‘ചികിത്സ’ തേടി ആതുരാലയം

സൂപ്പർസ്പെഷാലിറ്റി കെട്ടിടം നിർമാണം നടക്കുന്നതിനാൽ ഈ വിഭാഗങ്ങളിലൊന്നും സേവനം ലഭ്യമല്ല. വലിയ അപകടങ്ങൾ നടന്ന് തലക്ക് ഗുരുതര പരിക്കേറ്റ് അടിയന്തര ശസ്ത്രക്രിയ നടത്താനായി കൊണ്ടുവരുന്ന രോഗികളെപ്പോലും ഇവിടെ സർജനില്ലാത്തതിനാൽ മറ്റ്​ ആശുപത്രികളിലേക്ക് കൊണ്ടുപോവേണ്ടി വന്നിട്ടുണ്ട്. ഇതിനിടെ അനധികൃത ലീവെടുത്ത് സ്വകാര്യ ആശുപത്രിയിൽ പ്രാക്ടീസിനായി പോയ ചില ഡോക്ടർമാരുമുണ്ട്

കൊ​ച്ചി: സ​ഹ​ക​ര​ണ മേ​ഖ​ല​യി​ൽ സ്ഥാ​പി​ച്ച ക​ള​മ​ശ്ശേ​രി​യി​ലെ മെ​ഡി​ക്ക​ൽ കോ​ള​ജ് പൂ​ർ​ണ​മാ​യും സ​ർ​ക്കാ​റി​ന്​ കീ​ഴി​ലാ​യി​ട്ട് ഒ​രു വ്യാ​ഴ​വ​ട്ട​മാ​കാ​റാ​യി, എ​ന്നാ​ലി​ന്നും പ​രി​മി​തി​ക​ളി​ലും പ​രാ​ധീ​ന​ത​ക​ളി​ലും വീ​ർ​പ്പു​മു​ട്ടു​ക​യാ​ണ് ഈ ​ആ​തു​രാ​ല​യം. ആ​വ​ശ്യ​ത്തി​ന് ഡോ​ക്ട​ർ​മാ​രും ജീ​വ​ന​ക്കാ​രു​മി​ല്ലാ​ത്ത​താ​ണ് മെ​ഡി​ക്ക​ൽ കോ​ള​ജി​ന്‍റെ പ്ര​വ​ർ​ത്ത​ന​ങ്ങ​ളെ പി​ന്നോ​ട്ട​ടി​പ്പി​ക്കു​ന്ന​ത്. മി​ക്ക ത​സ്തി​ക​ക​ളി​ലും സ്ഥി​ര നി​യ​മ​ന​ത്തി​ന്​ പ​ക​രം ക​രാ​ർ തൊ​ഴി​ലാ​ളി​ക​ളെ​യും ദി​വ​സ​വേ​ത​ന​ക്കാ​രെ​യും നി​യ​മി​ച്ചാ​ണ് പ്ര​വ​ർ​ത്തി​ക്കു​ന്ന​ത്.

രോ​ഗി​ക​ൾ ഒ​ട്ടേ​റെ...

