പരാധീനതകളിൽ പാണാവള്ളി-പെരുമ്പളം ജെട്ടികളും ബോട്ട് സർവിസുകളും

പൂ​ച്ചാ​ക്ക​ൽ: പ​രാ​ധീ​ന​ത​ക​ൾ ഒ​ഴി​യാ​തെ പാ​ണാ​വ​ള്ളി-​പെ​രു​മ്പ​ളം ബോ​ട്ട് സ​ർ​വി​സും ബോ​ട്ട്​ ജെ​ട്ടി​ക​ളും. പാ​ണാ​വ​ള്ളി​യി​ൽ​നി​ന്ന് പെ​രു​മ്പ​ള​ത്തേ​ക്ക് ഉ​ൾ​പ്പെ​ടെ ആ​റ് സ​ർ​വി​സ് ബോ​ട്ടു​ക​ൾ നി​ല​വി​ൽ ഓ​ടു​ന്നു​ണ്ട്. ഒ​രു സ്പെ​യ​ർ ബോ​ട്ടും ഒ​രു ആം​ബു​ല​ൻ​സും ഉ​ൾ​പ്പെ​ടെ പാ​ണാ​വ​ള്ളി​യി​ൽ​നി​ന്ന് സ​ർ​വി​സ് ന​ട​ത്തു​ന്നു​ണ്ട്.

ആ​ദ്യ കാ​ല​ങ്ങ​ളി​ൽ ഓ​ടി​യി​രു​ന്ന ത​ടി ബോ​ട്ടു​ക​ൾ​ക്ക് ശൗ​ചാ​ല​യ​ങ്ങ​ളു​ണ്ടാ​യി​രു​ന്നു. നി​ല​വി​ൽ ഓ​ടു​ന്ന ബോ​ട്ടു​ക​ൾ​ക്ക്​ ഇ​ത്​ ഇ​ല്ലാ​ത്ത​ത് യാ​ത്ര​ക്കാ​രെ ബു​ദ്ധി​മു​ട്ടി​ലാ​ക്കു​ന്നു. പാ​ണാ​വ​ള്ളി​യി​ൽ ജ​ങ്കാ​ർ ജെ​ട്ടി​ക്ക് സ​മീ​പം കം​ഫ​ർ​ട്ട് സ്റ്റേ​ഷ​ൻ പ​ണി​പൂ​ർ​ത്തീ​ക​രി​ച്ച്​ പ​ത്ത് വ​ർ​ഷ​മാ​യി​ട്ടും തു​റ​ന്ന് കൊ​ടു​ത്തി​ട്ടി​ല്ല. പെ​രു​മ്പ​ള​ത്തെ മൂ​ന്ന് ജെ​ട്ടി​ക​ളി​ലെ ശൗ​ചാ​ല​യ​ങ്ങ​ളും വെ​ള്ള​വും വെ​ളി​ച്ച​വും ല​ഭ്യ​മാ​ക്കാ​ത്ത​തി​നാ​ൽ അ​ട​ച്ചി​ട്ടി​രി​ക്ക​യാ​ണ്.

പെ​രു​മ്പ​ള​ത്തെ 14 ജെ​ട്ടി​ക​ളി​ലും നി​ല​വി​ൽ താ​ങ്ങു കു​റ്റി​യി​ല്ലാ​ത്ത​ത് യാ​ത്ര​ക്കാ​രോ​ടു​ള്ള അ​വ​ഗ​ണ​ന​യാ​ണ്. ചാ​ലു​കു​റ്റി ഇ​ല്ലാ​ത്ത​തി​നാ​ൽ ദി​ശ​തെ​റ്റി സൗ​ത്ത് പ​റ​വൂ​ർ ജെ​ട്ടി​ക്ക് സ​മീ​പം മ​ണ​ൽ തി​ട്ട​യി​ൽ ക​ഴി​ഞ്ഞ ദി​വ​സം എ​സ് 20 ബോ​ട്ട് ഉ​റ​ച്ചി​രു​ന്നു. പെ​രു​മ്പ​ളം ഒ​മ്പ​താം വാ​ർ​ഡി​ലെ മു​ക്കം ജെ​ട്ടി ബോ​ട്ടി​ടി​ച്ച് ത​ക​ർ​ന്നി​ട്ട് വ​ർ​ഷം ഒ​ന്ന് തി​ക​ഞ്ഞെ​ങ്കി​ലും പു​ന​ർ​നി​ർ​മാ​ണം ന​ട​ന്നി​ട്ടി​ല്ല. സ്കൂ​ളു​ക​ളും കോ​ള​ജു​ക​ളും തു​റ​ക്കു​ന്ന​തോ​ടെ വി​ദ്യാ​ർ​ഥി​ക​ളു​ടെ യാ​ത്ര​യും ഇ​തു​മൂ​ലം പ്ര​തി​സ​ന്ധി​യി​ലാ​കും.

