രാസലഹരി = കോടികൾ

കൊ​ച്ചി: ല​ഹ​രി ഹ​ബാ​യ കൊ​ച്ചി​യു​ൾ​പ്പെ​ടു​ന്ന എ​റ​ണാ​കു​ളം ജി​ല്ല​യി​ൽ നാ​ലു​വ​ർ​ഷ​ത്തി​നി​ടെ എ​ക്സൈ​സ് പി​ടി​കൂ​ടി​യ​ത് പ​ത്തു​കി​ലോ​യോ​ളം എം.​ഡി.​എം.​എ. 2021 മേ​യ് മു​ത​ൽ 2025 ഏ​പ്രി​ൽ വ​രെ കാ​ല​യ​ള​വി​ലാ​യി 9.71 കി​ലോ‍ രാ​സ​ല​ഹ​രി​യാ​ണ്​ പി​ടി​ച്ചെ​ടു​ത്ത​ത്. ഇ​ക്കാ​ല​യ​ള​വി​ൽ സം​സ്ഥാ​ന​ത്ത് ഏ​റ്റ​വു​മ​ധി​കം എം.​ഡി.​എം.​എ പി​ടി​കൂ​ടി​യ​തും എ​റ​ണാ​കു​ളം ജി​ല്ല​യി​ൽ​നി​ന്നു​ത​ന്നെ. തൊ​ട്ടു​താ​ഴെ​യു​ള്ള വ​യ​നാ​ട്, കോ​ഴി​ക്കോ​ട് ജി​ല്ല​ക​ളി​ൽ ഇ​തി​ന്‍റെ പ​കു​തി അ​ള​വു​പോ​ലും ഇ​ക്കാ​ല​യ​ള​വി​ൽ പി​ടി​കൂ​ടി​യി​ട്ടി​ല്ല. വ​യ​നാ​ട്ടി​ൽ 3.72 കി​ലോ​യും കോ​ഴി​ക്കോ​ട്ട് 3.31 കി​ലോ​യു​മാ​ണ് ഇ​ക്കാ​ല​യ​ള​വി​ൽ പി​ടി​കൂ​ടി​യ​തെ​ന്ന് വി​വ​രാ​വ​കാ​ശ രേ​ഖ വ്യ​ക്ത​മാ​ക്കു​ന്നു.

കോ​ടി​ക​ളാ​ണ് ജി​ല്ല​യി​ൽ എം.​ഡി.​എം.​എ വി​ൽ​പ​ന​ക്കൊ​പ്പം ഒ​ഴു​കു​ന്ന​ത്. സം​സ്ഥാ​ന​ത്താ​കെ ഇ​ക്കാ​ല​യ​ള​വി​ൽ പി​ടി​കൂ​ടി​യ​ത് 102 കോ​ടി രൂ​പ​യു​ടെ എം.​ഡി.​എം.​എ​യാ​ണ്. ഇ​തി​ൽ ഏ​റ്റ​വും കൂ​ടു​ത​ൽ പി​ടി​കൂ​ടി​യി​ട്ടു​ള്ള​ത് എ​റ​ണാ​കു​ള​ത്തു​നി​ന്നാ​ണ്. വി​വി​ധ ജി​ല്ല​ക​ളി​ൽ​നി​ന്നാ​യി ആ​കെ 58.34 കി​ലോ പി​ടി​കൂ​ടി. ഗ്രാ​മി​നു​പോ​ലും ആ​യി​ര​ങ്ങ​ൾ ഈ​ടാ​ക്കു​ന്ന അ​തി​വീ​ര്യ​മേ​റി​യ, മൈ​ക്രോ​ഗ്രാം മാ​ത്രം ഉ​പ​യോ​ഗി​ച്ചാ​ലും രാ​സ​ല​ഹ​രി മ​ണി​ക്കൂ​റു​ക​ളോ​ളം നി​ല​നി​ൽ​ക്കു​ന്ന​ത്ര വി​നാ​ശ​കാ​രി​യാ​യ മ​യ​ക്കു​മ​രു​ന്നാ​ണ് എം.​ഡി.​എം.​എ.

ക​ഞ്ചാ​വ് 1820 കി​ലോ...

പെ​രു​മ്പാ​വൂ​ർ നെ​ടു​ന്തോ​ട്ടി​ൽ​നി​ന്ന് ര​ണ്ടേ​മു​ക്കാ​ൽ കി​ലോ​ഗ്രാം ക​ഞ്ചാ​വു​മാ​യി ര​ണ്ട് യു​വാ​ക്ക​ൾ പി​ടി​യി​ൽ... പെ​രു​മ്പാ​വൂ​രി​ൽ മി​നി പി​ക്അ​പ് വാ​നി​ൽ ക​ട​ത്തി​യ 14 കി​ലോ ക​ഞ്ചാ​വു​മാ​യി ര​ണ്ടു​യു​വാ​ക്ക​ൾ പി​ടി​യി​ൽ... ര​ണ്ടു ദി​വ​സ​ത്തി​നി​ടെ ജി​ല്ല​യി​ൽ പി​ടി​കൂ​ടി​യ ക​ഞ്ചാ​വു കേ​സു​ക​ളി​ൽ ചി​ല​തു മാ​ത്ര​മാ​ണി​ത്. പ​ല​പ്പോ​ഴും ചെ​റി​യ ഗ്രാം ​അ​ള​വി​നേ​ക്കാ​ൾ പി​ടി​കൂ​ടു​ന്ന​ത് കി​ലോ​ക്ക​ണ​ക്കി​നാ​ണ്. ക​ഴി​ഞ്ഞ നാ​ലു വ​ർ​ഷ​ത്തി​നി​ടെ ജി​ല്ല​യി​ൽ ആ​കെ പി​ടി​കൂ​ടി​യ​ത് 1820 കി​ലോ ക​ഞ്ചാ​വാ​ണ്.

