ജനരോഷത്തിനു മുന്നിൽ എൽ.ഡി.എഫ്​ മുട്ടുമടക്കി-വി. മുരളീധരൻ

തിരുവനന്തപുരം: ജനരോഷത്തിന്റെ മുന്നിൽ എൽ.ഡി.എഫ് സർക്കാർ മുട്ടുമടക്കിയെന്ന് ബി.ജെ.പി നേതാവ്​ വി.മുരളീധരൻ. വ്യവസായ മന്ത്രി ഇ.പി.ജയരാജന്റെ രാജിയോട് പ്രതികരിക്കുകയായിരുന്നു അദ്ദേഹം.

ജയരാജൻ രാജിവെച്ചത് കൊണ്ട് പ്രശ്നങ്ങൾ തീരില്ല. ബന്ധു നിയമനത്തിൽ വിജിലൻസ് അന്വേഷണം പൂർത്തിയാക്കണം. ജയരാജനെതിരെ  മാതൃകാപരമായ നടപടിയുണ്ടാകണമെന്നും വി. മുരളീധരൻ പറഞ്ഞു. ജയരാജനെ രക്ഷപെടുത്താൻ എല്ലാ ശ്രമവും നടത്തി പരാജയപ്പെട്ടപ്പോൾ ഗത്യന്തരമില്ലാതെ രാജിവെപ്പിക്കുകയാണ് സി.പി.എം ചെയ്തതെന്നും മുരളീധരൻ ആരോപിച്ചു.