വെറ്റിലപ്പാറ, കുളങ്ങാട്ടുകുഴി, മാലിപ്പാറ ഭാഗങ്ങളിൽ വീണ്ടും കാട്ടാന ശല്യം

കോ​ത​മം​ഗ​ലം: പി​ണ്ടി​മ​ന പ​ഞ്ചാ​യ​ത്തി​ലെ വെ​റ്റി​ല​പ്പാ​റ, കു​ള​ങ്ങാ​ട്ടു​കു​ഴി, മാ​ലി​പ്പാ​റ ഭാ​ഗ​ങ്ങ​ളി​ൽ വീ​ണ്ടും കാ​ട്ടാ​ന ശ​ല്യം. ഒ​ട്ടേ​റെ കാ​ര്‍ഷി​ക​വി​ള​ക​ള്‍ ന​ശി​പ്പി​ച്ചു. മാ​ലി​പ്പാ​റ കു​രി​ശു​മ​ല​യി​ലെ വാ​ട്ട​ര്‍ അ​തോ​റി​റ്റി​യു​ടെ കു​ടി​വെ​ള്ള ടാ​ങ്കി​ന് സ​മീ​പ​ത്തും ആ​ന​ക​ളെ​ത്തി. ഇ​വി​ടെ തെ​ങ്ങ് കു​ത്തി​മ​റി​ച്ചി​ടു​ക​യും വാ​ഴ ന​ശി​പ്പി​ക്കു​ക​യും ചെ​യ്തി​ട്ടു​ണ്ട്. ഈ ​ഭാ​ഗ​ത്ത് ആ​ദ്യ​മാ​യാ​ണ് ആ​ന ശ​ല്യ​മു​ണ്ടാ​കു​ന്ന​ത്.

കോ​ട്ട​പ്പാ​റ പ്ലാ​ന്‍റേ​ഷ​നി​ല്‍നി​ന്നു​ള്ള ആ​ന​ക്കൂ​ട്ടം ബു​ധ​നാ​ഴ്ച രാ​ത്രി എ​ട്ടോ​ടെ​യാ​ണ് ജ​ന​വാ​സ മേ​ഖ​ല​ക​ളി​ലേ​ക്ക് ക​ട​ന്ന​ത്. പ​ട​ക്കം പൊ​ട്ടി​ച്ച് ആ​ന​ക​ളെ തു​ര​ത്താ​ന്‍ ശ്ര​മി​ച്ചെ​ങ്കി​ലും കൃ​ഷി​യി​ട​ങ്ങ​ള്‍ മാ​റി​മാ​റി ക​യ​റി​യ ആ​ന​ക്കൂ​ട്ടം വ്യാ​ഴാ​ഴ്ച പു​ല​ര്‍ച്ചെ​യാ​ണ് പ്ലാ​ന്‍റേ​ഷ​നി​ലേ​ക്ക് മ​ട​ങ്ങി​യ​ത്.

ഈ ​പ്ര​ദേ​ശ​ത്ത് കു​റ​ച്ചു​നാ​ളാ​യി ആ​ന ശ​ല്യം കു​റ​ഞ്ഞി​രു​ന്ന​താ​ണ്. ച​ക്ക സീ​സ​ണ്‍ ആ​രം​ഭി​ച്ച​തോ​ടെ​യാ​ണ് അ​വ വീ​ണ്ടു​മെ​ത്തു​ന്ന​ത്. വേ​ന​ല്‍ക്കാ​ല​ത്ത് പ്ലാ​ന്‍റേ​ഷ​നു​ള്ളി​ല്‍ തീ​റ്റ​യും വെ​ള്ള​വും കു​റ​ഞ്ഞ​തും ആ​ന​ക​ള്‍ കൂ​ടു​ത​ലാ​യി പു​റ​ത്തി​റ​ങ്ങാ​ന്‍ കാ​ര​ണ​മാ​യി.