മി​ഷ​ൻ ഗോ​ത്ര​ഭേ​രി; കാടാണ് ജീവനും ജീവിതവും; മനസ്സു​​ തുറന്ന്​ കാടിന്‍റെ മക്കൾ

കു​മ​ളി: ആ​ന​ക്കാ​ട്ടി​ൽ ജീ​വി​ച്ച​വ​രാ ഞ​ങ്ങ​ൾ, ഞ​ങ്ങ​ളെ ഒ​രു ജീ​വി​യും ഉ​പ​ദ്ര​വി​ക്കാ​റി​ല്ല. നി​ൽ​ക്കാ​ൻ പ​റ​ഞ്ഞാ​ൽ ആ​ന നി​ൽ​ക്കും പോ​കാ​ൻ പ​റ​ഞ്ഞാ​ൽ പോ​കും... ആ​ദി​വാ​സി​ക​ളും വ​ന​വും വ​ന്യ​ജീ​വി​ക​ളും ത​മ്മി​ൽ വ​ലി​യ ബ​ന്ധ​മു​ണ്ട്... വ​ന​ത്തി​ൽ പാ​ലി​ക്കേ​ണ്ട മ​ര്യാ​ദ​ക​ളു​ണ്ട്, അ​ങ്ങ​നെ​യാ​ണ്​ ഞ​ങ്ങ​ൾ കാ​ട്ടി​ലെ ജീ​വി​ക​ളെ നി​ല​ക്കു നി​ർ​ത്തി​യി​രു​ന്ന​ത്. അ​വ​യെ ഉ​പ​ദ്ര​വി​ച്ചാ​ൽ മാ​ത്ര​മേ തി​രി​ച്ച് ഉ​പ​ദ്ര​വി​ക്കു​ക​യു​ള്ളൂ സാ​റേ...

മ​നു​ഷ്യ-​വ​ന്യ​ജീ​വി സം​ഘ​ർ​ഷ​ത്തി​ന്‍റെ വ്യാ​പ്‌​തി ല​ഘൂ​ക​രി​ക്കു​ന്ന​തി​ന്റെ ഭാ​ഗ​മാ​യി കേ​ര​ള​ത്തി​ലെ ഗോ​ത്ര​വി​ഭാ​ഗ​ത്തി​ൽ കാ​ലാ​കാ​ല​ങ്ങ​ളാ​യി സ്വീ​ക​രി​ച്ചു​വ​രു​ന്ന പ​ര​മ്പ​രാ​ഗ​ത പ്ര​തി​രോ​ധ മാ​ർ​ഗ​ങ്ങ​ളെ​ക്കു​റി​ച്ചു​ള്ള അ​റി​വു​ക​ൾ ശേ​ഖ​രി​ക്കു​ന്ന​തി​നാ​യി സ​ർ​ക്കാ​ർ ‘മി​ഷ​ൻ ഗോ​ത്ര​ഭേ​രി’​എ​ന്ന പ​ദ്ധ​തി​ക്ക് രൂ​പം​ന​ൽ​കി​യി​രു​ന്നു.

പ​ദ്ധ​തി​യു​ടെ ഭാ​ഗ​മാ​യി പെ​രി​യാ​ർ ടൈ​ഗ​ർ റി​സ​ർ​വ്​ ഈ​സ്റ്റ്-​വെ​സ്റ്റ് ഡി​വി​ഷ​നു​ക​ൾ, കോ​ട്ട​യം വ​നം ഡി​വി​ഷ​നി​ലെ എ​രു​മേ​ലി റേ​ഞ്ചി​ന്‍റെ പ​രി​ധി​യി​ൽ വ​രു​ന്ന പ്ര​ദേ​ശ​ങ്ങ​ൾ, മ​ന്നാ​ക്കു​ടി, പ​ളി​യ​ക്കു​ടി, വ​ഞ്ചി​വ​യ​ൽ, മൂ​ഴി​ക്ക​ൽ, അ​ട്ട​ത്തോ​ട്, കോ​സ​ടി, പ്ലാ​ക്ക​ത്ത​ടം, മു​രി​ക്കും​വ​യ​ൽ, കൊ​മ്പു​കു​ത്തി, കൊ​യ്നാ​ട്, തു​വ​ര​മ്പാ​റ, കു​റ്റി​പ്ല​ങ്ങാ​ട്, പു​ലി​ക്കു​ന്ന്, മാ​ങ്ങാ​പ്പേ​ട്ട, ആ​ന​ക്ക​ല്ല്, പാ​ക്കാ​നം പു​ഞ്ച​വ​യ​ൽ, എ​ലി​വാ​ലി​ക്ക​ര, ഇ​ര​മ്പു​ന്നി​ക്ക​ര, കാ​ള​കെ​ട്ടി എ​ന്നി​ങ്ങ​നെ 20 ഗോ​ത്ര മേ​ഖ​ല​ക​ളി​ൽ​നി​ന്നു​ള്ള 51 പ്ര​തി​നി​ധി​ക​ളെ പ​ങ്കെ​ടു​പ്പി​ച്ച് തേ​ക്ക​ടി​യി​ൽ ന​ട​ന്ന ഏ​ക​ദി​ന സെ​മി​നാ​റി​ലാ​ണ് ആ​ദി​വാ​സി​ക​ൾ വ​ന​പാ​ല​ക​ർ​ക്കു മു​ന്നി​ൽ മ​ന​സ്സ് തു​റ​ന്ന​ത്.

കാ​ടി​നു​ള്ളി​ലെ ജീ​വി​തം മു​ത​ൽ ഇ​പ്പോ​ൾ കാ​ടി​നും നാ​ടി​നും ഇ​ട​യി​ൽ​പെ​ട്ടു​പോ​യ ജീ​വി​ത​ത്തി​ലെ പ്ര​ശ്ന​ങ്ങ​ൾ വ​രെ ആ​ദി​വാ​സി കു​ടും​ബ​ങ്ങ​ൾ അ​ക്ക​മി​ട്ടു പ​റ​ഞ്ഞ​പ്പോ​ൾ കേ​ട്ടി​രു​ന്ന വ​ന​പാ​ല​ക​രി​ലും കൗ​തു​ക​വും ആ​ശ​ങ്ക​ക​ളും നി​റ​ഞ്ഞു. ആ​ദി​വാ​സി​ക​ളി​ൽ നി​ന്നു​ള്ള അ​റി​വു​ക​ൾ ശേ​ഖ​രി​ച്ച് ശാ​സ്ത്രീ​യ​മാ​യ പ​ഠ​ന​ങ്ങ​ൾ​ക്ക് ശേ​ഷം അ​വ​യെ ക്രീ​യാ​ത്മ​ക​മാ​യി ഉ​പ​യോ​ഗി​ക്കു​ക​യാ​ണ് പ​ദ്ധ​തി​യു​ടെ ല​ക്ഷ്യം. ‘മി​ഷ​ൻ ഗോ​ത്ര​ഭേ​രി’​സം​സ്ഥാ​ന കോ​ഓ​ഡി​നേ​റ്റ​ർ രാ​ജു കെ. ​ഫ്രാ​ൻ​സി​സ്, കെ.​എ​ഫ്.​ആ​ർ.​ഐ പ്രി​ൻ​സി​പ്പ​ൽ സ​യ​ന്‍റി​സ്റ്റ് ഡോ. ​എ.​വി. ര​ഘു എ​ന്നി​വ​രു​ടെ നേ​തൃ​ത്വ​ത്തി​ലാ​ണ് കൂ​ട്ടാ​യ്മ ന​ട​ന്ന​ത്.