തദ്ദേശ സ്ഥാപന അധ്യക്ഷ സംവരണമായി; പൊതുവിഭാഗത്തില്‍ നിന്ന് 416 പ്രസിഡന്റുമാര്‍, ആകെ 471 വ​നി​ത പ്ര​സി​ഡ​ന്റു​മാ​ര്‍

തി​രു​വ​ന​ന്ത​പു​രം: ത​ദ്ദേ​ശ സ്ഥാ​പ​ന തെ​ര​ഞ്ഞെ​ടു​പ്പി​ന്​ മു​ന്നോ​ടി​യാ​യി വ​നി​ത​ക​ളു​ടെ​യും പ​ട്ടി​ക വി​ഭാ​ഗ അ​ധ്യ​ക്ഷ​രു​ടെ​യും സം​വ​ര​ണം നി​ശ്ച​യി​ച്ചു. 941 ഗ്രാ​മ​പ​ഞ്ചാ​യ​ത്തു​ക​ളി​ല്‍ 416 പേ​രാ​ണ് പൊ​തു​വി​ഭാ​ഗ​ത്തി​ല്‍ നി​ന്ന് പ്ര​സി​ഡ​ന്റു​മാ​രാ​കു​ക. 471 ഇ​ട​ത്ത്​ വ​നി​ത പ്ര​സി​ഡ​ന്റു​മാ​ര്‍ വ​രും. പൊ​തു​വി​ഭാ​ഗ​ത്തി​ല്‍നി​ന്ന് 417 ഉം ​പ​ട്ടി​ക​ജാ​തി വി​ഭാ​ഗ​ത്തി​ല്‍ നി​ന്ന് 46 ഉം ​പ​ട്ടി​ക വ​ര്‍ഗ​ത്തി​ല്‍ നി​ന്ന്​ എ​ട്ടും വ​നി​ത​ക​ൾ വ​രും.

152 ബ്ലോ​ക്ക് പ​ഞ്ചാ​യ​ത്തു​ക​ളി​ല്‍ 77ല്‍ ​വ​നി​ത​ക​ള്‍ അ​ധ്യ​ക്ഷ​രാ​കും. പൊ​തു​വി​ഭാ​ഗ​ത്തി​ല്‍ 67ഉം ​പ​ട്ടി​ക​ജാ​തി​യി​ൽ എ​ട്ടും ര​ണ്ടു പ​ട്ടി​ക വ​ര്‍ഗ വ​നി​ത​ക​ളും ബ്ലോ​ക്ക് പ​ഞ്ചാ​യ​ത്ത്​ അ​ധ്യ​ക്ഷ​രാ​കും. പ​ട്ടി​ക​ജാ​തി പു​രു​ഷ​ന്മാ​രി​ൽ ഏ​ഴും പ​ട്ടി​ക വ​ര്‍ഗ​ത്തി​ല്‍ ഒ​രാ​ളും അ​ധ്യ​ക്ഷ​രാ​കും.

ജി​ല്ല പ​ഞ്ചാ​യ​ത്തി​ൽ പൊ​തു​വി​ഭാ​ഗ​ത്തി​ൽ ആ​റും ഏ​ഴു വ​നി​ത​ക​ളും അ​ധ്യ​ക്ഷ​രാ​കും. ഒ​രി​ട​ത്ത്​ പ​ട്ടി​ക​ജാ​തി വി​ഭാ​ഗം പ്ര​സി​ഡ​ന്‍റാ​കും.

മു​നി​സി​പ്പാ​ലി​റ്റി​ക​ള്‍- 87: പൊ​തു​വി​ഭാ​ഗം-39, ആ​കെ വ​നി​ത - 44, വ​നി​ത (പൊ​തു)- 41, പ​ട്ടി​ക​ജാ​തി ആ​കെ-6, പ​ട്ടി​ക​ജാ​തി വ​നി​ത-3, പ​ട്ടി​ക​വ​ര്‍ഗം-1.

കോ​ര്‍പ​റേ​ഷ​ന്‍- ആ​റ്: പൊ​തു​വി​ഭാ​ഗം-​മൂ​ന്ന്, വ​നി​ത മൂ​ന്ന്.