ഉയർന്ന പാർക്കിങ് ഫീസ്; വലഞ്ഞ് ട്രെയിൻ യാത്രികർ

കൊ​ച്ചി: റെ​യി​ൽ​വേ പ​രി​സ​ര​ത്തെ വാ​ഹ​ന പാ​ർ​ക്കി​ങ് ഫീ​സു​ക​ൾ കു​ത്ത​നെ വ​ർ​ധി​ച്ച​തോ​ടെ യാ​ത്ര​ക്കാ​ർ പ്ര​യാ​സ​ത്തി​ൽ. ജൂ​ൺ ഒ​ന്ന് മു​ത​ൽ നി​ല​വി​ൽ വ​ന്ന പു​തി​യ നി​ര​ക്കി​നെ​തി​രെ വ​ൻ പ്ര​തി​ഷേ​ധ​മാ​ണ് ഉ​യ​രു​ന്ന​ത്. ഇ​ര​ട്ടി​യി​ല​ധി​കം നി​ര​ക്ക് കൂ​ടി​യ​ത് താ​ങ്ങാ​നാ​കു​ന്നി​ല്ലെ​ന്ന് യാ​ത്ര​ക്കാ​ർ വ്യ​ക്ത​മാ​ക്കു​ന്നു. നി​ര​ക്ക് വ​ർ​ധ​ന പു​നഃ​പ​രി​ശോ​ധി​ക്ക​ണ​മെ​ന്ന ആ​വ​ശ്യ​വു​മാ​യി യാ​ത്ര​ക്കാ​രു​ടെ സം​ഘ​ട​ന​യാ​യ ഫ്ര​ണ്ട്‌​സ് ഓ​ൺ റെ​യി​ൽ​സ് അ​ട​ക്കം രം​ഗ​ത്തെ​ത്തി. പ്ര​തി​മാ​സ സീ​സ​ൺ ഇ​രു​ച​ക്ര വാ​ഹ​ന​ങ്ങ​ൾ​ക്ക് മാ​ത്ര​മാ​ണ് അ​നു​വ​ദി​ച്ചി​ട്ടു​ള്ള​ത്. 200 രൂ​പ സീ​സ​ൺ നി​ര​ക്കി​ൽ ഇ​രു​ച​ക്ര വാ​ഹ​നം പാ​ർ​ക്ക് ചെ​യ്തി​രു​ന്ന ഒ​രു യാ​ത്ര​ക്കാ​ര​നി​ൽ​നി​ന്ന് ജൂ​ൺ മു​ത​ൽ 600 രൂ​പ​യാ​ണ് ആ​വ​ശ്യ​പ്പെ​ടു​ന്ന​ത്. പാ​ർ​ക്കി​ങ് വ്യ​വ​സ്ഥ​ക​ൾ​ക്കെ​തി​രെ​യും പ്ര​തി​ഷേ​ധം ശ​ക്ത​മാ​ണ്. എ​ല്ലാ യാ​ത്ര​ക്കാ​ർ​ക്കും ഇ​രു​ച​ക്ര വാ​ഹ​ന സീ​സ​ൺ ന​ൽ​കു​ന്നി​ല്ലെ​ന്നാ​ണ് പ്ര​ധാ​ന പ​രാ​തി.

എ​ട്ടു​മ​ണി​ക്കൂ​റി​ൽ താ​ഴെ പാ​ർ​ക്ക് ചെ​യ്യു​ന്ന​വ​ർ​ക്ക് മാ​ത്ര​മേ പ​ല സ്റ്റേ​ഷ​നി​ലും സീ​സ​ൺ ന​ൽ​കാ​റു​ള്ളൂ​വെ​ന്നാ​ണ് പ​രാ​തി. എ​ട്ടു​മ​ണി​ക്കൂ​റി​ൽ മ​ട​ങ്ങി​യെ​ത്തു​ക​യെ​ന്ന​ത് സാ​ധാ​ര​ണ തൊ​ഴി​ൽ ചെ​യ്യു​ന്ന​വ​രെ സം​ബ​ന്ധി​ച്ചി​ട​ത്തോ​ളം അ​സാ​ധ്യ​മാ​ണെ​ന്ന് അ​വ​ർ പ​റ​ഞ്ഞു. കാ​റ്റ​ഗ​റി ഒ​ന്ന് റെ​യി​ൽ​വേ സ്റ്റേ​ഷ​നു​ക​ളി​ൽ ഇ​രു​ച​ക്ര വാ​ഹ​ന​ങ്ങ​ൾ​ക്ക് 12 മ​ണി​ക്കൂ​ർ വ​രെ 10 രൂ​പ​യാ​യി​രു​ന്ന​ത് മാ​റ്റി, എ​ട്ട് മ​ണി​ക്കൂ​ർ വ​രെ 20 രൂ​പ​യാ​ക്കി. ഇ​തേ പാ​ർ​ക്കി​ങ് സ​മ​യ​ത്ത്, കാ​റു​ക​ൾ​ക്ക് 15 രൂ​പ​യാ​യി​രു​ന്ന​ത് 50 രൂ​പ​യു​മാ​ക്കി. മി​നി ബ​സ്/ ബ​സ് എ​ന്നി​വ​ക്ക് 120 രൂ​പ​യാ​യി​രു​ന്ന​ത് 270 ആ​യും വ​ർ​ധി​ച്ചു.