എ​റ​ണാ​കു​ളം ജി​ല്ല​യി​ൽ നി​ന്നു​മാ​ത്ര​മ​ല്ല, ഇ​ടു​ക്കി ഉ​ൾ​പ്പെ​ടെ അ​യ​ൽ​ജി​ല്ല​ക​ളി​ൽ നി​ന്നു​പോ​ലും നി​ത്യേ​ന ആ​യി​ര​ക്ക​ണ​ക്കി​ന് സാ​ധാ​ര​ണ​ക്കാ​ർ ചി​കി​ത്സ​ക്കാ​യി ആ​ശ്ര​യി​ക്കു​ന്ന ഇ​ട​മാ​ണ് ക​ള​മ​ശ്ശേ​രി മെ​ഡി​ക്ക​ൽ കോ​ള​ജ്. എ​ന്നാ​ൽ, അ​തി​ന​നു​സ​രി​ച്ച് ഡോ​ക്ട​ർ​മാ​ർ പ​ല വ​കു​പ്പു​ക​ളി​ലു​മി​ല്ല. യൂ​റോ​ള​ജി, ന്യൂ​റോ​ള​ജി ഉ​ൾ​പ്പെ​ടെ വ​കു​പ്പു​ക​ളി​ൽ പ​ല​പ്പോ​ഴും ഡോ​ക്ട​ർ​മാ​രു​ടെ സേ​വ​നം ആ​ഴ്ച​യി​ൽ ഒ​രി​ക്ക​ൽ മാ​ത്ര​മാ​ണെ​ന്ന് പ​രാ​തി​യു​ണ്ട്. സൂ​പ്പ​ർ​സ്പെ​ഷാ​ലി​റ്റി കെ​ട്ടി​ടം നി​ല​വി​ൽ നി​ർ​മാ​ണം ന​ട​ക്കു​ന്ന​തി​നാ​ൽ ഈ ​വി​ഭാ​ഗ​ങ്ങ​ളി​ലൊ​ന്നും സേ​വ​നം ല​ഭ്യ​മ​ല്ല. വ​ലി​യ അ​പ​ക​ട​ങ്ങ​ൾ ന​ട​ന്ന് ത​ല​ക്ക് ഗു​രു​ത​ര പ​രി​ക്കേ​റ്റ് അ​ടി​യ​ന്ത​ര ശ​സ്ത്ര​ക്രി​യ ന​ട​ത്താ​നാ​യി കൊ​ണ്ടു​വ​രു​ന്ന രോ​ഗി​ക​ളെ പോ​ലും ഇ​വി​ടെ സ​ർ​ജ​നി​ല്ലാ​ത്ത​തി​നാ​ൽ മ​റ്റ്​ ആ​ശു​പ​ത്രി​ക​ളി​ലേ​ക്ക് കൊ​ണ്ടു​പോ​വേ​ണ്ടി വ​ന്നി​ട്ടു​ണ്ട്. ഇ​തി​നി​ടെ അ​ന​ധി​കൃ​ത​മാ​യി ലീ​വെ​ടു​ത്ത് സ്വ​കാ​ര്യ ആ​ശു​പ​ത്രി​യി​ൽ പ്രാ​ക്ടീ​സി​നാ​യി പോ​യ ചി​ല ഡോ​ക്ട​ർ​മാ​രു​മു​ണ്ട്.

എ​ന്നാ​ൽ ക​രാ​ർ അ​ടി​സ്ഥാ​ന​ത്തി​ലു​ൾ​പ്പെ​ടെ നി​ര​വ​ധി ഡോ​ക്ട​ർ​മാ​രെ വി​വി​ധ വ​കു​പ്പു​ക​ളി​ൽ നി​യ​മി​ച്ചി​ട്ടു​ണ്ടെ​ന്നും കാ​ര്യ​മാ​യ ഒ​ഴി​വു​ക​ളി​ല്ലെ​ന്നും വൈ​സ് പ്രി​ൻ​സി​പ്പ​ൽ ഡോ. ​പി. അ​നി​ൽ കു​മാ​ർ വ്യ​ക്ത​മാ​ക്കി. ഒ​ഴി​വു​ക​ളെ​ല്ലാം കൃ​ത്യ​മാ​യി റി​പ്പോ​ർ​ട്ട് ചെ​യ്യു​ന്നു​ണ്ടെ​ന്നും ക​രാ​ർ, എം​പ്ലോ​യ്മ​ന്‍റെ് എ​ക്സ്ചേ​ഞ്ച് നി​യ​മ​ന​ങ്ങ​ളു​ൾ​പ്പെ​ടെ സ​മ​യ​ബ​ന്ധി​ത​മാ​യി ന​ട​ക്കു​ന്ന​തി​നാ​ൽ ആ​ശു​പ​ത്രി പ്ര​വ​ർ​ത്ത​നം സു​ഗ​മ​മാ​യി മു​ന്നോ​ട്ടു​പോ​കു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ര​ണ്ടു​വ​ർ​ഷം മു​മ്പ് 20 ചി​കി​ത്സാ​വ​കു​പ്പു​ക​ളി​ലാ​യി 170 പേ​ർ വേ​ണ്ടി​ട​ത്ത് 139 സ്ഥി​രം ഡോ​ക്ട​ർ​മാ​രാ​ണ് ആ​ശു​പ​ത്രി​യി​ലു​ണ്ടാ​യി​രു​ന്ന​ത്. ജൂ​നി​യ​ർ, സീ​നി​യ​ർ റെ​സി​ഡ​ന്‍റ്, അ​സി. പ്ര​ഫ​സ​ർ ത​സ്തി​ക​ക​ളെ​ല്ലാം താ​ൽ​ക്കാ​ലി​കാ​ടി​സ്ഥാ​ന​ത്തി​ൽ നി​ക​ത്തു​ന്നു​ണ്ടെ​ങ്കി​ലും അ​സോ. പ്ര​ഫ​സ​ർ ഉ​ൾ​പ്പ​ടെ ഉ​യ​ർ​ന്ന ത​സ്തി​ക​ക​ൾ ഒ​ഴി​ഞ്ഞു​കി​ട​ക്കു​ന്നു​ണ്ട്. പി.​എ​സ്.​സി നി​യ​മ​ന​ത്തി​ലെ മെ​ല്ലെ​പ്പോ​ക്കാ​ണ് ഇ​തി​നു​കാ​ര​ണം.

