മഴക്കാലം, റോഡിൽ കുഴിക്കാലം

കൊ​ച്ചി: മാ​ഞ്ഞാ​ലി-​മ​ന​യ്ക്ക​പ്പ​ടി റോ​ഡി​ലെ കു​ഴി​യി​ൽ വീ​ണ് അ​ടു​ത്ത ദി​വ​സം ദേ​ശീ​യ ചാ​മ്പ്യ​ൻ​ഷി​പ്പി​ൽ പ​ങ്കെ​ടു​ക്കാ​നി​രു​ന്ന പ​ഞ്ച​ഗു​സ്തി താ​രം മി​ല​ൻ ബേ​ബി​ക്ക് പ​രി​ക്ക്, ആ​ലു​വ ചൂ​ണ്ടി​യി​ൽ കു​ഴി​യി​ൽ വീ​ണ് ഇ​രു​ച​ക്ര​വാ​ഹ​ന യാ​ത്രി​ക​ന് പ​രി​ക്കേ​റ്റു, പെ​രു​മ്പാ​വൂ​ർ ഐ​മു​റി ക​വ​ല​യി​ൽ ഇ​രു​ച​ക്ര​വാ​ഹ​ന​ങ്ങ​ൾ കു​ഴി​യി​ൽ വീ​ണ് ര​ണ്ടു​പേ​ർ​ക്ക് പ​രി​ക്ക്...​ഒ​രാ​ഴ്ച​ക്കി​ടെ ജി​ല്ല​യി​ലെ വി​വി​ധ റോ​ഡു​ക​ളി​ലെ ഭീ​മ​ൻ കു​ഴി​ക​ൾ വ​രു​ത്തി​വെ​ച്ച അ​പ​ക​ട​ങ്ങ​ളി​ൽ ചി​ല​തു മാ​ത്ര​മാ​ണി​ത്.

മ​ഴ​ക്കാ​ല​മാ​യ​തോ​ടെ റോ​ഡി​ലെ കു​ഴി​ക​ളി​ൽ അ​പ​ക​ടം പ​തി​യി​രി​ക്കു​ക​യാ​ണ്. കൊ​ച്ചി ന​ഗ​ര​ത്തി​ൽ ഉ​ൾ​പ്പെ​ടെ ജി​ല്ല​യു​ടെ വി​വി​ധ മേ​ഖ​ല​ക​ളി​ൽ പ​ല റോ​ഡു​ക​ളി​ലും വ​ലി​യ കു​ഴി​ക​ളു​ൾ​പ്പെ​ടെ കാ​ണാം. ഇ​രു​ച​ക്ര​വാ​ഹ​ന യാ​ത്രി​ക​രാ​ണ് അ​പ​ക​ട​ത്തി​ൽ​പെ​ടു​ന്ന​വ​രി​ൽ ഏ​റെ​യും. കു​ഴി​യി​ൽ ചാ​ടാ​തി​രി​ക്കാ​ൻ വ​ലി​യ വാ​ഹ​ന​ങ്ങ​ളു​ൾ​പ്പെ​ടെ വെ​ട്ടി​ച്ചു​പോ​കു​ന്ന​ത്​ മൂ​ല​മു​ണ്ടാ​കു​ന്ന അ​പ​ക​ട​ങ്ങ​ൾ വേ​റെ​യു​മു​ണ്ട്.

മ​ഴ പെ​യ്​​താ​ൽ കു​ഴി കാ​ണി​ല്ല

മ​ഴ​യി​ൽ പ​ല​യി​ട​ത്തും റോ​ഡു​ൾ​പ്പെ​ടെ മു​ങ്ങു​ന്ന സ്ഥി​തി​യാ​ണു​ള്ള​ത്. അ​തി​നാ​ൽ ത​ന്നെ റോ​ഡി​ലെ കു​ഴി​ക​ളും വെ​ള്ളം നി​റ​ഞ്ഞ് കാ​ണാ​നാ​കാ​ത്ത അ​വ​സ്ഥ​യാ​ണ്. ഇ​ത്ത​രം സാ​ഹ​ച​ര്യ​ത്തി​ൽ ഇ​രു​ച​ക്ര വാ​ഹ​ന​ത്തി​ൽ പോ​കു​ന്ന​വ​രാ​ണ് ഏ​റെ​യും കു​ഴി​യി​ൽ​പെ​ടു​ന്ന​ത്. സ്ഥി​രം യാ​ത്ര​ക്കാ​രാ​ണെ​ങ്കി​ൽ കു​ഴി​ക​ൾ എ​വി​ടെ​യൊ​ക്കെ ഉ​ണ്ടെ​ന്ന ധാ​ര​ണ​യു​ണ്ടാ​കും.