വാ​ഹ​ന​ങ്ങ​ൾ​ക്ക് സം​ര​ക്ഷ​ണം വേ​ണം

പാ​ർ​ക്കി​ങ്ങി​ന് റെ​യി​ൽ​വേ സു​ര​ക്ഷ ന​ൽ​കു​ന്നി​ല്ലെ​ന്ന് മാ​ത്ര​മ​ല്ല, മ​തി​യാ​യ സൗ​ക​ര്യം ല​ഭ്യ​മാ​ക്കു​ന്നു​മി​ല്ലെ​ന്ന് യാ​ത്ര​ക്കാ​ർ പ​റ​ഞ്ഞു. എ​ല്ലാ വാ​ഹ​ന​ങ്ങ​ളും വെ​യി​ലും മ​ഴ​യും കൊ​ള്ളാ​തെ മേ​ൽ​ക്കൂ​ര​ക്ക് കീ​ഴി​ൽ സം​ര​ക്ഷി​ക്കാ​നു​ള്ള സൗ​ക​ര്യ​മി​ല്ല. കോ​ൺ​ക്രീ​റ്റ് ത​റ​യും മേ​ൽ​ക്കൂ​ര​യും ഉ​റ​പ്പാ​ക്ക​ണ​മെ​ന്നാ​ണ് അ​വ​രു​ടെ ആ​വ​ശ്യം. പ​ണം ന​ൽ​കി മ​ര​ച്ചു​വ​ട്ടി​ലാ​ണ് പ​ല​പ്പോ​ഴും പാ​ർ​ക്ക് ചെ​യ്യാ​നാ​കു​ന്ന​ത്. തി​രി​കെ​യെ​ത്തു​മ്പോ​ൾ പ​ക്ഷി​ക​ളു​ടെ കാ​ഷ്ട​ത്താ​ൽ വാ​ഹ​ന​ങ്ങ​ൾ വൃ​ത്തി​കേ​ടാ​യി​രി​ക്കും. ഹെ​ൽ​മ​റ്റ്‌, റെ​യി​ൻ കോ​ട്ട് എ​ന്നി​വ സൂ​ക്ഷി​ക്കാ​ൻ അ​ധി​ക ചാ​ർ​ജ് ന​ൽ​ക​ണ​മെ​ന്ന രീ​തി അ​നു​വ​ദി​ക്കാ​നാ​കി​ല്ലെ​ന്നും അ​വ​ർ പ​റ​ഞ്ഞു.

യാ​ത്ര​ക്കാ​രു​ടെ പ്ര​ധാ​ന ആ​വ​ശ്യ​ങ്ങ​ൾ...

• ആ​വ​ശ്യ​പ്പെ​ടു​ന്ന എ​ല്ലാ യാ​ത്ര​ക്കാ​ർ​ക്കും പാ​ർ​ക്കി​ങ് സീ​സ​ൺ ല​ഭ്യ​മാ​ക്ക​ണം.
• എ​ല്ലാ ഇ​രു​ച​ക്ര വാ​ഹ​ന​ങ്ങ​ളും ക​വ​ർ ചെ​യ്യു​ന്ന വി​ധം റൂ​ഫ് / ഷീ​റ്റ് സൗ​ക​ര്യം ഉ​റ​പ്പാ​ക്ക​ണം.
• നാ​ശ​ന​ഷ്ട​ങ്ങ​ൾ​ക്ക് ക​രാ​ർ ജീ​വ​ന​ക്കാ​ർ​ക്ക്​ ഉ​ത്ത​ര​വാ​ദി​ത്ത​മി​ല്ലാ​ത്ത സ്ഥി​തി മാ​റ​ണം.
• കാ​റു​ക​ൾ​ക്ക് നി​ര​ക്കു​ക​ൾ​ക്ക് ആ​നു​പാ​തി​ക​മാ​യി സീ​സ​ൺ ല​ഭ്യ​മാ​ക്ക​ണം. നി​ല​വി​ൽ കാ​റി​ന് സീ​സ​ൺ ഇ​ല്ല.

കാ​റു​ക​ൾ പ​ല​പ്പോ​ഴും മ​ര​ച്ചു​വ​ട്ടി​ലാ​ണ് പാ​ർ​ക്ക്‌ ചെ​യ്യാ​ൻ പ​റ​യു​ന്ന​ത്. പ​ക്ഷി​ക​ളു​ടെ കാ​ഷ്ടം മൂ​ലം വൃ​ത്തി​ഹീ​ന​മാ​യ അ​വ​സ്ഥ​യി​ലാ​ണ് വാ​ഹ​നം തി​രി​ച്ചെ​ടു​ക്കു​ന്ന​ത്. കാ​ർ വാ​ഷി​നും മ​റ്റും പ​ണ​ച്ചെ​ല​വ് കൂ​ടാ​തെ ഒ​രു​ദി​വ​സ​വും മാ​റ്റി​വെ​ക്കേ​ണ്ടി വ​രും. പാ​ർ​ക്കി​ങ് ജീ​വ​ന​ക്കാ​ർ​ക്ക് പൊ​ലീ​സ് വേ​രി​ഫി​ക്കേ​ഷ​ൻ / ക്ലി​യ​റ​ൻ​സ് സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​ക്ക​ണം.