കൂ​ട്ടി​രി​പ്പു​കാ​രു​ണ്ടോ, ട്രോ​ളി ത​ള്ളാ​ൻ...

അ​വ​ശ​നി​ല​യി​ലു​ള്ള​വ​രും കി​ട​ത്തി ചി​കി​ത്സ തേ​ടു​ന്ന​വ​രു​മാ​യ രോ​ഗി​ക​ളെ ഒ​രി​ട​ത്തു​നി​ന്ന് മ​റ്റൊ​രി​ട​ത്തേ​ക്ക് കൊ​ണ്ടു​പോ​വാ​ൻ വീ​ൽ​ചെ​യ​റി​ലി​രു​ത്തു​ക​യും ട്രോ​ളി​യി​ൽ കി​ട​ത്തു​ക​യും ചെ​യ്തി​ട്ടു​കാ​ര്യ​മി​ല്ല, ഒ​പ്പം ഇ​തു​ത​ള്ളി​ക്കൊ​ണ്ടു​പോ​വാ​ൻ കൂ​ട്ടി​രി​പ്പു​കാ​രും വേ​ണം. അ​റ്റ​ൻ​ഡ​ർ​മാ​ർ ആ​വ​ശ്യ​ത്തി​ന് ഇ​ല്ലാ​ത്ത​തു​മൂ​ല​മാ​ണ് രോ​ഗി​ക്കൊ​പ്പ​മു​ള്ള​വ​ർ ത​ന്നെ ട്രോ​ളി ത​ള്ളി നീ​ക്കേ​ണ്ട ഗ​തി​കേ​ടി​ലാ​വു​ന്ന​ത്. എം.​ആ​ർ.​ഐ സ്കാ​നി​ങ് എ​ടു​ക്കാ​ൻ ആ​ശു​പ​ത്രി​ക്കു​പു​റ​ത്തു​ള്ള മ​റ്റൊ​രു കെ​ട്ടി​ട​ത്തി​ലേ​ക്ക് മ​ഴ​യാ​ണെ​ങ്കി​ൽ മ​ഴ​യും വെ​യി​ലാ​ണെ​ങ്കി​ൽ വെ​യി​ലും കൊ​ണ്ടു​വേ​ണം ഇ​തു ത​ള്ളി​ക്കൊ​ണ്ടു​പോ​വാ​ൻ. 150 ന​ഴ്സി​ങ് അ​സി​സ്റ്റ​ന്‍റു​മാ​ർ വേ​ണ്ടി​ട​ത്ത് 30ൽ ​താ​ഴെ സ്ഥി​രം ജീ​വ​ന​ക്കാ​രാ​ണ് ഉ​ള്ള​ത്. മ​റ്റു​ള്ള​വ​രാ​ക​ട്ടെ, ക​രാ​ർ തൊ​ഴി​ലാ​ളി​ക​ളും കാ​ഷ്വ​ൽ തൊ​ഴി​ലാ​ളി​ക​ളു​മാ​ണ്.

ഉ​ദ്ഘാ​ട​നം നാ​ളെ നാ​ളെ...