റോ​ഡ് പ​രി​ച​യ​മി​ല്ലാ​ത്ത​വ​രാ​ണ് വീ​ഴു​ന്ന​ത്. പ്ര​ത്യേ​കി​ച്ച് മ​ഴ​യാ​ണെ​ങ്കി​ൽ വ​ണ്ടി​ക്ക് ബ്രേ​ക്ക് കി​ട്ടാ​തെ, അ​പ​ക​ട​ത്തി​ന്‍റെ ആ​ഘാ​ത​വും വ​ർ​ധി​ക്കും. ചി​ല​യി​ട​ങ്ങ​ളി​ൽ കാ​ന​ക​ളി​ല്ലാ​ത്ത​തി​നാ​ൽ മ​ഴ​വെ​ള്ളം ഒ​ഴു​കി​പ്പോ​കാ​നാ​കാ​ത്ത​തു മൂ​ല​മാ​ണ് കു​ഴി​യു​ടെ ആ​ഴ​വും വ​ലു​പ്പ​വും കൂ​ട്ടു​ന്ന​ത്. എ​റ​ണാ​കു​ളം കെ.​എ​സ്.​ആ​ർ.​ടി.​സി സ്റ്റാ​ൻ​ഡി​ലേ​ക്ക് ക​യ​റു​ന്ന ഭാ​ഗ​ത്തും ഇ​വി​ടു​ത്തെ മേ​ൽ​പാ​ലം ക​ഴി​ഞ്ഞി​റ​ങ്ങു​ന്ന ഭാ​ഗ​ത്തു​മെ​ല്ലാം അ​പ​ക​ടം പ​തി​യി​രി​ക്കു​ന്ന കു​ഴി​ക​ളു​ണ്ട്.

ഒ​രു കി​ലോ​മീ​റ്റ​ർ, പ​ത്തോ​ളം കു​ഴി​ക​ൾ

ക​തൃ​ക്ക​ട​വ് ജ​ങ്​​ഷ​ൻ മു​ത​ൽ പു​ല്ലേ​പ്പ​ടി പാ​ല​ത്തി​ന്‍റെ തു​ട​ക്കം വ​രെ​യു​ള്ള ഒ​രു കി​ലോ​മീ​റ്റ​ർ താ​ഴെ​യു​ള്ള ദൂ​രം. ഈ ​ദൂ​ര​ത്തി​ൽ മാ​ത്രം പ​ത്തോ​ളം കു​ഴി​ക​ളാ​ണ് റോ​ഡി​ൽ കാ​ണാ​നാ​കു​ക. ഫാ.​മാ​നു​വ​ൽ റോ​ഡി​ലേ​ക്ക് തി​രി​യു​ന്ന​തി​നു മു​മ്പ്​ ഒ​രി​ട​ത്ത് പൂ​ർ​ണ​മാ​യും റോ​ഡ് പൊ​ളി​ഞ്ഞു​കി​ട​ക്കു​ക​യാ​ണ്. ഇ​രു​വ​ശ​ത്തേ​ക്കും കു​ഴി​യി​ലൂ​ടെ​യ​ല്ലാ​തെ വ​ണ്ടി മു​ന്നോ​ട്ടു​പോ​കാ​ൻ ത​ന്നെ​യാ​വി​ല്ല.

