വ്യവസായ മേഖലയിലെ മലിനീകരണം; അണയില്ല, പ്രതിഷേധത്തീ....

അ​മ്പ​ല​മു​ക​ൾ: വ്യ​വ​സാ​യ മേ​ഖ​ല​യി​ലെ മ​ലി​നീ​ക​ര​ണ​ത്തി​നെ​തി​രെ പ്ര​തി​ഷേ​ധം ശ​ക്ത​മാ​ക്കാ​നൊ​രു​ങ്ങി സ​മീ​പ​വാ​സി​ക​ൾ. ക​ഴി​ഞ്ഞ ദി​വ​സം റി​ഫൈ​ന​റി​യി​ലു​ണ്ടാ​യ തീ​പി​ടി​ത്ത​മാ​ണ് ഇ​ത്ത​രം തീ​രു​മാ​ന​ത്തി​ലേ​ക്ക് ന​യി​ച്ച​ത്. വ്യാ​ഴാ​ഴ്ച രാ​വി​ലെ ഡി.​വൈ.​എ​ഫ്.​ഐ​യു​ടെ നേ​തൃ​ത്വ​ത്തി​ലും വൈ​കീ​ട്ട് കോ​ൺ​ഗ്ര​സി​ന്‍റെ നേ​തൃ​ത്വ​ത്തി​ലും ക​മ്പ​നി ഗേ​റ്റി​ലേ​ക്ക് പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു.

കൂ​ടാ​തെ ദു​രി​തം അ​നു​ഭ​വി​ക്കു​ന്ന വ്യ​വ​സാ​യ മേ​ഖ​ല​യി​ലെ വി​വി​ധ പ്ര​ദേ​ശ​ങ്ങ​ളി​ലെ ജ​ന​ങ്ങ​ളും ശ​ക്ത​മാ​യ പ്ര​തി​ഷേ​ധ​ത്തി​നു​ള്ള ത​യാ​റെ​ടു​പ്പി​ലാ​ണ്. അ​യ്യ​ൻ​കു​ഴി, അ​ടൂ​ർ​ക്ക​ര, അ​മ്പ​ല​മു​ക​ൾ ഏ​റ്റി​ക്ക​ര, കു​ഴി​ക്കാ​ട്, മ​റ്റ​ക്കു​ഴി, വെ​ൺ​മ​ണി തു​ട​ങ്ങി​യ പ്ര​ദേ​ശ​ത്തെ ജ​ന​ങ്ങ​ളാ​ണ് സ​മ​ര​വു​മാ​യി രം​ഗ​ത്ത് വ​ന്നി​രി​ക്കു​ന്ന​ത്. വ​രും​ദി​വ​സ​ങ്ങ​ളി​ൽ സം​യു​ക്ത സ​മ​ര​ത്തി​നു​ള്ള ത​യാ​റെ​ടു​പ്പി​ലാ​ണ് സ​മ​ര​സ​മി​തി.

ദു​രി​ത ജീ​വി​ത​ത്തി​െന്റ നേ​ർ​ക്കാ​ഴ്ച

ഉ​യ​ർ​ന്ന തോ​തി​ലു​ള്ള ശ​ബ്ദ​മ​ലി​നീ​ക​ര​ണ​വും അ​ന്ത​രീ​ക്ഷ​ത്തി​ലെ പു​ക ഉ​ൾ​പ്പെ​ടെ വാ​യു​മ​ലി​നീ​ക​ര​ണ​വും പു​റ​മെ രാ​ത്രി​യാ​യാ​ൽ ശ​ക്ത​മാ​യ വെ​ളി​ച്ച​വും മൂ​ലം വെ​ൺ​മ​ണി, മ​റ്റ​ക്കു​ഴി ഉ​ൾ​പ്പെ​ടെ മേ​ഖ​ല​ക​ളി​ൽ വീ​ടു​ക​ളി​ൽ ഉ​റ​ങ്ങാ​ൻ പ​റ്റാ​ത്ത അ​വ​സ്ഥ​യാ​ണെ​ന്ന് നേ​ര​ത്തേ ഇ​വി​ടം സ​ന്ദ​ർ​ശി​ച്ച ക​ല​ക്ട​റു​ടെ നേ​തൃ​ത്വ​ത്തി​ലു​ള്ള സം​ഘ​ത്തെ നാ​ട്ടു​കാ​ർ അ​റി​യി​ച്ചി​രു​ന്നു. മ​ലി​നീ​ക​ര​ണ​ത്തെ തു​ട​ർ​ന്ന് കി​ണ​ർ വെ​ള്ളം​പോ​ലും ഉ​പ​യോ​ഗി​ക്കാ​ൻ ക​ഴി​യു​ന്നി​ല്ലെ​ന്നാ​ണ് നാ​ട്ടു​കാ​രു​ടെ സ​ങ്ക​ടം. ക​മ്പ​നി ഗ്രീ​ൻ ബെ​ൽ​റ്റോ ബ​ഫ​ർ സോ​ണോ ഇ​ല്ലാ​തെ​യാ​ണ് പ്ര​വ​ർ​ത്തി​ക്കു​ന്ന​ത്.

