രോഗികളായ വയോധികയെയും മകനെയും പുറത്താക്കി വീട് ജപ്തി ചെയ്ത്​ കേരള ബാങ്ക്​

അ​ടി​മാ​ലി: രോ​ഗി​ക​ളാ​യ വ​യോ​ധി​ക​യെ​യും മ​ക​നെ​യും വാ​യ്പ കു​ടി​ശ്ശി​ക​യു​ടെ പേ​രി​ൽ പു​റ​ത്താ​ക്കി വീ​ട് ജ​പ്തി ചെ​യ്ത് കേ​ര​ള ബാ​ങ്ക്. വ​ട​ക്കേ ശ​ല്യാം​പാ​റ അം​ഗ​ൻ​വാ​ടി റോ​ഡി​ൽ പു​തി​യി​ടം നാ​ച്ചി​യു​ടെ വീ​ടാ​ണ് അ​ടി​മാ​ലി ശാ​ഖ മാ​നേ​ജ​റു​ടെ നേ​തൃ​ത്വ​ത്തി​ൽ ജ​പ്തി ചെ​യ്ത് ഏ​റ്റെ​ടു​ത്ത​ത്. നാ​ച്ചി​യെ​യും (85) മ​ക​ൻ ഹം​സ​യെ​യും (45) പൊ​ലീ​സ് സ​ഹാ​യ​ത്തോ​ടെ വീ​ട്ടി​ൽ​നി​ന്ന്​ ബ​ല​മാ​യി പു​റ​ത്താ​ക്കു​ക​യാ​യി​രു​ന്നു. നാ​ച്ചി നി​ത്യ​രോ​ഗി​യാ​ണ്. പ​ര​സ​ഹാ​യ​മി​ല്ലാ​തെ ഒ​ന്നും ചെ​യ്യാ​ൻ ക​ഴി​യി​ല്ല. ഹം​സ മ​നോ​രോ​ഗ​ത്തി​ന്​​ ചി​കി​ത്സ​യി​ലു​മാ​ണ്. ഉ​ടു​വ​സ്ത്രം മാ​ത്ര​മാ​യി സ്വ​ന്തം വീ​ട്ടി​ൽ​നി​ന്ന്​ ഇ​വ​ർ​ക്ക്​ ഇ​റ​ങ്ങേ​ണ്ടി​വ​ന്നു. വീ​ട്ടി​ലു​ള്ള മ​റ്റൊ​ന്നും എ​ടു​ക്കാ​ൻ പോ​ലും അ​ധി​കൃ​ത​ർ സ​മ്മ​തി​ച്ചി​ല്ല.

ക​ഴി​ഞ്ഞ ശ​നി​യാ​ഴ്ച രാ​വി​ലെ 10 നാ​ണ് സം​ഭ​വം. നാ​ച്ചി​യെ പൊ​ലീ​സ് ക​ട്ടി​ലി​ൽ​നി​ന്ന്​ പി​ടി​ച്ച് മു​റ്റ​ത്ത് കൊ​ണ്ടു​വ​ന്ന​ശേ​ഷ​മാ​ണ് ന​ട​പ​ടി തു​ട​ങ്ങി​യ​ത്. നാ​ച്ചി​യു​ടെ മ​ക​ൻ റ​സാ​ക്കാ​ണ് കേ​ര​ള ബാ​ങ്കി​ൽ​നി​ന്ന്​ വാ​യ്പ​യെ​ടു​ത്ത​ത്. വീ​ടി​നോ​ട് ചേ​ർ​ന്ന് 50 സെൻറ് സ്ഥ​ലം​ ഈ​ട് ന​ൽ​കി​യി​രു​ന്നു. ഈ ​സ​മ​യം ത​ന്‍റെ പേ​രി​ലാ​ണ് വീ​ടെ​ന്ന് കാ​ണി​ച്ചു​ള്ള പ​ഞ്ചാ​യ​ത്ത് സ​ർ​ട്ടി​ഫി​ക്ക​റ്റ് റ​സാ​ക്ക്​ ബാ​ങ്കി​ൽ ഹാ​ജ​രാ​ക്കി. ഇ​താ​ണ് വീ​ട് ജ​പ്തി ചെ​യ്യാ​ൻ ഇ​ട​യാ​ക്കി​യ​ത്. എ​ന്നാ​ൽ, വീ​ട് നാ​ച്ചി​യു​ടെ പേ​രി​ലാ​ണെ​ന്നും അ​ടി​മാ​ലി​യി​ലെ മ​റ്റൊ​രു ബാ​ങ്കി​ൽ ഈ​ടു​വെ​ച്ച് വാ​യ്പ​യെ​ടു​ത്ത​താ​ണെ​ന്നും മ​റ്റൊ​രു മ​ക​ൻ മൈ​തീ​ൻ ‘മാ​ധ്യ​മ’​ത്തോ​ട് പ​റ​ഞ്ഞു. പ​ഞ്ചാ​യ​ത്ത്​ രേ​ഖ​യി​ൽ നാ​ച്ചി​യു​ടെ ഭ​ർ​ത്താ​വ്​ മു​ഹ​മ്മ​ദി​ന്‍റെ പേ​രി​ലാ​ണ് വീ​ടു​ള്ള​ത്. ഈ ​വീ​ടി​ന്‍റെ ഓ​ണ​ർ​ഷി​പ്പ് മാ​റ്റി​യ​ത് സം​ബ​ന്ധി​ച്ച് അ​ന്വേ​ഷ​ണം വേ​ണ​മെ​ന്നും കേ​ര​ള ബാ​ങ്കി​ന്‍റെ ജ​പ്തി ന​ട​പ​ടി​ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കു​മെ​ന്നും മൈ​തീ​ൻ പ​റ​ഞ്ഞു.