കുറയുന്നില്ല, വീട്ടകങ്ങളിലെ നിലവിളികൾ...

തൊ​ടു​പു​ഴ: നി​യ​മ ന​ട​പ​ടി​യും ബോ​ധ​വ​ത്​​ക​ര​ണ​വും ശ​ക്ത​മാ​കു​മ്പോ​ഴും വീ​ട്ട​ക​ങ്ങ​ളി​ലെ നി​ല​വി​ളി​യും നെ​ടു​വീ​ർ​പ്പും തു​ട​രു​ക​യാ​ണ്. പൈ​നാ​വി​ൽ പ്ര​വ​ർ​ത്തി​ക്കു​ന്ന വ​നി​ത സം​ര​ക്ഷ​ണ ഓ​ഫി​സ്, സ​ഖി വ​ൺ​സ്റ്റോ​പ് സെ​ന്റ​ർ, സേ​വ​ന കേ​ന്ദ്ര​ങ്ങ​ൾ എ​ന്നി​വി​ട​ങ്ങ​ളി​ലാ​യി 2024ൽ ​ആ​കെ 596 ഗാ​ർ​ഹി​ക പീ​ഡ​ന പ​രാ​തി​ക​ളാ​ണ് ല​ഭി​ച്ച​ത്.

സേ​വ​ന കേ​ന്ദ്ര​ങ്ങ​ളി​ൽ 145, വ​നി​ത സം​ര​ക്ഷ​ണ ഓ​ഫി​സി​ൽ 263, സ​ഖി വ​ൺ സ്റ്റോ​പ് സെ​ന്റ​റി​ൽ 188 എ​ന്നി​ങ്ങ​നെ പ​രാ​തി​ക​ളു​ണ്ട്. 2022ൽ 540, 2023​ൽ 626 എ​ന്നി​ങ്ങ​നെ​യാ​യി​രു​ന്നു പ​രാ​തി​ക​ളു​ടെ എ​ണ്ണം. ഈ ​വ​ർ​ഷം മാ​ർ​ച്ചു​വ​രെ 72 പ​രാ​തി​യും ല​ഭി​ച്ചു. പ​രാ​തി​ക​ളി​ൽ കൂ​ടു​ത​ലും കു​ടും​ബ​ങ്ങ​ളി​ൽ പു​രു​ഷ​ന്മാ​രു​ടെ ല​ഹ​രി ഉ​പ​യോ​ഗം കാ​ര​ണ​മു​ള്ള ആ​ക്ര​മ​ണ​ങ്ങ​ളാ​ണ്. മാ​ന​സി​ക ആ​രോ​ഗ്യ​ക്കു​റ​വ് കാ​ര​ണ​മു​ണ്ടാ​കാ​റു​ള്ള പീ​ഡ​ന​ങ്ങ​ളു​മു​ണ്ട്. ഭാ​ര്യ​മാ​രെ സം​ശ​യം, അ​മി​ത നി​യ​ന്ത്ര​ണം തു​ട​ങ്ങി​യ​വ ഉ​ദാ​ഹ​ര​ണ​ങ്ങ​ളാ​ണ്.

കു​ട്ടി​ക​ളോ​ടു​ള്ള പെ​രു​മാ​റ്റ​ത്തി​ലെ അ​പാ​ക​ത​യും പ​രാ​തി​ക​ളി​ലു​ണ്ട്. സ്‍ത്രീ​ധ​നം സം​ബ​ന്ധി​ച്ച പ​രാ​തി​ക​ൾ മ​റ്റ് ജി​ല്ല​ക​ളെ​ക്കാ​ൾ കു​റ​വാ​ണ്. ബ​ലാ​ത്സം​ഗ പ​രാ​തി​ക​ളും കു​റ​ഞ്ഞി​ട്ടു​ണ്ട്. കു​ട്ടി​ക​ളു​ടെ മൊ​ബൈ​ലി​ന്‍റെ അ​മി​ത ഉ​പ​യോ​ഗ​വും കു​ടും​ബ​ങ്ങ​ൾ ഇ​​പ്പോ​ൾ നേ​രി​ടു​ന്ന പ്ര​ശ്ന​ങ്ങ​ളി​ലൊ​ന്നാ​ണ്.

