പുനർനിർമാണ കാത്തിരിപ്പിന് ഏഴ് വർഷം; മഹാ പ്രളയത്തിൽ തകർന്ന തൂക്കുപാലം

കോ​ല​ഞ്ചേ​രി: ഏ​ഴ് വ​ർ​ഷ​ത്തെ കാ​ത്തി​രി​പ്പി​നൊ​ടു​വി​ൽ ഇ​ക്കു​റി​യെ​ങ്കി​ലും ത​മ്മാ​നി​മ​റ്റം തൂ​ക്ക് പാ​ലം പു​ന​ർ​നി​ർ​മി​ക്കു​മോ​യെ​ന്ന കാ​ത്തി​രി​പ്പി​ലാ​ണ് ജ​ന​ങ്ങ​ൾ. 2018ലെ ​മ​ഹാ പ്ര​ള​യ​ത്തി​ല്‍ ത​ക​ര്‍ന്ന പൂ​തൃ​ക്ക പ​ഞ്ചാ​യ​ത്തി​ലെ ത​മ്മാ​നി​മ​റ്റം തൂ​ക്കു​പാ​ലം പു​ന​ര്‍നി​ര്‍മാ​ണ​മാ​ണ് അ​നി​ശ്ചി​ത​മാ​യി നീ​ളു​ന്ന​ത്. നി​ര​വ​ധി ത​വ​ണ വാ​ഗ്ദാ​ന​ങ്ങ​ളും പ്ര​ഖ്യാ​പ​ന​ങ്ങ​ളു​മു​ണ്ടാ​യെ​ങ്കി​ലും പു​ന​ർ​നി​ർ​മാ​ണം മാ​ത്രം ന​ട​ന്നി​ല്ല.

റീ​ബി​ല്‍ഡ് കേ​ര​ള പ​ദ്ധ​തി​യി​ല്‍ നി​ന്ന് 5.3 കോ​ടി അ​നു​വ​ദി​ച്ചെ​ങ്കി​ലും തു​ട​ർ​ന​ട​പ​ടി​ക​ൾ​ക്ക് ഒ​ച്ചി​ന്‍റെ വേ​ഗ​ത​യാ​യി​രു​ന്നു. പാ​ലം പു​ന​ര്‍നി​ര്‍മി​ക്കാ​ന്‍ 2.16 കോ​ടി രൂ​പ സ​ര്‍ക്കാ​ര്‍ നേ​ര​ത്തെ അ​നു​വ​ദി​ച്ചി​രു​ന്നു. എ​ന്നാ​ല്‍ ഈ ​തു​ക അ​പ​ര്യാ​പ്ത​മാ​ണെ​ന്ന് റി​പ്പോ​ര്‍ട്ട് ന​ല്‍കി​യ​തി​നെ തു​ട​ര്‍ന്നാ​ണ് 5.3 കോ​ടി​രൂ​പ​ക്ക് സ​ര്‍ക്കാ​ര്‍ ഭ​ര​ണാ​നു​മ​തി ന​ല്‍കി​യ​ത്.

കു​ന്ന​ത്തു​നാ​ട്, പി​റ​വം മ​ണ്ഡ​ല​ങ്ങ​ളെ ത​മ്മി​ല്‍ ബ​ന്ധി​പ്പി​ച്ചി​രു​ന്ന ത​മ്മാ​നി​മ​റ്റം തൂ​ക്കു പാ​ലം ത​ക​ര്‍ന്നി​ട്ട് ഏ​ഴ് വ​ര്‍ഷ​മാ​യി. രാ​മ​മം​ഗ​ലം, പൂ​ത്തൃ​ക്ക പ​ഞ്ചാ​യ​ത്തു​ക​ളെ ത​മ്മി​ല്‍ ബ​ന്ധി​പ്പി​ച്ച് ത​മ്മാ​നി​മ​റ്റം ക​ട​വി​ല്‍ പാ​ലം പൂ​ര്‍ത്തി​യാ​യ​ത് 2013ലാ​ണ്. അ​ടു​ത്ത വ​ര്‍ഷ​മു​ണ്ടാ​യ വെ​ള്ള​പ്പൊ​ക്ക​ത്തി​ല്‍ പാ​ലം ച​രി​ഞ്ഞു. പു​ഴ​യി​ലൂ​ടെ ഒ​ഴു​കി​വ​ന്ന കൂ​റ്റ​ന്‍ മ​ര​ങ്ങ​ള്‍ ഇ​ടി​ച്ചാ​ണ് പാ​ല​ത്തി​ന്റെ ന​ട​പ്പാ​ത ച​രി​ഞ്ഞു​പോ​യ​ത്.

പാ​ലം നി​ര്‍മി​ച്ച കെ​ല്‍ക​മ്പ​നി ത​ന്നെ കേ​ടു​പാ​ടു​ക​ള്‍ തീ​ര്‍ത്ത് സ​ഞ്ചാ​ര​യോ​ഗ്യ​മാ​ക്കി. എ​ന്നാ​ല്‍ 2018 ലെ ​മ​ഹാ​പ്ര​ള​യം പാ​ലം പൂ​ര്‍ണ​മാ​യും പി​ഴു​തെ​ടു​ത്തു. പാ​ല​ത്തി​ന്റെ ത​മ്മാ​നി​മ​റ്റം ക​ര​യി​ലെ തൂ​ണ് ത​ക​ര്‍ന്ന് ഛിന്ന​ഭി​ന്ന​മാ​യി. ദു​ര​ന്ത നി​വാ​ര​ണ ഫ​ണ്ടി​ല്‍ നി​ന്നാ​ണ് തൂ​ക്കു പാ​ലം പ​ണി​യാ​ന്‍ ആ​ദ്യം ഫ​ണ്ട്​ അ​നു​വ​ദി​ച്ച​ത്.

ആ​ദ്യ പ്ര​ള​യ​ത്തി​ല്‍ പാ​ലം ത​ക​ര്‍ന്ന​പ്പോ​ള്‍ ഈ ​ഫ​ണ്ടി​ല്‍ നി​ന്നും തു​ക​യ​നു​വ​ദി​ച്ചാ​ണ് അ​റ്റ​കു​റ്റ​പ​ണി ന​ട​ത്തി​യ​ത്. ഇ​വി​ടെ പാ​ലം വ​ന്ന​തോ​ടെ പു​ഴ​യി​ലു​ണ്ടാ​യി​രു​ന്ന പൊ​തു​മ​രാ​മ​ത്ത് വ​കു​പ്പി​ന്റെ ക​ട​ത്തു സ​ര്‍വീ​സ് നി​ല​ച്ചി​രു​ന്നു. പാ​ലം ത​ക​ർ​ന്ന​തോ​ടെ വ​ര്‍ഷ​ങ്ങ​ളാ​യി ദു​രി​ത​ത്തി​ലാ​യ ഇ​രു​ക​ര​ക​ളി​ലെ​യും സാ​ധാ​ര​ണ​ക്കാ​ര്‍ ഇ​ക്കു​റി​യെ​ങ്കി​ലും ന​ട​പ​ടി​ക​ൾ വേ​ഗ​ത്തി​ലാ​കു​മോ​യെ​ന്ന കാ​ത്തി​രി​പ്പി​ലാ​ണ്.