദ​മാ​യ അ​ന്വേ​ഷ​ണം ന​ട​ത്ത​ണ​മെ​ന്നാ​ണ് റി​പ്പോ​ർ​ട്ടി​ലെ ശി​പാ​ർ​ശ.

ഭൂ​പ​രി​ഷ്‍ക​ര​ണ നി​യ​മം പ്രാ​ബ​ല്യ​ത്തി​ലാ​യ​തി​നു​ശേ​ഷം അ​വ​കാ​ശി​ക​ളി​ല്ലാ​തെ കി​ട​ക്കു​ന്ന ഭൂ​മി​ക​ൾ ‘എ​സ്ചീ​റ്റ​ഡ് പ്രോ​പ്പ​ർ​ട്ടി’ എ​ന്ന ഗ​ണ​ത്തി​ൽ​പെ​ടു​ത്തി സ​ർ​ക്കാ​റി​ലേ​ക്ക് അ​വ​കാ​ശം സ്ഥാ​പി​ക്കേ​ണ്ട​തു​ണ്ട്. ഈ ​ന​ട​പ​ടി​ക്ര​മം പാ​ലി​ക്ക​പ്പെ​ടാ​ത്ത​വ​യും ഏ​റെ​യാ​ണ്. നി​ല​വി​ൽ പ​ല താ​ലൂ​ക്ക് ഓ​ഫി​സു​ക​ളി​ലും സ​ർ​ക്കാ​ർ ഭൂ​മി പ​രി​പാ​ലി​ക്ക​പ്പെ​ടാ​ത്ത സാ​ഹ​ച​ര്യം മു​ത​ലാ​ക്കി ഭൂ​മാ​ഫി​യ​ക​ളു​ടെ സ​ഹാ​യ​ത്തോ​ടെ ഉ​​ദ്യോ​ഗ​സ്ഥ​രെ സ്വാ​ധീ​നി​ച്ച് നി​യ​മ​വി​രു​ദ്ധ​മാ​യി പ​ട്ട​യം ക​ര​സ്ഥ​മാ​ക്കി സ്വ​കാ​ര്യ​വ്യ​ക്തി​ക​ൾ ആ​ദി​വാ​സി ചൂ​ഷ​ണം തു​ട​രു​ക​യാ​ണ്.