ഇടുക്കി വന്യജീവി സങ്കേതത്തിൽ 37 പുതിയ ജീവിവർഗത്തെ കണ്ടെത്തി

തൊ​ടു​പു​ഴ: ഇ​ടു​ക്കി വ​ന്യ​ജീ​വി സ​ങ്കേ​ത​ത്തി​ൽ ന​ട​ത്തി​യ വാ​ർ​ഷി​ക ജ​ന്തു​ജാ​ല ക​ണ​ക്കെ​ടു​പ്പി​ൽ 37 പു​തി​യ ജീ​വി​വ​ർ​ഗ​ത്തെ ക​ണ്ടെ​ത്തി. 14 പ​ക്ഷി, 15 ചി​ത്ര​ശ​ല​ഭ​ങ്ങ​ൾ, എ​ട്ട് തു​മ്പി​ക​ൾ എ​ന്നി​വ​യാ​ണ് പു​തി​യ അ​തി​ഥി​ക​ൾ. ഫെ​ബ്രു​വ​രി 21 മു​ത​ൽ 23 വ​രെ ട്രാ​വ​ൻ​കൂ​ർ നേ​ച്വ​ർ ഹി​സ്റ്റ​റി സൊ​സൈ​റ്റി​യും (ടി.​എ​ൻ.​എ​ച്ച്.​എ​സ്) കേ​ര​ള വ​നം വ​ന്യ​ജീ​വി വ​കു​പ്പും സം​യു​ക്ത​മാ​യാ​ണ് സ​ർ​വേ ന​ട​ത്തി​യ​ത്. ഇ​ടു​ക്കി അ​ണ​ക്കെ​ട്ടി​ന്‍റെ വൃ​ഷ്ടി​പ്ര​ദേ​ശ​ത്ത് സ്ഥി​തി ചെ​യ്യു​ന്ന വ​ന്യ​ജീ​വി സ​ങ്കേ​ത​തി​ലെ ഏ​ഴ് സ്ഥ​ല​ങ്ങ​ളി​ൽ താ​മ​സി​ച്ചാ​യി​രു​ന്നു സ​ർ​വേ.