പു​ല്ലേ​പ്പ​ടി റെ​യി​ൽ​വേ മേ​ൽ​പാ​ല​ത്തി​ന്‍റെ പ​കു​തി ഭാ​ഗ​വും ചെ​റു​തും വ​ലു​തു​മാ​യ കു​ഴി​ക​ളാ​ൽ ത​ക​ർ​ന്നു​കി​ട​ക്കു​ക​യാ​ണ്. നേ​ര​ത്തേ ത​ന്നെ വീ​തി​ക്കു​റ​വു​ള്ള റോ​ഡി​ന്‍റെ ഒ​രു​വ​ശം ‘ത​ട്ടി​ക്കൂ​ട്ട്’ അ​റ്റ​കു​റ്റ​പ്പ​ണി ചെ​യ്ത​തു​മൂ​ലം ഈ ​റോ​ഡി​ൽ ഗ​താ​ഗ​ത​ക്കു​രു​ക്ക് രൂ​ക്ഷ​മാ​കു​ക​യാ​ണ്. ക​തൃ​ക്ക​ട​വി​ൽ​നി​ന്ന് ക​ലൂ​രി​ലേ​ക്കു​ള്ള റോ​ഡും കു​ഴി​ക​ളാ​ൽ സ​മൃ​ദ്ധ​മാ​ണ്.

ഇ​ട​പ്പ​ള്ളി-​പു​ക്കാ​ട്ടു​പ​ടി റോ​ഡി​ൽ പൈ​പ് ലൈ​ൻ ജ​ങ്​​ഷ​നി​ൽ പു​തി​യ ഗ​താ​ഗ​ത പ​രി​ഷ്കാ​രം മൂ​ലം ഇ​രു​വ​ശ​ത്തും യൂ​ടേ​ണെ​ടു​ക്കു​ന്ന ഭാ​ഗ​ത്ത് വ​ലി​യ കു​ഴി​ക​ൾ രൂ​പ​പ്പെ​ടു​ക​യും വെ​ള്ള​ക്കെ​ട്ട് രൂ​ക്ഷ​മാ​കു​ക​യും ചെ​യ്തി​ട്ടു​ണ്ട്. ഈ ​മേ​ഖ​ല​യി​ലും അ​പ​ക​ട​ങ്ങ​ളും ഗ​താ​ഗ​ത​ക്കു​രു​ക്കും പ​തി​വാ​ണ്.

ആ​ദ്യം കു​ഴി​ക്കും, പി​ന്നെ ന​ട​പ​ടി​യി​ല്ല

ജ​ൽ​ജീ​വ​ൻ പ​ദ്ധ​തി, ഗ്യാ​സ് പൈ​പ്പ് ലൈ​ൻ, കു​ടി​വെ​ള്ളം പൈ​പ്പ് ലൈ​ൻ തു​ട​ങ്ങി​യ ആ​വ​ശ്യ​ങ്ങ​ൾ​ക്കാ​യാ​ണ് ഇ​ട​റോ​ഡു​ക​ളു​ൾ​പ്പെ​ടെ പ​ല​തും വെ​ട്ടി​പ്പൊ​ളി​ക്കു​ന്ന​ത്. എ​ന്നാ​ൽ, റോ​ഡി​ന്‍റെ വ​ശം കു​ഴി​ക്കാ​നു​ള്ള ആ​വേ​ശം പ്ര​വൃ​ത്തി പൂ​ർ​ത്തി​യാ​യി, റോ​ഡ് നേ​രെ​യാ​ക്കു​ന്ന ഘ​ട്ട​ത്തി​ൽ പ​ല​പ്പോ​ഴും കാ​ണാ​റി​ല്ല. ത​മ്മ​നം-​പു​ല്ലേ​പ്പ​ടി റോ​ഡി​ൽ കു​ടി​വെ​ള്ള പ​ദ്ധ​തി​ക്കാ​യി റോ​ഡി​ന്‍റെ ഒ​രു​വ​ശം കു​ഴി​ച്ചി​ട്ട് ര​ണ്ടു മാ​സ​ത്തി​ലേ​റെ​യാ​ണ് ത​ൽ​സ്ഥി​തി​യി​ൽ കി​ട​ന്ന​ത്. പി​ന്നീ​ട് റോ​ഡ് നേ​രെ​യാ​ക്കാ​ൻ ആ​രം​ഭി​ച്ച​പ്പോ​ഴേ​ക്കും മ​ഴ​യും ആ​രം​ഭി​ച്ചു. പ​ല​യി​ട​ത്തും ടാ​ർ ഇ​ള​കി​യു​ണ്ടാ​കു​ന്ന ചെ​റി​യ കു​ഴി​ക​ൾ തു​ട​ക്ക​ത്തി​ൽ ത​ന്നെ അ​ട​ക്കാ​ത്ത​തി​നാ​ൽ ദി​വ​സ​ങ്ങ​ൾ​ക്ക​കം വ​ലു​താ​കു​ക​യാ​ണ്.

