ഇനി കൊച്ചിയിലെ വേദികളിൽ സാനു മാ‍ഷില്ല...

സാം​സ്കാ​രി​ക ഇ​ട​ങ്ങ​ളി​ലെ നി​ത്യ​സാ​ന്നി​ധ്യ​മാ​യി​രു​ന്ന എം.​കെ. സാ​നു മ​റ​യു​മ്പോ​ൾ ഈ ​മ​ഹാ​ന​ഗ​ര​ത്തി​ന് ന​ഷ്ട​മാ​വു​ന്ന​ത് അ​ക്ഷ​ര​ങ്ങ​ളെ അ​ഗ്നി​യാ​യി ജ്വ​ലി​പ്പി​ച്ച ഒ​രു മ​ഹാ​പ്ര​ഭാ​ഷ​ക​െ മൂ​ർ​ച്ച​യേ​റും വാ​ക്കു​ക​ൾ കൂ​ടി​യാ​ണ്. കൂ​ലി​വേ​ല ക​ഴി​ഞ്ഞെ​ത്തു​ന്ന സാ​ധാ​ര​ണ​ക്കാ​ർ മു​ത​ൽ സ​മൂ​ഹ​ത്തി​െ ഉ​ന്ന​ത​മേ​ഖ​ല​ക​ളി​ൽ വി​രാ​ജി​ക്കു​ന്ന​വ​ർ വ​രെ ഒ​രു​പോ​ലെ ആ ​വാ​ക്കു​ക​ൾ കേ​ൾ​ക്കാ​ൻ എറണാകുളം ടൗ​ൺ​ഹാ​ളി​ലും ബി.​ടി.​എ​ച്ചി​ലും ചാ​വ​റ ക​ൾ​ച്ച​റ​ൽ സെ​​റി​ലു​മെ​ല്ലാം ഓ​ടി​യെ​ത്താ​റു​ണ്ടാ​യി​രു​ന്നു

കൊ​ച്ചി: ‘ഈ ​പ​രി​പാ​ടി ഉ​ദ്ഘാ​ട​നം ചെ​യ്യാ​നെ​ത്തി​യ മ​ല​യാ​ള​ത്തി​ന്‍റെ പ്രി​യ ഗു​രു​നാ​ഥ​ൻ പ്ര​ഫ. എം.​കെ. സാ​നു​വി​നെ ഏ​റെ ആ​ദ​ര​വോ​ടെ ക്ഷ​ണി​ച്ചു​കൊ​ള്ളു​ന്നു’. എ​റ​ണാ​കു​ളം ന​ഗ​ര​ത്തി​ലെ വി​വി​ധ സാ​മൂ​ഹ്യ, സാം​സ്കാ​രി​ക, രാ​ഷ്ട്രീ​യ പ​രി​പാ​ടി​ക​ളി​ൽ ആ​വ​ർ​ത്തി​ച്ചു​കേ​ട്ടു​കൊ​ണ്ടി​രു​ന്ന ഈ ​വാ​ക്കു​ക​ൾ ഇ​നി കേ​ൾ​ക്കാ​നാ​വി​ല്ല. അ​തെ, കൊ​ച്ചി​യു​ടെ സാം​സ്കാ​രി​ക ഇ​ട​ങ്ങ​ളി​ലെ നി​ത്യ​സാ​ന്നി​ധ്യ​മാ​യി​രു​ന്ന എം.​കെ. സാ​നു മ​റ​യു​മ്പോ​ൾ ഈ ​മ​ഹാ​ന​ഗ​ര​ത്തി​ന് ന​ഷ്ട​മാ​വു​ന്ന​ത് അ​ക്ഷ​ര​ങ്ങ​ളെ അ​ഗ്നി​യാ​യി ജ്വ​ലി​പ്പി​ച്ച ഒ​രു മ​ഹാ​പ്ര​ഭാ​ഷ​ക​ന്‍റെ മൂ​ർ​ച്ച​യേ​റും വാ​ക്കു​ക​ൾ കൂ​ടി​യാ​ണ്.