മെ​ഡി​ക്ക​ൽ കോ​ള​ജി​ന്‍റെ സ്വ​പ്ന പ​ദ്ധ​തി​യാ​ണ് സൂ​പ്പ​ർ​സ്പെ​ഷാ​ലി​റ്റി കെ​ട്ടി​ടം. ഒ​പ്പം, അ​നു​ബ​ന്ധ​മാ​യി കൊ​ച്ചി കാ​ൻ​സ​ർ റി​സ​ർ​ച്ച് സെ​ന്‍റ​റു​മു​ണ്ട്, എ​ന്നാ​ൽ ഇ​വ ര​ണ്ടി​ന്‍റെ​യും നി​ർ​മാ​ണം ഏ​റെ​ക്കാ​ല​മാ​യി​ട്ടും പൂ​ർ​ത്തീ​ക​രി​ക്ക​പ്പെ​ട്ടി​ട്ടി​ല്ല. 2024 മു​ത​ൽ കേ​ൾ​ക്കു​ന്നു​ണ്ട് ഉ​ദ്ഘാ​ട​നം അ​ടു​ത്ത​മാ​സം ന​ട​ക്കു​മെ​ന്ന്. അ​ധി​കൃ​ത​രു​ടെ പ്ര​ഖ്യാ​പ​ന​ങ്ങ​ൾ അ​നു​സ​രി​ച്ചാ​ണെ​ങ്കി​ൽ ഇ​തി​ന​കം ഇ​രു സ്ഥാ​പ​ന​ങ്ങ​ളും പ്ര​വ​ർ​ത്ത​നം ആ​രം​ഭി​ച്ചേ​നേ. 2024 ഡി​സം​ബ​റി​ൽ മെ​ഡി. കോ​ളേ​ജ് സ​ന്ദ​ർ​ശി​ച്ച മ​ന്ത്രി രാ​ജീ​വ് കാ​ൻ​സ​ർ സെ​ന്റ​ർ ഫെ​ബ്രു​വ​രി ആ​ദ്യ​വാ​രം ഉ​ദ്ഘാ​ട​നം ചെ​യ്യു​മെ​ന്നും സൂ​പ്പ​ർ സ്പെ​ഷാ​ലി​റ്റി ബ്ലോ​ക്ക് നി​ർ​മാ​ണം മാ​ർ​ച്ചി​ൽ പൂ​ർ​ത്തി​യാ​കു​മെ​ന്നും വ്യ​ക്ത​മാ​ക്കി​യി​രു​ന്നു.

ഇ​ക്ക​ഴി​ഞ്ഞ മേ​യ് ആ​ദ്യ​വാ​രം ആ​രോ​ഗ്യ​മ​ന്ത്രി വീ​ണ ജോ​ർ​ജും ഇ​വി​ടം സ​ന്ദ​ർ​ശി​ച്ച് പ്ര​വ​ർ​ത്ത​നം വി​ല​യി​രു​ത്തി​യി​രു​ന്നു. മേ​യ് 15ന​കം കാ​ൻ​സ​ർ സെ​ന്റ​റി​ന്റെ നി​ർ​മാ​ണം പൂ​ർ​ത്തി​യാ​ക്കാ​നാ​ണ് ല​ക്ഷ്യ​മെ​ന്ന് അ​ന്ന് മ​ന്ത്രി​മാ​ർ വ്യ​ക്ത​മാ​ക്കി​രു​ന്നു. എ​ന്നാ​ൽ, ഈ ​ഉ​റ​പ്പു​ക​ളൊ​ക്കെ​യും നീ​ണ്ടു​പോ​യി. ഇ​രു കെ​ട്ടി​ട​ങ്ങ​ളു​ടെ​യും നി​ർ​മാ​ണം ഇ​പ്പോ​ഴും ന​ട​ന്നു​കൊ​ണ്ടി​രി​ക്കു​ക​യാ​ണ്. സൂ​പ്പ​ർ​സ്പെ​ഷാ​ലി​റ്റി കെ​ട്ടി​ടം പ്ര​വ​ർ​ത്ത​ന സ​ജ്ജ​മാ​യാ​ൽ മാ​ത്ര​മേ ഇ​വി​ടെ സ​ർ​ജ​റി ഉ​ൾ​പ്പെ​ടെ സ്പെ​ഷാ​ലി​റ്റി ഡോ​ക്ട​ർ​മാ​രു​ടെ സേ​വ​നം ആ​രം​ഭി​ക്കൂ. സൂ​പ്പ​ർ​സ്പെ​ഷാ​ലി​റ്റി പൂ​ർ​ത്തി​യാ​ക്കാ​ൻ ഇ​നി​യും മൂ​ന്നു​മാ​സ​മെ​ങ്കി​ലും എ​ടു​ക്കു​മെ​ന്നാ​ണ് സൂ​ച​ന.