10 വയസ്സുകാരനെ ശ്വാസം മുട്ടിച്ച്​ കൊന്ന കേസിൽ പിതൃസഹോദരിക്ക്​ ജീവപര്യന്തം

കോട്ടയം: പത്ത്​ വയസ്സുകാര​നെ കഴുത്തിൽ ചരടുചുറ്റി ശ്വാസം മുട്ടിച്ച്​ കൊന്നകേസിൽ പിതൃ​സഹോദരിക്ക്​ ജീവപര്യന്തം കഠിനതടവും ലക്ഷം രൂപ പിഴയും. കൈപ്പുഴ കുടിലിൽ കവലഭാഗത്ത് നെടുംതൊട്ടിയിൽ വിജയമ്മയെയാണ്​  (57) കോട്ടയം അഡീഷനൽ ജില്ല കോടതി അഞ്ച്​ ജഡ്ജി ശിക്ഷിച്ചത്​. വിജയമ്മയുടെ സഹോദരൻ ഷാജിയുടെ മകൻ രാഹുലിനെ (10) കൊന്നകേസിലെ പിഴത്തുക മാതാപിതാക്കൾക്ക് തുല്യമായി വീതിച്ചുനൽകണമെന്നും കോടതി നിർദേശിച്ചു. 2013 സെപ്​റ്റംബർ മൂന്നിനാണ്​ നാടിനെ നടുക്കിയ സംഭവം. പിണങ്ങിക്കഴിയുന്ന സഹോദരനും ഭാര്യയും ഒന്നിക്കാതിരിക്കാനും അവരുടെ വിവാഹമോചനം സാധ്യമാകാനുമാണ്​ കുട്ടിയെ കൊലപ്പെടുത്തിയതെന്നാണ് പ്രോസിക്യൂഷൻ കേസ്. 

വിവാഹമോചനം നേടിയാൽ സഹോദര​​​​െൻറ സ്വത്ത് തനിക്ക്​ ലഭിക്കുമെന്നുകരുതി സഹോദര​​​​െൻറ മകനെ പൈജാമയുടെ ചരട് കഴുത്തിൽ മുറുക്കി കൊലപ്പെടുത്തുകയായിരുന്നു. മുംബൈയിൽ നഴ്‌സായ വിജയമ്മ സംഭവദിവസം തലേന്നാണ്​ കൈപ്പുഴയിലെ വീട്ടി​െലത്തിയത്​. രാഹുലി​​​​െൻറ പിതാവ്​ ഷാജിയും ഭാര്യ ബിന്ദുവും അകന്നുകഴിയുകയായിരുന്നു. ഷാജി വിദേശത്തായിരുന്നു. രാഹുലിനെ വളർത്തുന്നത് ഷാജിയുടെ മാതാപിതാക്കളായിരുന്നു. 

ഇവരുടെ കൂടെ കിടന്ന രാഹുലിനെ സംഭവദിവസം ത​​​​െൻറ ഒപ്പം കിടത്തിയ  വിജയമ്മ കുട്ടിയെ കൊന്നശേഷം പൊലീസ്​ സ്​റ്റേഷനിൽ വിളിച്ച്​ കുട്ടിയെ കൊന്നുവെന്ന്​ അറിയിക്കുകയായിരുന്നു. തുടർന്ന്​ പൊലീസിന്​ കീഴടങ്ങി. ഗാന്ധിനഗർ പൊലീസ്​ രജിസ്​റ്റർ ചെയ്​ത കേസ്​ ഇൗസ്​റ്റ്​ സി.​െഎയായിരുന്ന റിജോ പി. ജോസഫാണ്​ അന്വേഷിച്ചത്​. കൊല്ലപ്പെട്ട രാഹുലി​​​​െൻറ വല്യച്ഛൻ രാഘവൻ, വല്യമ്മ കമലാക്ഷി, അമ്മ ബിന്ദു, പിതാവ് ഷാജി എന്നിവർ ഉൾപ്പെടെ 20 സാക്ഷികളെ വിസ്തരിച്ചു. രാഹുലിനെ കൊന്നത് ത​​​​െൻറ മകൾ വിജയമ്മയാണെന്ന്​ കമലാക്ഷി കോടതിയിൽ മൊഴിനൽകി. ഇവരാണ്​ രാഘവനെ  വിവരം അറിയിച്ചത്​. ഇവരുടെ  മൊഴിയാണ്​ കേസിൽ നിർണായക തെളിവായി കോടതി സ്വീകരിച്ചത്​.