പെരിയാർ തീരത്തെ അക്ഷര മുത്തശ്ശി

ആ​ലു​വ: പെ​രി​യാ​ർ തീ​ര​ത്തെ അ​ക്ഷ​ര മു​ത്ത​ശ്ശി​യാ​യി ആ​ലു​വ ന​ഗ​ര​ത്തി​ൽ ത​ല​യെ​ടു​പ്പോ​ടെ നി​ൽ​ക്കു​ന്ന സെ​ന്‍റ്​ മേ​രീ​സ് ഹൈ​സ്കൂ​ളി​ന്​ 120 വ​ർ​ഷ​ത്തെ പാ​ര​മ്പ​ര്യ​മു​ണ്ട്. മ​ല​യാ​ള​ക്ക​ര​യു​ടെ മ​ധ്യ​സ്ഥാ​ന​വും തി​രു​വി​താം​കൂ​ർ രാ​ജ്യ​ത്തി​ന്‍റെ വേ​ന​ൽ​ക്കാ​ല ആ​സ്ഥാ​ന​വു​മാ​ണ് ആ​ലു​വ. ലോ​ക​മെ​മ്പാ​ടും ആ​യി​ര​ക്ക​ണ​ക്കി​ന് പൂ​ർ​വ വി​ദ്യാ​ർ​ഥി​ക​ളു​ണ്ട്​ ഈ ​വി​ദ്യാ​ല​യ​ത്തി​ന്. 1904 ഡി​സം​ബ​ർ എ​ട്ടി​നാ​ണ് ഹൈ​സ്കൂ​ളി​ന് ത​റ​ക്ക​ല്ലി​ട്ട​ത്.

1909 ജ​നു​വ​രി 15ന് ​പ​ഠ​ന​ത്തി​നാ​യി തു​റ​ന്നു​കൊ​ടു​ത്തു. എ​റ​ണാ​കു​ളം വി​കാ​രി​യ​ത്തി​ന്‍റെ പ്ര​ഥ​മ വി​കാ​രി അ​പ്പ​സ്തോ​ലി​ക്ക മാ​ർ ലൂ​യി​സ് പ​ഴേ​പ​റ​മ്പി​ലാ​ണ് സ്ഥാ​പ​ക പി​താ​വ്. പൊ​തു​സ​മൂ​ഹ​ത്തി​ന്‍റെ ന​ന്മ​യും ക്ഷേ​മ​വും മാ​ത്രം ല​ക്ഷ്യ​മി​ട്ട് പ്ര​വ​ർ​ത്തി​ച്ച ആ ​വൈ​ദി​ക ശ്രേ​ഷ്ഠ​ൻ ലേ​ല​ക്കു​റി ന​ട​ത്തി​യും പ​ള്ളി വ​ര​വി​ൽ നി​ന്ന് ആ​റി​ലൊ​ന്ന് നീ​ക്കി​വെ​ച്ചു​മാ​ണ് കെ​ട്ടി​ട നി​ർ​മി​തി​ക്കും ന​ട​ത്തി​പ്പി​നും വ​ക ക​ണ്ടെ​ത്തി​യ​ത്.

ഈ ​സ്കൂ​ളി​നാ​യി മാ​ത്രം അ​ദ്ദേ​ഹം നി​ര​വ​ധി ഇ​ട​യ​ലേ​ഖ​ന​ങ്ങ​ൾ പു​റ​പ്പെ​ടു​വി​ച്ചു. സെ​ന്‍റ്​ മേ​രി​യു​ടെ പേ​രി​ൽ ഒ​രു പ​ള്ളി​ക്കൂ​ടം വ​ള​ർ​ത്തി​യെ​ടു​ക്കാ​നു​ള്ള വ​ള​ക്കൂ​റു​ള്ള മ​ണ്ണ് മ​ത​സൗ​ഹാ​ർ​ദ്ദ​ത്തി​ന് പു​ക​ൾ പെ​റ്റ ആ​ലു​വ​യാ​ണെ​ന്ന കാ​ര്യ​ത്തി​ൽ സ​ഭ​ക്ക് ര​ണ്ട​ഭി​പ്രാ​യ​മു​ണ്ടാ​യി​ല്ല. ആ​ലു​വ സെ​ന്‍റ്​​ഡൊ​മി​നി​ക്ക് ഇ​ട​വ​ക​ക്കാ​ർ ചേ​ർ​ന്ന് സ്കൂ​ളി​ന് സ്ഥ​ലം സ്വ​ന്ത​മാ​ക്കി. സ്കൂ​ൾ കെ​ട്ടി​ട നി​ർ​മാ​ണം കാ​ണാ​ൻ പ​രി​സ​ര നാ​ടു​ക​ളി​ൽ നി​ന്ന് വി​ശ്വാ​സി​ക​ൾ ഒ​ഴു​കി​യെ​ത്തി. ഇ​രു​നി​ല കെ​ട്ടി​ടം​പോ​ലും വി​ര​ള​മാ​യി​രു​ന്ന ആ ​കാ​ല​ത്ത് മ​നോ​ഹ​ര​മാ​യ ര​മ്യ​ഹ​ർ​മ​മാ​യി​രു​ന്നു ഇ​ത്.