നി​ര​വ​ധി ത​വ​ണ അ​ദ്ദേ​ഹ​ത്തി​ന്‍റെ വാ​ക്ചാ​തു​ര്യ​ത്തി​ന്​ സാ​ക്ഷ്യം വ​ഹി​ച്ച എ​റ​ണാ​കു​ളം ടൗ​ൺ ഹാ​ളി​ൽ ചേ​ത​ന​യ​റ്റ ശ​രീ​ര​മാ​യി കി​ട​ന്ന​പ്പോ​ൾ ക​ണ്ടു​നി​ന്ന​വ​രു​ടെ ഓ​ർ​മ​ക​ളി​ൽ അ​ദ്ദേ​ഹ​ത്തി​ന്‍റെ പ​ഴ​യ വാ​ക്കു​ക​ൾ ഇ​ര​മ്പി​യെ​ത്തു​ന്നു​ണ്ടാ​യി​രു​ന്നു. പ​രി​പാ​ടി​ക​ളു​ടെ​യും സം​ഘാ​ട​ക​രു​ടെ​യും വ​ലി​പ്പ​ച്ചെ​റു​പ്പം നോ​ക്കാ​തെ, അ​തി​ന്‍റെ ഉ​ദ്യേ​ശ​ശു​ദ്ധി മാ​ത്രം പ​രി​ഗ​ണി​ച്ച് നി​ര​വ​ധി ച​ട​ങ്ങു​ക​ളി​ലേ​ക്കും സ​മ​ര​പോ​രാ​ട്ട​ങ്ങ​ളി​ലേ​ക്കും അ​ദ്ദേ​ഹം ക​യ​റി​ച്ചെ​ന്നു.

ഞാ​യ​റാ​ഴ്ച ര​വി​പു​രം ശ്മ​ശാ​ന​ത്തി​ൽ ഒ​രു​പി​ടി ചാ​ര​മാ​യി എ​രി​ഞ്ഞ​ട​ങ്ങു​മ്പോ​ൾ കൊ​ച്ചി ന​ഗ​ര​ത്തി​ലെ ഓ​രോ സാം​സ്കാ​രി​ക പ്ര​വ​ർ​ത്ത​ക​ന്‍റെ​യും ക​ണ്ണ് ഈ​റ​ന​ണി​യു​ന്ന​ത് ഇ​നി പ​രി​പാ​ടി​ക​ളി​ലെ ഉ​റ​പ്പു​ള്ള സാ​ന്നി​ധ്യ​മാ​യ സാ​നു മാ​ഷി​ല്ല​ല്ലോ എ​ന്നോ​ർ​ത്ത്​ കൂ​ടി​യാ​ണ്. കൂ​ലി​വേ​ല ക​ഴി​ഞ്ഞെ​ത്തു​ന്ന സാ​ധാ​ര​ണ​ക്കാ​ർ മു​ത​ൽ സ​മൂ​ഹ​ത്തി​ന്‍റെ ഉ​ന്ന​ത​മേ​ഖ​ല​ക​ളി​ൽ വി​രാ​ജി​ക്കു​ന്ന​വ​ർ വ​രെ ഒ​രു​പോ​ലെ ആ ​വാ​ക്കു​ക​ൾ കേ​ൾ​ക്കാ​നാ​യി ടൗ​ൺ​ഹാ​ളി​ലും ബി.​ടി.​എ​ച്ചി​ലും ചാ​വ​റ ക​ൾ​ച്ച​റ​ൽ സെ​ന്‍റ​റി​ലു​മെ​ല്ലാം ഓ​ടി​യെ​ത്താ​റു​ണ്ടാ​യി​രു​ന്നു. ആ ​വേ​ദി​ക​ളെ​ല്ലാം ഇ​നി കൊ​ച്ചി​ക്ക് ന​ഷ്ട​മാ​വു​ക​യാ​ണെ​ന്ന വേ​ദ​ന​യി​ലാ​യി​രു​ന്നു എ​ല്ലാ​വ​രും.