കെനിയയിലെ വാഹനാപകടം; മരിച്ച ജസ്നയുടെയും കുഞ്ഞിന്‍റെയും മൃതദേഹം ഞായറാഴ്ച എത്തിക്കും

മൂ​വാ​റ്റു​പു​ഴ: ഖ​ത്ത​റി​ൽ​നി​ന്ന് കെ​നി​യ​യി​ലേ​ക്ക് പോ​യ വി​നോ​ദ​യാ​ത്രാ​സം​ഘം സ​ഞ്ച​രി​ച്ച ബ​സ് മ​റി​ഞ്ഞു​ണ്ടാ​യ അ​പ​ക​ട​ത്തി​ൽ മ​രി​ച്ച മൂ​വാ​റ്റു​പു​ഴ സ്വ​ദേ​ശി​നി ജ​സ്ന​യു​ടെ​യും മ​ക​ൾ റൂ​ഹി മെ​ഹ്റി​ന്‍റെ​യും മൃ​ത​ദേ​ഹ​ങ്ങ​ൾ ഞാ​യ​റാ​ഴ്ച രാ​വി​ലെ നാ​ട്ടി​ൽ എ​ത്തി​ക്കും.

സാ​ങ്കേ​തി​ക പ്ര​ശ്ന​ങ്ങ​ൾ എ​ല്ലാം പ​രി​ഹ​രി​ച്ച സാ​ഹ​ച​ര്യ​ത്തി​ൽ ശ​നി​യാ​ഴ്ച വൈ​കീ​ട്ട് കെ​നി​യ​യി​ൽ​നി​ന്ന്​ കൊ​ണ്ടു​വ​രു​ന്ന മൃ​ത​ദേ​ഹ​ങ്ങ​ൾ ഞാ​യ​റാ​ഴ്ച രാ​വി​ലെ എ​ട്ടു​മ​ണി​യോ​ടെ നെ​ടു​മ്പാ​ശ്ശേ​രി​യി​ൽ എ​ത്തും. തു​ട​ർ​ന്ന് മൂ​വാ​റ്റു​പു​ഴ പേ​ഴ​ക്കാ​പ്പി​ള്ളി​യി​ൽ എ​ത്തി​ച്ച് 11 മ​ണി​യോ​ടെ പേ​ഴ​ക്കാ​പ്പി​ള്ളി സെ​ൻ​ട്ര​ൽ ജു​മാ​മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കും.

വ്യാ​ഴാ​ഴ്ച വൈ​കീ​ട്ട് മൃ​ത​ദേ​ഹ​ങ്ങ​ൾ നാ​ട്ടി​ലെ​ത്തി​ക്കു​മെ​ന്നാ​ണ് അ​റി​യി​ച്ചി​രു​ന്ന​തെ​ങ്കി​ലും ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കാ​ൻ ക​ഴി​ഞ്ഞി​രു​ന്നി​ല്ല. ഖ​ത്ത​റി​ൽ ഭ​ർ​ത്താ​വി​നൊ​പ്പം താ​മ​സി​ച്ചി​രു​ന്ന പേ​ഴ​ക്കാ​പ്പി​ള്ളി കു​റ്റി​ക്കാ​ട്ടു​ചാ​ലി​ൽ മ​ക്കാ​രി​ന്റെ​യും ലൈ​ല​യു​ടെ​യും മൂ​ന്നാ​മ​ത്തെ മ​ക​ൾ ജ​സ്ന​യും (29) മ​ക​ൾ റൂ​ഹി മെ​ഹ്റി​നും (ഒ​ന്ന​ര) ബ​ലി​പ്പെ​രു​ന്നാ​ൾ ദി​വ​സ​മാ​ണ് ഭ​ർ​ത്താ​വി​നൊ​പ്പം ഖ​ത്ത​റി​ൽ​നി​ന്ന് കെ​നി​യ​യി​ലേ​ക്ക് പോ​യ​ത്.

28 പേ​ര​ട​ങ്ങി​യ സം​ഘം സ​ഞ്ച​രി​ച്ച ബ​സ് വ​ട​ക്കു​കി​ഴ​ക്ക​ന്‍ കെ​നി​യ​യി​ലെ ന്യാ​ന്‍ഡ​റു​വ പ്ര​വി​ശ്യ​യി​ല്‍ നി​യ​ന്ത്ര​ണം ന​ഷ്ട​മാ​യി താ​ഴ്ച​യി​ലേ​ക്ക് മ​റി​യു​ക​യാ​യി​രു​ന്നു. അ​പ​ക​ട​ത്തി​ൽ ജ​സ്ന​യും കു​ഞ്ഞും ഉ​ൾ​പ്പെ​ടെ ആ​റു​പേ​രാ​ണ് മ​രി​ച്ച​ത്. മ​രി​ച്ച​വ​രി​ൽ അ​ഞ്ചു​പേ​രും മ​ല​യാ​ളി​ക​ളാ​ണ്. ജ​സ്ന​യു​ടെ ഭ​ർ​ത്താ​വ് മു​ഹ​മ്മ​ദ് ഹ​നീ​ഫ​ക്ക്​ പ​രി​ക്കേ​റ്റു. തി​ങ്ക​ളാ​ഴ്ച പ്രാ​ദേ​ശി​ക​സ​മ​യം വൈ​കീ​ട്ട് നാ​ലു​മ​ണി​യോ​ടെ​യാ​യി​രു​ന്നു അ​പ​ക​ടം.