ഒ​ന്നാം ലോ​ക മ​ഹാ​യു​ദ്ധ​ത്തി​ന്‍റെ വ​റു​തി​യി​ലും നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക്​ ത​ട​സ്സ​മു​ണ്ടാ​യി​ല്ല. തി​രു​വി​താം​കൂ​ർ നാ​ട്ടു​രാ​ജ്യ​ത്തെ വി​ഖ്യാ​ത വി​ദ്യാ​ല​യ​മാ​യി വ​ള​ർ​ത്തി കൊ​ണ്ടു​വ​രാ​ൻ മാ​ർ ളൂ​യി​സ് പ​ഴേ​പ​റ​മ്പി​ലി​ന്‍റെ നി​ശ്ച​യ ദാ​ർ​ഢ്യ​ത്തി​നും ദീ​ർ​ഘ​വീ​ക്ഷ​ണ​ത്തി​നും ക​ഴി​ഞ്ഞു. 1909ൽ 176 ​കു​ട്ടി​ക​ളു​മാ​യാ​ണ് തു​ട​ക്കം. ര​ജ​ത ജൂ​ബി​ലി 1934ൽ ​ഗം​ഭീ​ര​മാ​യി കൊ​ണ്ടാ​ടി. 567 കു​ട്ടി​ക​ൾ അ​ന്നു​ണ്ടാ​യി​രു​ന്നു. 1953ൽ ​കു​ട്ടി​ക​ളു​ടെ എ​ണ്ണം 804 ആ​യി. ആ​ദ്യം ആ​ൺ​കു​ട്ടി​ക​ൾ​ക്ക് മാ​ത്ര​മാ​യി​രു​ന്നു പ്ര​വേ​ശ​നം. 2012 മു​ത​ൽ മി​ക്സ​ഡ് സ്കൂ​ളാ​യി. 2009ൽ ​നൂ​റാം വാ​ർ​ഷി​കം ആ​ഘോ​ഷി​ച്ചു. ഇ​ന്ന് ചു​റ്റു​പാ​ടും നി​ര​വ​ധി ഹ​യ​ർ സെ​ക്ക​ൻ​ഡ​റി സ​കൂ​ളു​ക​ളാ​യി. കാ​ല​പ്ര​വാ​ഹ​ത്തി​ൽ സെ​ന്‍റ്​ മേ​രീ​സീ​ന് മു​ന്നേ​റാ​ൻ ക​ഴി​ഞ്ഞി​ല്ല. ഹ​യ​ർ സെ​ക്ക​ൻ​ഡ​റി ബാ​ച്ച് സൗ​ക​ര്യം ഇ​ല്ലാ​ത്ത സ്കൂ​ളാ​ണി​ത്. പ​ഴ​യ പ്ര​താ​പം വീ​ണ്ടെ​ടു​ക്കാ​നു​ള്ള ശ്ര​മ​ത്തി​ലാ​ണ് ഇ​പ്പോ​ൾ സ്കൂ​ൾ മാ​നേ​ജ്മെ​ന്‍റ്.

ദേ​വ​ദാ​സ​നാ​യി​രു​ന്നു ആ​ദ്യ പ്ര​ധാ​നാ​ധ്യാ​പ​ക​ൻ. എ​ൽ.​പി സ്കൂ​ളി​ൽ സി.​പി. ദാ​മോ​ദ​ര​മേ​നോ​നും. കേ​ര​ള ഹൈ​കോ​ട​തി ചീ​ഫ് ജ​സ്റ്റീ​സാ​യി​രു​ന്ന എം.​എം. പ​രീ​ത് പി​ള്ള, ക​ർ​ദി​നാ​ൾ ജോ​സ​ഫ് പാ​റേ​ക്കാ​ട്ടി​ൽ ഉ​ൾ​പ്പെ​ടെ വൈ​ദി​ക ശ്രേ​ഷ്ഠ​ർ, മ​ഹാ​ക​വി ച​ങ്ങ​മ്പു​ഴ കൃ​ഷ്ണ​പി​ള്ള, കു​റ്റി​പ്പു​ഴ കൃ​ഷ്ണ​പി​ള്ള, ഭ​ര​ത് പി.​ജെ. ആ​ന്‍റ​ണി, ഗാ​യ​ക​ൻ പി. ​ജ​യ​ച​ന്ദ്ര​ൻ, കെ.​പി.​സി.​സി. പ്ര​സി​ഡ​ന്‍റു​മാ​രാ​യി​രു​ന്ന ടി.​ഒ. ബാ​വ, കെ.​പി. മാ​ധ​വ​ൻ നാ​യ​ർ, മു​ൻ​മ​ന്ത്രി ടി.​എ​ച്ച്. മു​സ്ത​ഫ, മു​ൻ എം.​പി ത​മ്പാ​ൻ​തോ​മ​സ്, അ​ന്താ​രാ​ഷ്ട്ര ഫു​ട്ബാ​ള​ർ​മാ​രാ​യ എം.​എം. ജേ​ക്ക​ബ്, എം.​എം. പൗ​ലോ​സ്, ഹ​ർ​ഷ​ൻ, ഡോ. ​ഡി. ബാ​ബു പോ​ൾ, എം.​എം. അ​ബ്ദു​റ​ഹ്മാ​ൻ തു​ട​ങ്ങി​യ​വ​ർ സെ​ന്‍റ്​ മേ​രീ​സി​ലെ പൂ​ർ​വ​വി​ദ്യാ​ർ​ഥി​ക​ളി​ൽ​പ്പെ​ടു​ന്നു.