തദ്ദേശ തെരഞ്ഞെടുപ്പ്:​ കരട് വോ​ട്ട​ർ​ പട്ടിക പ്രസിദ്ധീകരിച്ചു; ആ​ഗ​സ്റ്റ്​ ഏ​ഴു​വ​രെ പേ​ര് ചേ​ർ​ക്കാം

​തി​രു​വ​ന​ന്ത​പു​രം: ഈ ​വ​ര്‍ഷം ന​ട​ക്കു​ന്ന ത​ദ്ദേ​ശ തെ​ര​ഞ്ഞെ​ടു​പ്പി​നു​ള്ള ക​ര​ട്​ വോ​ട്ട​ർ പ​ട്ടി​ക സം​സ്ഥാ​ന തെ​ര​ഞ്ഞെ​ടു​പ്പ്​ ക​മീ​ഷ​ൻ പ്ര​സി​ദ്ധീ​ക​രി​ച്ചു. 1,034 ത​ദ്ദേ​ശ​സ്ഥാ​പ​ന​ങ്ങ​ളു​ടെ 20,998 വാ​ർ​ഡു​ക​ളി​ലാ​യി 2,66,78,256 വോ​ട്ട​ർ​മാ​രാ​ണ് പ​ട്ടി​ക​യി​ലു​ള്ള​ത്. 1,26,32,186 പു​രു​ഷ​ന്മാ​രും 1,40,45,837 സ്ത്രീ​ക​ളും 233 ട്രാ​ൻ​സ്‌​ജെ​ൻ​ഡ​ർ​മാ​രും ഇ​തി​ൽ ഉ​ൾ​പ്പെ​ടു​ന്നു. അ​ന്തി​മ വോ​ട്ട​ർ​പ​ട്ടി​ക ആ​ഗ​സ്റ്റ് 30ന്​ ​പ്ര​സി​ദ്ധീ​ക​രി​ക്കു​മെ​ന്ന് സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ണ​ർ എ. ​ഷാ​ജ​ഹാ​ൻ അ​റി​യി​ച്ചു.

2020ലെ ​പൊ​തു​തെ​ര​ഞ്ഞെ​ടു​പ്പി​നു​ശേ​ഷം 2023 ഒ​ക്ടോ​ബ​റി​ലും 2024 ജൂ​ലൈ​യി​ലും വോ​ട്ട​ർ​പ​ട്ടി​ക പു​തു​ക്കി​യി​രു​ന്നു. 2023 ഒ​ക്ടോ​ബ​റി​ലെ ക​ര​ട് വോ​ട്ട​ർ പ​ട്ടി​ക​യി​ൽ 2,76,70,536 പേ​രും അ​ന്തി​മ പ​ട്ടി​ക​യി​ൽ 2,68,51,297 പേ​രു​മാ​ണു​ണ്ടാ​യി​രു​ന്ന​ത്. ക​ഴി​ഞ്ഞ ജൂ​ലൈ​യി​ൽ പു​തു​ക്കി​യ ക​ര​ട് വോ​ട്ട​ർ​പ​ട്ടി​ക​യി​ൽ 2,68,57,023 വോ​ട്ട​ർ​മാ​രു​ണ്ടാ​യി​രു​ന്നു. അ​ന്തി​മ പ​ട്ടി​ക​യി​ൽ 2,66,72,979 പേ​രും. അ​തു​പ്ര​കാ​രം ഇ​പ്പോ​ൾ പ്ര​സി​ദ്ധീ​ക​രി​ച്ച പ​ട്ടി​ക​യി​ൽ 5277 വോ​ട്ട​ർ​മാ​ർ കൂ​ടു​ത​ൽ വ​ന്നി​ട്ടു​ണ്ട്.

ക​ര​ട് വോ​ട്ട​ർ​പ​ട്ടി​ക എ​ല്ലാ ത​ദ്ദേ​ശ​സ്ഥാ​പ​ന​ങ്ങ​ളി​ലും വി​ല്ലേ​ജ്, താ​ലൂ​ക്ക് ഓ​ഫി​സു​ക​ളി​ലും ക​മീ​ഷ​ന്റെ sec.kerala.gov.in എ​ന്ന വെ​ബ്സൈ​റ്റി​ലും പ​രി​ശോ​ധ​ന​ക്ക് ല​ഭി​ക്കും. ആ​ഗ​സ്റ്റ് ഏ​ഴു​വ​രെ പേ​ര് ചേ​ർ​ക്കാ​ൻ അ​വ​സ​ര​മു​ണ്ടാ​കും.

2025 ജ​നു​വ​രി ഒ​ന്നി​നോ മു​മ്പോ 18 വ​യ​സ്സാ​യ​വ​ർ​ക്ക് പേ​ര് ചേ​ർ​ക്കാം. പേ​ര് ചേ​ർ​ക്കാ​നും (​ഫോ​റം 4) അ​പേ​ക്ഷ, ഉ​ൾ​ക്കു​റി​പ്പ് തി​രു​ത്താ​നും (​ഫോ​റം 6), സ്ഥാ​ന​മാ​റ്റം വ​രു​ത്താ​നും (​ഫോ​റം 7) ക​മീ​ഷ​ന്റെ sec.kerala.gov.in വെ​ബ് സൈ​റ്റി​ൽ ഓ​ൺ​ലൈ​നാ​യി അ​പേ​ക്ഷി​ക്ക​ണം.

പേ​ര് ഒ​ഴി​വാ​ക്കു​ന്ന​ത് സം​ബ​ന്ധി​ച്ച ആ​ക്ഷേ​പം (​ഫോ​റം 5) ഓ​ൺ​ലൈ​നാ​യി ര​ജി​സ്റ്റ​ർ ചെ​യ്യു​ക​യും അ​തി​ന്റെ പ്രി​ന്റൗ​ട്ടി​ൽ അ​പേ​ക്ഷ​ക​നും ആ ​വാ​ർ​ഡി​ലെ ഒ​രു വോ​ട്ട​റും ഒ​പ്പി​ട്ട് നേ​രി​ട്ടോ ത​പാ​ലി​ലോ ഇ​ല​ക്ട​റ​ൽ ര​ജി​സ്‌​ട്രേ​ഷ​ൻ ഓ​ഫി​സ​ർ​ക്ക് സ​മ​ർ​പ്പി​ക്കു​ക​യും വേ​ണം. ഗ്രാ​മ​പ​ഞ്ചാ​യ​ത്തു​ക​ളി​ലും മു​നി​സി​പ്പാ​ലി​റ്റി​ക​ളി​ലും സെ​ക്ര​ട്ട​റി​മാ​രും കോ​ർ​പ​റേ​ഷ​നു​ക​ളി​ൽ അ​ഡീ​ഷ​ന​ൽ സെ​ക്ര​ട്ട​റി​യു​മാ​ണ് ഇ​ല​ക്ട​റ​ൽ ര​ജി​സ്‌​ട്രേ​ഷ​ൻ ഓ​ഫി​സ​ർ​മാ​ർ.