14 പു​തി​യ​വ ഉ​ൾ​പ്പെ​ടെ ആ​കെ 174 പ​ക്ഷി​ക​ളെ സ​ർ​വേ​യി​ൽ നി​രീ​ക്ഷി​ച്ചു. ഗ്രേ ​ഹെ​റോ​ൺ (ചാ​ര​മു​ണ്ടി), ഇ​ന്ത്യ​ൻ സ്പോ​ട്ട് ഈ​ഗി​ൾ (പു​ള്ളി ക​ഴു​ക​ൻ), സ്റ്റെ​പ്പി ഈ​ഗി​ൾ (കാ​യ​ൽ​പ​രു​ന്ത്), ബോ​ണെ​ല്ലി ഈ​ഗി​ൾ (ബോ​ൺ​ല്ലി പ​രു​ന്ത്), വെ​സ്റ്റേ​ൺ മാ​ർ​ഷ് ഹാ​രി​യ​ർ (ക​രി ത​പ്പി), മൊ​ൺ​ടാ​ഗു ഹാ​രി​യ​ർ (മേ​ടു​ത​പ്പി), യൂ​റോ​പ്യ​ൻ സ്പാ​രോ ഹോ​ക്ക് (യൂ​റേ​ഷ്യ​ൻ പ്രാ​പി​ടി​യ​ൻ), സാ​വ​ന്ന നൈ​റ്റ് ജാ​ർ (ചി​യി​രാ​ച്ചു​ക്ക്), ബ്ലൂ ​ഫേ​സ് മ​ൽ​ക്കോ​ഹ (നീ​ല​ക്ക​ണ്ണ​ൻ പ​ച്ച​ച്ചു​ണ്ട​ൻ), ബ്ലൂ ​ഈ​യേ​ഡ് കിം​ഗ്ഫി​ഷ​ർ (പൊ​ടി​പ്പൊ​ന്മാ​ൻ), ഗ്രേ​റ്റ് ബ്ലാ​ക്ക് വു​ഡ് പെ​ക്ക​ർ (കാ​ക്ക മ​രം​കൊ​ത്തി), റോ​സി സ്റ്റാ​ർ (റോ​സ് മൈ​ന), ലോ​ങ് ബെ​ല്ലി​ഡ് പി​പ്പി​റ്റ് (പാ​റ നി​ര​ങ്ങ​ൻ), ഇ​ന്ത്യ​ൻ സി​ൽ​വ​ർ​ബി​ൽ (വ​യ​ലാ​റ്റ) എ​ന്നി​വ​യാ​ണ് ക​ണ്ടെ​ത്തി​യ പു​തി​യ പ​ക്ഷി​ക​ൾ. 15 പു​തി​യ​വ ഉ​ൾ​പ്പെ​ടെ ആ​കെ 155 ഇ​നം ശ​ല​ഭ​ങ്ങ​ളെ രേ​ഖ​പ്പെ​ടു​ത്തി. ഇ​തോ​ടെ സ​ങ്കേ​ത​ത്തി​ലെ ആ​കെ ചി​ത്ര​ശ​ല​ഭ​ങ്ങ​ളു​ടെ എ​ണ്ണം 212 ആ​യി ഉ​യ​ർ​ന്നു. വൃ​ഷ്ടി​പ്ര​ദേ​ശ​ത്ത് വ​ര​ണ്ട കാ​ലാ​വ​സ്ഥ ആ​യി​രു​ന്നെ​ങ്കി​ലും എ​ട്ട് പു​തി​യ​വ ഉ​ൾ​പ്പെ​ടെ 48 തു​മ്പി​ക​ളെ​യും കാ​ണാ​നാ​യി.

202 ഇ​നം നി​ശാ​ശ​ല​ഭ​ങ്ങ​ൾ, 52 ഇ​നം ഉ​റു​മ്പു​ക​ൾ എ​ന്നി​വ​യെ​യും ആ​ന, നീ​ർ നാ​യ, ചെ​റി​യ സ​സ്ത​നി​ക​ൾ എ​ന്നി​വ​യു​ടെ സാ​ന്നി​ധ്യ​വും സ​ർ​വേ​യി​ൽ ശ്ര​ദ്ധി​ക്ക​പ്പെ​ട്ടു. ഓ​ഫ് സീ​സ​ൺ സ​ർ​വേ​യി​ൽ​നി​ന്ന് ല​ഭി​ച്ച വി​വ​ര​ങ്ങ​ൾ പ്ര​തീ​ക്ഷി​ച്ച​തി​ലും കൂ​ടു​ത​ലാ​ണെ​ന്ന് മ​ഴ​ക്കാ​ല​ത്തി​ന് ശേ​ഷം തു​ട​ർ സ​ർ​വേ ന​ട​ത്തു​മെ​ന്നും ഇ​ടു​ക്കി വ​ന്യ​ജീ​വി സ​ങ്കേ​തം വൈ​ൽ​ഡ് ലൈ​ഫ് വാ​ർ​ഡ​ൻ ജി. ​ജ​യ​ച​ന്ദ്ര​ൻ പ​റ​ഞ്ഞു. അ​സി. വൈ​ൽ​ഡ് ലൈ​ഫ് വാ​ർ​ഡ​ൻ ബി. ​പ്ര​സാ​ദ് കു​മാ​ർ, സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ​മാ​രാ​യ കെ.​സി. ആ​ന​ന്ദ​ൻ സ​ജി​മോ​ൻ, കെ.​ആ​ർ. സ​ന്തോ​ഷ് എ​ന്നി​വ​ർ നേ​തൃ​ത്വം ന​ൽ​കി. ​