കാ​യ​ലി​ലെ ആ​ഴ​ക്കു​റ​വ് പ്ര​ധാ​ന പ്ര​തി​സ​ന്ധി​യാ​യി തു​ട​ർ​ന്നി​ട്ടും പ​രി​ഹാ​ര​ത്തി​നാ​യി ന​ട​പ​ടി​യെ​ടു​ക്കു​ന്നി​ല്ല. പെ​രു​മ്പ​ള​ത്തു​നി​ന്ന് തെ​ക്ക​ൻ പ​റ​വൂ​ർ, ഇ​റ​പ്പു​ഴ ഭാ​ഗ​ത്തേ​ക്കു​ള്ള സ​ർ​വി​സി​ൽ ആ​ഴ​ക്കു​റ​വ് വ​ലി​യ പ്ര​തി​സ​ന്ധി സൃ​ഷ്ടി​ക്കു​ന്നു​ണ്ട്. പ​ല​പ്പോ​ഴും ബോ​ട്ട് മ​ണ​ൽ തി​ട്ട​യി​ലി​ടി​ച്ച് ഉ​റ​ക്കു​ന്ന സം​ഭ​വ​ങ്ങ​ൾ ഉ​ണ്ടാ​കു​ന്നു.

ബോ​ട്ട് ചാ​ലു​ക​ൾ അ​ട​യാ​ള​പ്പെ​ടു​ത്തു​ന്ന ചാ​ലു​കു​റ്റി​ക​ൾ വേ​ലി​യേ​റ്റ സ​മ​യ​ത്ത് ന​ഷ്ട​പ്പെ​ടാ​തി​രി​ക്കാ​നു​ള്ള മാ​ർ​ഗം ക​ണ്ടെ​ത്താ​ത് ബോ​ട്ടു​ക​ൾ ദി​ശ​തെ​റ്റി ഓ​ടി അ​പ​ക​ട​ങ്ങ​ൾ ഉ​ണ്ടാ​ക്കു​ന്നു​ണ്ട്. ബോ​ട്ട് ചാ​ലു​ക​ൾ മാ​ത്രം ഡ്ര​ഡ്ജ്​ ചെ​യ്ത് ആ​ഴം കൂ​ട്ടു​ന്നു​ണ്ടെ​ങ്കി​ലും അ​ത്​ പ്ര​ശ്ന​ത്തി​ന് പ​രി​ഹാ​ര​മാ​കു​ന്നി​ല്ല.

ചി​ല ജെ​ട്ടി​ക​ൾ വെ​ളി​ച്ച​മി​ല്ലാ​ത്ത നി​ല​യി​ലാ​ണ്. തെ​ക്ക​ൻ പ​റ​വൂ​ർ, ഇ​റ​പ്പു​ഴ ജെ​ട്ടി​ക​ളി​ൽ രാ​ത്രി സ​മ​യ​ങ്ങ​ളി​ൽ വ​ള​രെ ക​ഷ്ട​പ്പെ​ട്ടാ​ണ് ബോ​ട്ട്‌ അ​ടു​പ്പി​ക്കു​ന്ന​ത്. മ​ഴ​ക്കാ​ല​മാ​യ​തോ​ടെ യാ​ത്ര​ക്കാ​രു​ടെ സു​ര​ക്ഷി​ത യാ​ത്ര​ക്ക് അ​ധി​കാ​രി​ക​ൾ സൗ​ക​ര്യ​മൊ​രു​ക്ക​ണ​മെ​ന്ന ആ​വ​ശ്യം ശ​ക്ത​മാ​ക്കു​ക​യാ​ണ് ദ്വീ​പ് നി​വാ​സി​ക​ൾ.