ലോട്ടറി മോഷണം പോയ രാജമ്മക്ക് സഹായഹസ്തവുമായി പുനർജനി

കാഞ്ഞിരമറ്റം: ലോട്ടറി ടിക്കറ്റുകൾ മോഷ്ടാക്കൾ കവർന്നതിനെതുടർന്ന് ദുരിതത്തിലായ ലോട്ടറി വിൽപനക്കാരി രാജമ്മക്ക്​ സഹായവുമായി സുമനസ്സുകൾ. പൂത്തോട്ട പുനർജനി ചാരിറ്റബിൾ സൊസൈറ്റി പ്രവർത്തകർ രാജമ്മയ്ക്ക്​ നൂറ് ടിക്കറ്റുകൾക്കുള്ള പണം നൽകി.

അരയൻകാവ് വളവുങ്കൽവെച്ച്​ വാഹനത്തിൽ വന്ന സംഘം രാജമ്മയുടെ ​ൈകയ്യിൽ നിന്നും നൂറോളം ലോട്ടറി ടിക്കറ്റുകൾ മോഷ്ടിച്ചത്​ സംബന്ധിച്ച്​ 'മാധ്യമം' വാർത്ത നൽകിയിരുന്നു. ഇതറിഞ്ഞാണ്​ പൂത്തോട്ട പുനർജനി ചാരിറ്റബിൾ സൊസൈറ്റി പ്രവർത്തകർ സഹായഹസ്​തവുമായി രംഗത്തെത്തിയത്​. ഉദയംപേരൂർ എട്ടാം വാർഡ് മെമ്പർ ഷൈമോന്‍റെ സാന്നിധ്യത്തിൽ പുനർജ്ജനി സെക്രട്ടറി ബിജു ചിഞ്ചിലാസ് പണം രാജമ്മയ്ക്ക് കൈമാറി. പുനർജനി കമ്മറ്റി അംഗങ്ങളും പ്രവർത്തകരും ചടങ്ങിൽ പങ്കെടുത്തു.