മ​ലി​നീ​ക​ര​ണ​ത്തെ തു​ട​ർ​ന്ന് കു​ട്ടി​ക​ൾ​ക്കും പ്രാ​യ​മാ​യ​വ​ർ​ക്കും ശ്വാ​സ​കോ​ശ സം​ബ​ന്ധ​മാ​യ രോ​ഗ​ങ്ങ​ളാ​ണ്. ആ​ശു​പ​ത്രി​യി​ൽ ചെ​ന്നാ​ൽ പ​രി​സ​ര​ത്തു​നി​ന്ന് മാ​റി​ത്താ​മ​സി​ക്കാ​നാ​ണ് നി​ർ​ദേ​ശി​ക്കു​ന്ന​തെ​ന്ന് സ്ത്രീ​ക​ൾ ഉ​ൾ​പ്പെ​ടെ അ​ന്ന് ക​ല​ക്ട​റോ​ട് പ​റ​ഞ്ഞു. വാ​ട​ക കൊ​ടു​ക്കാ​ൻ ക​ഴി​യു​ന്ന​വ​ർ പ്ര​ദേ​ശം വി​ട്ട് മാ​റി​ത്താ​മ​സി​ക്കു​ക​യാ​ണ്, അ​തി​നു​പോ​ലും ക​ഴി​യാ​ത്ത​വ​രാ​ണ് ദു​രി​തം​പേ​റി ഇ​വി​ടെ താ​മ​സി​ക്കു​ന്ന​തെ​ന്നും നാ​ട്ടു​കാ​ർ ചൂ​ണ്ടി​ക്കാ​ട്ടി.

ഐ.​ആ​ർ.​ഇ.​പി പ്രോ​ജ​ക്ട് വ​ന്ന​തോ​ടെ​യാ​ണ് പ്ര​ദേ​ശ​ത്ത് ഭൂ​മി ഏ​റ്റെ​ടു​ക്ക​ൽ പ്ര​ശ്നം രൂ​ക്ഷ​മാ​യ​ത്. കൂ​ടാ​തെ പെ​ട്രോ​കെ​മി​ക്ക​ൽ പ്രോ​ജ​ക്ട് വ​ന്ന​തോ​ടെ പ്ര​ദേ​ശ​ത്ത് അ​സ​ഹ​നീ​യ​മാ​യ ദു​ർ​ഗ​ന്ധ​വും അ​നു​ഭ​വ​പെ​ടാ​ൻ തു​ങ്ങി​യ​താ​യി നാ​ട്ടു​കാ​ർ പ​റ​യു​ന്നു. പ്ര​ദേ​ശ​ത്ത് ഗ്രീ​ൻ ബെ​ൽ​റ്റ് ഇ​ല്ലാ​ത്ത​തും ജ​ന​ങ്ങ​ളെ ആ​ശ​ങ്ക​പ്പെ​ടു​ത്തു​ന്ന​തു​മാ​യ വ​ലി​യ അ​പ​ക​ട മു​ഖ​ത്താ​ണ് ത​ങ്ങ​ൾ താ​മ​സി​ക്കു​ന്ന​തെ​ന്നും നാ​ട്ടു​കാ​ർ പ​റ​യു​ന്നു.

ഇ​ന്ന് പ​രി​ശോ​ധ​ന

ചൊ​വ്വാ​ഴ്ച രാ​ത്രി റി​ഫൈ​ന​റി​യി​ലു​ണ്ടാ​യ തീ​പി​ടി​ത്ത​വും തു​ട​ർ​ന്ന് പ്ര​ദേ​ശ​ത്ത് വ​ലി​യ ആ​രോ​ഗ്യ​പ്ര​ശ്ന​ങ്ങ​ളു​ണ്ടാ​ക്കു​ന്ന ത​ര​ത്തി​ൽ മ​ലി​നീ​ക​ര​ണ​വും ഉ​ണ്ടാ​യ പ​ശ്ചാ​ത്ത​ല​ത്തി​ൽ വെ​ള്ളി​യാ​ഴ്ച വി​ദ​ഗ്ധ സം​ഘം സ്ഥ​ല​ത്ത്​ പ​രി​ശോ​ധ​ന ന​ട​ത്തും. വീ​ട് വി​ട്ടു​പോ​യ അ​യ്യ​ൻ​കു​ഴി നി​വാ​സി​ക​ളു​ടെ വീ​ടു​ക​ൾ വാ​സ​യോ​ഗ്യ​മാ​ണോ എ​ന്നാ​ണ് റ​വ​ന്യൂ, ആ​രോ​ഗ്യ വി​ഭാ​ഗ​വും മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡ് അ​ധി​കൃ​ത​രും പ്ര​ദേ​ശ​വാ​സി​ക​ളും ചേ​ർ​ന്നാ​ണ്​ പ​രി​ശോ​ധി​ക്കു​ക.