വീ​ട്ട​ക​ങ്ങ​ളി​ൽ ഒ​തു​ങ്ങു​ന്ന പ​രാ​തി​ക​ൾ

പു​റ​ത്തു​വ​രു​ന്ന പ​രാ​തി​ക​ളെ​ക്കാ​ൾ ഒ​രു​പാ​ട് സം​ഭ​വ​ങ്ങ​ൾ വീ​ടു​ക​ളി​ൽ ഒ​തു​ങ്ങു​ന്നു​ണ്ട്. ആ​ത്മ​വി​ശ്വാ​സ​ക്കു​റ​വും നി​യ​മ അ​ജ്ഞ​ത​യു​മാ​ണ് കാ​ര​ണം. ഇ​തി​നാ​യി ശ​ക്ത​മാ​യ ബോ​ധ​വ​ത്​​ക​ര​ണ പ്ര​വ​ർ​ത്ത​ന​ങ്ങ​ളാ​ണ് ന​ട​ത്തു​ന്ന​ത്. ജി​ല്ല​യി​ലെ എ​സ്‍.​ടി പ്ര​മോ​ട്ട​ർ​മാ​ർ​ക്ക് ബോ​ധ​വ​ത്​​ക​ര​ണ ക്ലാ​സു​ക​ൾ ന​ൽ​കി. തു​ട​ർ​ന്ന് ഈ ​മേ​ഖ​ല​യി​ൽ​നി​ന്ന് കൂ​ടു​ത​ൽ സം​ഭ​വ​ങ്ങ​ൾ റി​പ്പോ​ർ​ട്ട് ചെ​യ്യ​പ്പെ​ട്ടു. സ​ഖി വ​ൺ സ്റ്റോ​പ് സെ​ന്റ​റി​ലൂ​ടെ സ്‍കൂ​ൾ, കോ​ള​ജ്, അം​ഗ​ൻ​വാ​ടി ത​ല​ങ്ങ​ളി​ലും ബോ​ധ​വ​ത്​​ക​ര​മു​ണ്ട്. ഇ​തി​ന്‍റെ പ​ശ്ചാ​ത്ത​ല​ത്തി​ൽ പ​ല​രും വി​വ​ര​ങ്ങ​ൾ റി​പ്പോ​ർ​ട്ട്​ ചെ​യ്​​ത്​ തു​ട​ങ്ങി​യി​ട്ടു​ണ്ട്.

സൗ​ജ​ന്യ നി​യ​മസ​ഹാ​യം​; നാ​ല് സേ​വ​നകേ​ന്ദ്രം

ഗാ​ർ​ഹി​ക പീ​ഡ​ന​ങ്ങ​ളു​മാ​യി ബ​ന്ധ​പ്പെ​ട്ട കേ​സു​ക​ളി​ൽ പ​രാ​തി ല​ഭ്യ​മാ​യാ​ൽ ഇ​ര​ക്ക്​ സൗ​ജ​ന്യ നി​യ​മ സ​ഹാ​യ​മ​ട​ക്കം ഉ​റ​പ്പു​ന​ൽ​കു​ന്നു. പ​രാ​തി ല​ഭ്യ​മാ​യാ​ൽ വ​കു​പ്പ് ര​ണ്ടു​കൂ​ട്ട​രെ​യും വി​ളി​ച്ചു​വ​രു​ത്തി മ​ധ്യ​സ്ഥ ച​ർ​ച്ച ന​ട​ത്തും. കൗ​ൺ​സ​ലി​ങ്ങാ​ണ് ആ​വ​ശ്യ​മെ​ന്ന് തോ​ന്നി​യാ​ൽ അ​ത് ല​ഭ്യ​മാ​ക്കും. ഇ​വ​ക്കൊ​ന്നും ത​യാ​റാ​യി​ല്ലെ​ങ്കി​ൽ നി​യ​മ ന​ട​പ​ടി​ക്ക്​ പ​രാ​തി​ക്കാ​രി​യു​ടെ സ​മ്മ​ത​ത്തോ​ടെ കോ​ട​തി​യി​ലേ​ക്ക് വി​ടും.

നി​യ​മ​സ​ഹാ​യം സൗ​ജ​ന്യ​മാ​ണ്. ക​ഴി​ഞ്ഞ​വ​ർ​ഷം 94 കേ​സു​ക​ൾ കോ​ട​തി​യി​ലേ​ക്ക് വി​ട്ടു. 236 പേ​ർ​ക്ക് കൗ​ൺ​സ​ലി​ങ് ന​ൽ​കി. 94 പേ​ർ​ക്ക് അ​ഭ​യ കേ​ന്ദ്ര​മൊ​രു​ക്കി. ജി​ല്ല​യി​ൽ ക​ട്ട​പ്പ​ന സെ​ന്റ് ജോ​ൺ ഓ​ഫ് ഗോ​ഡ്, പൈ​നാ​വ് കു​യി​ലി​മ​ല ആ​ശ്ര​യ എ​ന്നി​ങ്ങ​നെ ര​ണ്ട് അ​ഭ​യ​കേ​ന്ദ്ര​ങ്ങ​ളു​ണ്ട് (ഷെ​ൽ​ട്ട​ർ ഹോം). ​തൊ​ടു​പു​ഴ സേ​വ്യ​ർ ഹോം, ​അ​ടി​മാ​ലി സോ​പാ​നം, കു​മ​ളി വെ​സാ​ർ​ഡ് എ​ന്നി​വ​യും വ​നി​ത വി​ക​സ​ന കൗ​ൺ​സി​ലി​ന് കീ​ഴി​ൽ ചെ​റു​തോ​ണി​യി​ൽ പ്ര​വ​ർ​ത്തി​ക്കു​ന്ന കേ​ന്ദ്രം ഉ​ൾ​പ്പെ​ടെ നാ​ല് സേ​വ​ന കേ​ന്ദ്ര​ങ്ങ​ളാ​ണ് ജി​ല്ല​യി​ലു​ള്ള​ത്.