ദി​വ​സ​ങ്ങ​ൾ​ക്ക്​ മു​മ്പു​വ​രെ ആ​ലു​വ-​പെ​രു​മ്പാ​വൂ​ർ സ്വ​കാ​ര്യ ബ​സ് റോ​ഡി​ൽ ചൂ​ണ്ടി ഭാ​ഗ​ത്ത് കു​ഴി​ക​ൾ നി​റ​ഞ്ഞ് റോ​ഡ് കാ​ണാ​നാ​വാ​ത്ത നി​ല​യി​ലാ​യി​രു​ന്നു. വെ​ള്ളം നി​റ​ഞ്ഞ കു​ഴി​ക​ൾ മ​ര​ണ​ക്കെ​ണി​യാ​കു​ക​യും വാ​ഹ​നാ​പ​ക​ട​ങ്ങ​ൾ പ​തി​വാ​കു​ക​യും ചെ​യ്തു. പി​ന്നാ​ലെ മെ​റ്റ​ലും മ​റ്റും ഉ​പ​യോ​ഗി​ച്ച് കു​ഴി​ക​ൾ അ​ട​ച്ച​ത് യാ​ത്ര​ക്കാ​ർ​ക്ക് താ​ൽ​ക്കാ​ലി​ക ആ​ശ്വാ​സ​മാ​യി​ട്ടു​ണ്ട്.

ഒ​ന്ന​ട​ക്കാ​മോ ഈ ​കു​ഴി​ക​ൾ?

അ​പ​ക​ട​ങ്ങ​ൾ ആ​വ​ർ​ത്തി​ച്ചി​ട്ടും കു​ഴി​ക​ള​ട​ക്കാ​ൻ ബ​ന്ധ​പ്പെ​ട്ട​വ​ർ ത​യാ​റാ​കു​ന്നി​ല്ല. വൈ​റ്റി​ല ജ​ന​ത റോ​ഡ്, മൂ​വാ​റ്റു​പു​ഴ ന​ഗ​ര​ത്തി​ലെ ഇ.​ഇ.​സി മാ​ർ​ക്ക​റ്റ് ബൈ​പാ​സ് റോ​ഡ്, അ​ത്താ​ണി-​പ​റ​വൂ​ർ റോ​ഡി​ൽ ചെ​ങ്ങ​മ​നാ​ട് ശ്രീ​രം​ഗം ഓ​ഡി​റ്റോ​റി​യ​ത്തി​നു സ​മീ​പം, പ​റ​വൂ​ർ മു​നി​സി​പ്പ​ൽ ക​വ​ല മു​ത​ൽ ടെ​മ്പി​ൾ റോ​ഡ്, പെ​രു​മ്പാ​വൂ​ര്‍ വ​ല്ലം-​പാ​ണം​കു​ഴി റോ​ഡ്, കു​ന്ന​ത്തു​നാ​ട് പ​ഞ്ചാ​യ​ത്തി​ലെ കൈ​ത​ക്കാ​ട് ഡ​ബി​ൾ പാ​ലം പൊ​ത്ത​ൻ​കു​ഴി റോ​ഡ്, ഡ​ബി​ൾ പാ​ലം കു​മ്മ​നോ​ട് സ്കൂ​ൾ ക​നാ​ൽ ബ​ണ്ട് റോ​ഡ്, ആ​ര​ക്കു​ന്നം-​കാ​ഞ്ഞി​ര​മ​റ്റം റോ​ഡി​ൽ റെ​യി​ൽ​വെ ഗേ​റ്റി​ന്‍റെ ഇ​രു​വ​ശ​ത്തെ​യും റോ​ഡ്, പാ​യി​പ്ര മൈ​ക്രോ ജ​ങ്ഷ​ൻ-​മൈ​ക്രോ വേ​വ് റോ​ഡ് തു​ട​ങ്ങി വി​വി​ധ റോ​ഡു​ക​ളാ​ണ് കു​ഴി​വ​ഴി​യാ​യ​ത്.