പ്രദേശവാസികളുടെ ദാഹമകറ്റുമോ?; പത്തനിപ്പാറ ശുദ്ധജല പദ്ധതി മുടങ്ങിയിട്ട്​അഞ്ചുവർഷം

നെ​ടു​ങ്ക​ണ്ടം: ത്രി​ത​ല പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ കാ​ലാ​വ​ധി അ​വ​സാ​നി​ക്കാ​ന്‍ ആ​റു​മാ​സം ബാ​ക്കി​നി​ല്‍ക്കെ പാ​മ്പാ​ടും​പാ​റ പ​ഞ്ചാ​യ​ത്തി​ല്‍ അ​ഞ്ചു​വ​ര്‍ഷ​മാ​യി മു​ട​ങ്ങി കി​ട​ക്കു​ന്ന ശു​ദ്ധ​ജ​ല പ​ദ്ധ​തി ഇ​നി​യും പു​നഃ​സ്ഥാ​പി​ച്ചി​ട്ടി​ല്ല.

പാ​മ്പാ​ടും​പാ​റ പ​ത്ത​നി​പ്പാ​റ ഗാ​ന്ധി​ന​ഗ​ര്‍ ശു​ദ്ധ​ജ​ല പ​ദ്ധ​തി​യാ​ണ് അ​ഞ്ചു​വ​ര്‍ഷ​മാ​യി മു​ട​ങ്ങി​ക്കി​ട​ക്കു​ന്ന​ത്. ഇ​തോ​ടെ 100 കു​ടും​ബ​ങ്ങ​ളു​ടെ കു​ടി​വെ​ള്ള​മാ​ണ് മു​ട​ങ്ങി​യ​ത്. സാ​ധാ​ര​ണ​ക്കാ​രും തൊ​ഴി​ലാ​ളി​ക​ളു​മ​ട​ക്കം 700 മു​ത​ല്‍ 1000 രൂ​പ വ​രെ കൊ​ടു​ത്താ​ണ് കു​ടി​വെ​ള്ളം വാ​ങ്ങു​ന്ന​ത്.

പാ​മ്പാ​ടും​പാ​റ പ​ഞ്ചാ​യ​ത്തി​ലെ ഒ​ന്ന്, ര​ണ്ട്, മൂ​ന്ന്​ വാ​ര്‍ഡു​ക​ളി​ലെ കു​ടും​ബ​ങ്ങ​ള്‍ക്ക് പ്ര​യോ​ജ​ന​മാ​കേ​ണ്ട പ​ദ്ധ​തി​യാ​ണ് ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്ന​ത്. മ​ഴ​ക്കാ​ല​ത്തു​പോ​ലും കു​ടി​വെ​ള്ള ക്ഷാ​മം രൂ​ക്ഷ​മാ​യ മേ​ഖ​ല​യാ​ണി​ത്. കു​ടി​വെ​ള്ളം വി​ത​ര​ണം ചെ​യ്യു​ന്ന ഇ​രു​മ്പ് പൈ​പ്പു​ക​ള്‍ ര​ണ്ട് കി​ലോ​മീ​റ്റ​ര്‍ ദൂ​ര​ത്തി​ല്‍ തു​രു​മ്പെ​ടു​ത്ത് ന​ശി​ച്ച​തോ​ടെ ആ​രും തി​രി​ഞ്ഞു നോ​ക്കാ​തെ പ​ദ്ധ​തി ഉ​പേ​ക്ഷി​ക്കു​ക​യാ​യി​രു​ന്നു​വെ​ന്നാ​ണ് പ്ര​ദേ​ശ​വാ​സി​ക​ള്‍ പ​റ​യു​ന്ന​ത്.

