കഞ്ചാവുമായി പിടിയിൽ

മൂവാറ്റുപുഴ: വിൽപനക്കായി കൊണ്ടുവന്ന അഞ്ചര കിലോയിലധികം കഞ്ചാവുമായി അന്തർ സംസ്ഥാന തൊഴിലാളി മൂവാറ്റുപുഴ എക്‌സൈസിന്റെ പിടിയിൽ. പേഴയ്ക്കാപ്പിള്ളി സബ്‌സ്റ്റേഷന് സമീപം അന്യസംസ്ഥാന തൊഴിലാളികള്‍ താമസിക്കുന്ന കെട്ടിടത്തില്‍ നടത്തിയ പരിശോധനയിലാണ് കഞ്ചാവുമായി അസം സ്വദേശി നജ്മുല്‍ ഇസ്ലാം പിടിയിലായത്.

എട്ടുവര്‍ഷമായി മൂവാറ്റുപുഴയിലും പരിസരപ്രദേശങ്ങളിലും പ്ലംബിങ് ജോലി ചെയ്യുന്നയാളാണ് പ്രതി. രണ്ട് മാസങ്ങള്‍ക്കുമ്പ് സമാനമായ കേസില്‍ അറസ്റ്റിലായി ജാമ്യത്തിലിറങ്ങിയതായിരുന്നു.