ബു​ധ​നാ​ഴ്ച ക​ല​ക്ട​റു​ടെ​യും ജ​ന​പ്ര​തി​നി​ധി​ക​ളു​ടെ​യും നേ​തൃ​ത്വ​ത്തി​ൽ ന​ട​ന്ന ച​ർ​ച്ച​യെ തു​ട​ർ​ന്നാ​ണ് പ​രി​ശോ​ധ​ന. ഇ​പ്പോ​ൾ അ​യ്യ​ൻ​കു​ഴി നി​വാ​സി​ക​ൾ ചോ​റ്റാ​നി​ക്ക​ര​യി​ലെ സ്വ​കാ​ര്യ ഹോ​ട്ട​ലി​ൽ ക​മ്പ​നി​യു​ടെ കീ​ഴി​ലാ​ണ് താ​മ​സം.

അ​യ്യ​ൻ​കു​ഴി​ സ​മ​ര​ത്തി​ന് നാ​ലു​പ​തി​റ്റാ​ണ്ടി​ന്‍റെ ച​രി​ത്രം

കൊ​ച്ചി​ൻ റി​ഫൈ​ന​റി​യു​ടെ​യും എ​ച്ച്.​ഒ.​സി​യു​ടെ​യും മ​തി​ലു​ക​ൾ​ക്കു​ള്ളി​ൽ ഒ​മ്പ​ത​ര ഏ​ക്ക​റി​ൽ കു​ടു​ങ്ങി​ക്കി​ട​ക്കു​ക​യാ​ണ് അ​യ്യ​ൻ​കു​ഴി​യി​ലെ 42 കു​ടും​ബ​ങ്ങ​ൾ. അ​ടൂ​ർ​ക്ക​ര​യി​ൽ 34 കു​ടും​ബ​ങ്ങ​ൾ 45 ഏ​ക്ക​റി​ലാ​ണ് താ​മ​സി​ക്കു​ന്ന​ത്. അ​മ്പ​ല​മു​ക​ൾ പ്ര​ദേ​ശ​ത്ത് 25 കു​ടും​ബ​ങ്ങ​ൾ 30 ഏ​ക്ക​റി​ലാ​ണ് താ​മ​സി​ക്കു​ന്ന​ത്. ഏ​റ്റി​ക്ക​ര പ്ര​ദേ​ശ​ത്തെ നി​ര​വ​ധി കു​ടും​ബ​ങ്ങ​ൾ 20 ഏ​ക്ക​റി​ലാ​ണു​ള്ള​ത്. ഇ​വ​രെ​ല്ലാ​വ​രും ത​ങ്ങ​ളു​ടെ ഭൂ​മി ഏ​റ്റെ​ടു​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് സ​മ​ര​ത്തി​ലാ​ണ്.

അ​ശാ​സ്ത്രീ​യ സ്ഥ​ല​മെ​ടു​പ്പി​നും പ​രി​സ​ര മ​ലി​നീ​ക​ര​ണ​ത്തി​നു​മെ​തി​രെ വെ​ൺ​മ​ണി, മ​റ്റ​ക്കു​ഴി പ്ര​ദേ​ശ​ത്തെ സ​മ​ര​സ​മി​തി ന​ൽ​കി​യ പ​രാ​തി​യെ തു​ട​ർ​ന്ന് ജൂ​ൺ 20ന് ​ക​ല​ക്ട​റു​ടെ നേ​തൃ​ത്വ​ത്തി​ൽ സ്ഥ​ലം സ​ന്ദ​ർ​ശി​ച്ചി​രു​ന്നു. 1984 മു​ത​ൽ അ​യ്യ​ൻ​കു​ഴി നി​വാ​സി​ക​ൾ സ​മ​ര​ത്തി​ലാ​ണ്. ഇ​വി​ടെ ര​ണ്ടും മൂ​ന്നും സെ​ന്‍റ്​ ഭൂ​മി​യാ​ണു​ള്ള​ത്.

തെ​ക്കു​പ​ടി​ഞ്ഞാ​റ് ഭാ​ഗം എ​ച്ച്.​ഒ.​സി​യും വ​ട​ക്കു​കി​ഴ​ക്ക് ഭാ​ഗം റി​ഫൈ​ന​റി​യു​ടെ​യും ര​ണ്ടാ​ൾ പൊ​ക്ക​ത്തി​ലു​ള്ള മ​തി​ലു​ക​ളാ​ണ്. അ​ശാ​സ്ത്രീ​യ​മാ​യ സ്ഥ​ല​മെ​ടു​പ്പു​മൂ​ലം പ​ല തു​രു​ത്തു​ക​ളാ​യ പ്ര​ദേ​ശ​ങ്ങ​ളാ​ണ് ഇ​തെ​ല്ലാം. ഈ ​ഭാ​ഗ​ങ്ങ​ളി​ലേ​ക്ക് പൊ​തു​ഗ​താ​ഗ​തം​പോ​ലും ഇ​ല്ല.