ഇ​തോ​ടെ കു​ളം കാ​ടു​മൂ​ടു​ക​യും സം​ര​ക്ഷ​ണ​ഭി​ത്തി​ക്ക് വി​ള്ള​ല്‍ രൂ​പ​പ്പെ​ടു​ക​യും ചെ​യ്തു. സ്വ​കാ​ര്യ വ്യ​ക്തി സൗ​ജ​ന്യ​മാ​യി ന​ല്‍കി​യ സ്ഥ​ല​ത്ത് 2005ലാ​ണ് കു​ളം കു​ഴി​ച്ച് ജി​ല്ല പ​ഞ്ചാ​യ​ത്ത് പ​ദ്ധ​തി ആ​രം​ഭി​ച്ച​ത്.

ജ​ല വി​ത​ര​ണ പൈ​പ്പു​ക​ള്‍ തു​രു​മ്പെ​ടു​ത്ത് ന​ശി​ച്ച​തോ​ടെ​യാ​ണ് പ​ദ്ധ​തി മു​ട​ങ്ങി​യ​ത്. ഗു​ണ​നി​ല​വാ​രം കു​റ​ഞ്ഞ പൈ​പ്പു​ക​ള്‍ ഉ​പ​യോ​ഗി​ച്ച​താ​ണ് പ​ദ്ധ​തി മു​ട​ങ്ങാ​ന്‍ കാ​ര​ണ​മെ​ന്നാ​ണ് ഗു​ണ​ഭോ​ക്താ​ക്ക​ള്‍ പ​റ​യു​ന്ന​ത്.

പ്ര​ദേ​ശ​ത്ത് കു​ഴ​ല്‍ക്കി​ണ​റു​ക​ളോ മ​റ്റ് ശു​ദ്ധ​ജ​ല സ്രോ​ത​സ്സു​ക​ളോ ഇ​ല്ലാ​ത്ത നൂ​റോ​ളം കു​ടും​ബ​ങ്ങ​ളാ​ണ് വേ​ന​ല്‍കാ​ല​ത്ത് ദു​രി​ത​മ​നു​ഭ​വി​ക്കു​ന്ന​ത്.

ജ​ല​ക്ഷാ​മം രൂ​ക്ഷ​മാ​യ ജ​നു​വ​രി മു​ത​ല്‍ മേ​യ്​ വ​രെ​യാ​ണ് ഏ​റെ ദു​രി​തം. തോ​ട്ട​ങ്ങ​ളി​ലും മ​റ്റും ജോ​ലി​ക്കു​പോ​കു​ന്ന​വ​ർ​ക്ക്​ കു​ടി​വെ​ള്ളം വാ​ങ്ങാ​ൻ ന​ല്ലൊ​രു തു​ക മാ​റ്റി വെ​ക്കേ​ണ്ടി​വ​രു​ന്നു.

പ്ര​ദേ​ശ​വാ​സി​ക​ള്‍ നി​ര​വ​ധി ത​വ​ണ പ​രാ​തി​യു​മാ​യി ത്രി​ത​ല പ​ഞ്ചാ​യ​ത്തു​ക​ളെ സ​മീ​പി​ച്ചെ​ങ്കി​ലും പ്ര​യോ​ജ​ന​മു​ണ്ടാ​യി​ല്ല, അ​ഞ്ചു​വ​ര്‍ഷ​മാ​യി പ​ദ്ധ​തി പൂ​ര്‍ണ​മാ​യും മു​ങ്ങി​ക്കി​ട​ക്കു​ക​യാ​ണ്. അ​ധി​കൃ​ത​രു​ടെ ക​നി​വി​നാ​യി കാ​ത്തി​രി​ക്കു​ക​യാ​ണ് പ്ര​ദേ​ശ​വാ​സി​ക​ള്‍. ജ​ല​ക്ഷാ​മം പ​രി​ഹ​രി​ക്കാ​ൻ അ​ടി​യ​ന്ത​ര പ്രാ​ധാ​ന്യം ന​ല്‍കി എ​ത്ര​യും വേ​ഗം ജ​ല​വി​ത​ര​ണം പു​നഃ​സ്ഥാ​പി​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.