കളിക്കളം ഒഴിഞ്ഞ് യാസീൻ

കു​മ​ളി: നി​ര​വ​ധി കു​ടും​ബ​ങ്ങ​ളി​ലെ യു​വാ​ക്ക​ളെ ജീ​വി​ത​ത്തി​ന്‍റെ ച​വി​ട്ടു​പ​ടി​യി​ലേ​ക്ക് എ​ത്തി​ച്ച്, ജി​ല്ല​യി​ലെ കാ​യി​ക മേ​ഖ​ല​ക്ക്​ നി​സ്തു​ല സം​ഭാ​വ​ന​ക​ൾ ന​ൽ​കി​യ കെ.​ജെ. യാ​സീ​ന്‍റെ (47) വേ​ർ​പാ​ട്​ നാ​ടി​ന്‍റെ നൊ​മ്പ​ര​മാ​യി. വ്യാ​ഴാ​ഴ്ച രാ​ത്രി​യും കു​മ​ളി ഹൈ​സ്കൂ​ൾ ഗ്രൗ​ണ്ടി​ൽ ട്രാ​ക്ക് വ​ര​ക്കു​ന്ന​തി​ൽ സ​ജീ​വ​മാ​യി​രു​ന്ന യാ​സീ​ൻ, വെ​ള്ളി​യാ​ഴ്ച പു​ല​ർ​ച്ച​യാ​ണ് മ​രി​ച്ച​ത്. വ​ര​ച്ചു തീ​ർ​ത്ത ട്രാ​ക്കി​ന് ന​ടു​വി​ൽ ജീ​വ​ന​റ്റ് കി​ട​ന്ന യാ​സീ​നെ കാ​ണാ​ൻ നാ​ടാ​കെ ഒ​ഴു​കി ഹൈ​സ്കൂ​ൾ ഗ്രൗ​ണ്ടി​ലെ​ത്തി.

വെ​ള്ളി​യാ​ഴ്ച ന​ട​ക്കാ​നി​രു​ന്ന ഉ​പ​ജി​ല്ല കാ​യി​ക മേ​ള​ക്കു​ള്ള ട്രാ​ക്കാ​ണ് യാ​സീ​നും കൂ​ട്ട​രും വ്യാ​ഴാ​ഴ്ച രാ​ത്രി പൂ​ർ​ത്തി​യാ​ക്കി പി​രി​ഞ്ഞ​ത്. ഹൃ​ദ​യാ​ഘാ​ത​ത്തെ തു​ട​ർ​ന്ന് യാ​സീ​ൻ വി​ട പ​റ​ഞ്ഞ​തോ​ടെ മ​ത്സ​ര​ങ്ങ​ൾ മാ​റ്റി​വെ​ച്ചു. ഫു​ട്ബാ​ൾ അ​സോ​സി​യേ​ഷ​ന്‍റെ ജി​ല്ല വൈ​സ് പ്ര​സി​ഡ​ന്‍റ്​ കൂ​ടി​യാ​ണ്​ യാ​സീ​ൻ.

1995 ൽ ​ഓ​ട്ട​മ​ത്സ​ര​ത്തി​ൽ സം​സ്ഥാ​ന ത​ല​ത്തി​ൽ വെ​ള്ളി മെ​ഡ​ൽ നേ​ടി​ക്കൊ​ണ്ടാ​യി​രു​ന്നു യാ​സീ​ന്‍റെ തു​ട​ക്കം. ഫു​ട്ബാ​ൾ ക​ളി​യി​ൽ പ്രാ​വീ​ണ്യം നേ​ടി​യ​ശേ​ഷം ഈ ​രം​ഗ​ത്ത് പ​രി​ശീ​ല​ക​നാ​യി വ​ള​രു​ന്ന​താ​ണ് കാ​യി​ക മേ​ഖ​ല ക​ണ്ട​ത്. 1999 മു​ത​ൽ ര​ണ്ട് പ​തി​റ്റാ​ണ്ടി​നി​ടെ നൂ​റു​ക​ണ​ക്കി​ന് കു​ട്ടി​ക​ൾ​ക്കും യു​വാ​ക്ക​ൾ​ക്കും പ​രി​ശീ​ല​നം ന​ൽ​കി. ഇ​വ​രി​ൽ പ​ല​രും ക​ട​ൽ ക​ട​ന്ന് വി​വി​ധ രാ​ജ്യ​ങ്ങ​ളി​ൽ പോ​യി അ​ണ്ട​ർ 17 വി​ഭാ​ഗ​ത്തി​ൽ മ​ത്സ​രി​ച്ചു.

വെ​റു​മൊ​രു ഫു​ട്ബോ​ൾ പ​രി​ശീ​ല​ക​ൻ എ​ന്ന​തി​ലു​പ​രി പ​ല കു​ടും​ബ​ങ്ങ​ളി​ലെ യു​വാ​ക്ക​ൾ​ക്കും വ​ഴി​കാ​ട്ടി​കൂ​ടി​യാ​വു​ക​യാ​യി​രു​ന്നു യാ​സീ​ൻ. ഇ​ത്ത​ര​ത്തി​ൽ ജോ​ലി നേ​ടി​യ 300 ല​ധി​കം പേ​രാ​ണ് യാ​സീ​ന്‍റെ ശി​ഷ്യ​ഗ​ണ​ത്തി​ലു​ള്ള​ത്. മ​ക്ക​ളെ​യും ഫു​ട്ബാ​ളി​ന്‍റെ മാ​ന്ത്രി​ക​ത പ​ഠി​പ്പി​ച്ച​തോ​ടെ ഇ​വ​രും മി​ക​ച്ച ക​ളി​ക്കാ​രാ​യി മാ​റി. മ​ക​ൻ അ​ബു താ​ഹി​ർ ഫു​ട്ബാ​ൾ കോ​ച്ചാ​യ​പ്പോ​ൾ മ​റ്റൊ​രു മ​ക​ൻ ക​ളി​യു​ടെ മി​ക​വി​ലൂ​ടെ സൈ​ന്യ​ത്തി​ലെ​ത്തി. കൊ​ച്ചി​യി​ൽ റി​ല​യ​ൻ​സ് സം​ഘ​ടി​പ്പി​ച്ച യൂ​ത്ത് സ്പോ​ട്സി​ൽ അ​ണ്ട​ർ 14 ൽ ​ഗോ​ൾ​ഡ​ൻ ബൂ​ട്ട​ണി​ഞ്ഞ് മ​ക​ൾ ആ​ലി​യ എ​ത്തി​യ​തി​ന്‍റെ വീ​ഡി​യോ​യും സ​ന്തോ​ഷ​വും ഫു​ട്ബാ​ൾ അ​സോ​സി​യേ​ഷ​ന്‍റെ ഗ്രൂ​പ്പി​ൽ വ്യാ​ഴാ​ഴ്ച രാ​ത്രി 11 മ​ണി​ക്ക്​ പോ​സ്റ്റ്​ ചെ​യ്ത്​ ഉ​റ​ക്ക​ത്തി​ലേ​ക്ക് ക​ണ്ണ​ട​ച്ച യാ​സീ​ൻ, ഇ​നി​യൊ​രി​ക്ക​ലും മ​ട​ങ്ങി​വ​ര​വി​ല്ലാ​ത്ത ലോ​ക​ത്തേ​ക്ക് യാ​ത്ര​യാ​വു​ക​യാ​യി​രു​ന്നു.