ക​ഞ്ചാ​വ് പി​ടി​കൂ​ടി​യ ക​ണ​ക്കി​ൽ പാ​ല​ക്കാ​ടി​നും (4900 കി​ലോ) മ​ല​പ്പു​റ​ത്തി​നും (2141 കി​ലോ) പി​ന്നി​ൽ മൂ​ന്നാം സ്ഥാ​ന​ത്ത് എ​റ​ണാ​കു​ള​മു​ണ്ട്. വി​വ​രാ​വ​കാ​ശ പ്ര​വ​ർ​ത്ത​ക​ൻ രാ​ജു വാ​ഴ​ക്കാ​ല​ക്ക്​ എ​ക്സൈ​സ് വ​കു​പ്പ് ന​ൽ​കി​യ വി​വ​രാ​വ​കാ​ശ മ​റു​പ​ടി​യി​ലാ​ണ് ല​ഹ​രി​യു​ടെ കു​ത്തൊ​ഴു​ക്ക് തെ​ളി​യു​ന്ന​ത്. രാ​സ​ല​ഹ​രി​യു​മാ​യി ജി​ല്ല​യി​ൽ അ​റ​സ്​​റ്റി​ലാ​കു​ന്ന​വ​രി​ൽ ഏ​റെ​യും അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ളാ​ണ്. ഒ​ഡി​ഷ, ബം​ഗ​ളൂ​രു തു​ട​ങ്ങി​യ മേ​ഖ​ല​ക​ളി​ൽ​നി​ന്ന്​ കി​ലോ​ക്ക​ണ​ക്കി​ന് ക​ഞ്ചാ​വാ​ണ്​ ട്രെ​യി​ൻ മാ​ർ​ഗം ഉ​ൾ​പ്പെ​ടെ വി​പ​ണ​ന​ത്തി​നെ​ത്തി​ക്കു​ന്ന​ത്. സം​സ്ഥാ​ന​ത്താ​കെ നാ​ലു​വ​ർ​ഷ​ത്തി​നി​ടെ എ​ക്സൈ​സ് പി​ടി​കൂ​ടി​യ​ത് 89 കോ​ടി​യു​ടെ ക​ഞ്ചാ​വാ​ണ്.

ഹ​ഷീ​ഷ് ഓ​യി​ലും ഒ​ഴു​കു​ന്നു...

ഹ​ഷീ​ഷ് ഓ​യി​ൽ വി​ൽ​പ​ന​യു​ടെ കാ​ര്യ​ത്തി​ലും എ​റ​ണാ​കു​ളം പി​ന്നി​ല​ല്ല. നാ​ലു​വ​ർ​ഷ​ത്തി​നി​ടെ 6.04 കി​ലോ ഹ​ഷീ​ഷ് ഓ​യി​ലാ​ണ്​ ജി​ല്ല​യു​ടെ വി​വി​ധ മേ‍ഖ​ല​ക​ളി​ൽ നി​ന്നാ​യി പി​ടി​കൂ​ടി​യ​ത്. സം​സ്ഥാ​ന​ത്ത് ഏ​റ്റ​വു​മ​ധി​കം ഹ​ഷീ​ഷ് ഓ​യി​ൽ പി​ടി​കൂ​ടി​യ​ത് പാ​ല​ക്കാ​ടാ​ണെ​ങ്കി​ലും (21.24 കി​ലോ) ര​ണ്ടാ​മ​ത് എ​റ​ണാ​കു​ള​മാ​ണ്. സ്പാ​ക​ൾ, ഇ​ട​ത്ത​രം ലോ​ഡ്ജു​ക​ൾ തു​ട​ങ്ങി​യ​വ കേ​ന്ദ്രീ​ക​രി​ച്ചാ​ണ് ല​ഹ​രി​വ്യാ​പ​നം വ​ർ​ധി​ക്കു​ന്ന​ത്.

ട്രെ​യി​ൻ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ തു​ട​ങ്ങി​യ ഇ​ട​ങ്ങ​ളി​ലും ല​ഹ​രി മാ​ഫി​യ​യു​ടെ പി​ടി​മു​റു​കു​ന്നു​ണ്ട്. ബം​ഗ​ളൂ​രു, വ​ട​ക്കു​കി​ഴ​ക്ക​ൻ സം​സ്ഥാ​ന​ങ്ങ​ൾ എ​ന്നി​വി​ട​ങ്ങ​ളി​ൽ​നി​ന്ന്​ പ്ര​ധാ​ന​മാ​യും ക​ഞ്ചാ​വു​ൾ​പ്പെ​ടെ എ​ത്തു​ന്ന​ത് ട്രെ​യി​നു​ക​ളി​ലാ​ണ്. എ​ക്സൈ​സി​നെ കൂ​ടാ​തെ പൊ​ലീ​സ്, ഡാ​ൻ​സാ​ഫ്, ആ​ർ.​പി.​എ​ഫ് തു​ട​ങ്ങി​യ സേ​ന​ക​ളും ല​ഹ​രി​മാ​ഫി​യ​യു​ടെ ക​ണ്ണി പൊ​ട്ടി​ക്കാ​നു​ള്ള തീ​വ്ര​ദൗ​ത്യ​ത്തി​ലാ​ണ്.