പണിതിട്ടും തീരാതെ ഗ്യാസ് ക്രിമറ്റോറിയം; മൃതദേഹം ദഹിപ്പിക്കാനിടമില്ലാതെ നാട്ടുകാർ

നെ​ടു​ങ്ക​ണ്ടം: മൂ​ന്ന​ര​വ​ർ​ഷം പി​ന്നി​ടു​മ്പോ​ഴും താ​ലൂ​ക്ക്​ ആ​സ്ഥാ​ന​ത്തെ ഗ്യാ​സ് ക്രി​മി​റ്റോ​റി​യം നി​ർ​മാ​ണം എ​ങ്ങു​മെ​ത്തി​യി​ല്ല. 12 വ​ര്‍ഷ​മാ​യി ഉ​പ​യോ​ഗ​ശൂ​ന്യ​മാ​യി കി​ട​ന്ന ഗ്യാ​സ് ക്രി​മി​റ്റോ​റി​യം പൊ​ളി​ച്ചു​നീ​ക്കി 55 ല​ക്ഷം രൂ​പ ചെ​ല​വി​ൽ ആ​രം​ഭി​ച്ച ചോ​റ്റാ​നി​ക്ക​ര മോ​ഡ​ല്‍ ഗ്യാ​സ് ക്രി​മി​റ്റോ​റി​യ​ത്തി​ന്‍റെ നി​ര്‍മാ​ണ​മാ​ണ് ഇ​ഴ​യു​ന്ന​ത്.

നി​ര്‍മാ​ണ​ച്ചു​മ​ത​ല​യു​ള്ള കോ​സ്റ്റ്​​ഫോ​ഡും പ​ഞ്ചാ​യ​ത്തും ന​ട​ത്തി​യ ച​ര്‍ച്ച​യി​ല്‍ ചി​മ്മി​നി​യു​ടെ അ​ടി​ത്ത​റ​യും ചി​മ്മി​നി​യും പൂ​ര്‍ത്തി​യാ​ക്കി ക​ഴി​ഞ്ഞ ഒ​ക്‌​ടോ​ബ​ര്‍ 15ന് ​ഉ​ദ്ഘാ​ട​നം ചെ​യ്യു​മെ​ന്ന് പ്ര​ഖ്യാ​പി​ച്ചി​രു​ന്നു. എ​ന്നാ​ൽ, ഒ​മ്പ​ത്​ മാ​സം പി​ന്നി​ട്ടി​ട്ടും പ്ര​ഖ്യാ​പ​ന​ത്തി​ലൊ​തു​ങ്ങി. 15 വ​ര്‍ഷ​ത്തി​നി​ടെ ര​ണ്ട് ഘ​ട്ട​ങ്ങ​ളി​ലാ​യി 80 ല​ഷം രൂ​പ​മു​ട​ക്കി​യ ശ്മ​ശാ​നം കാ​ടു​ക​യ​റി​യും തു​രു​മ്പെ​ടു​ത്തും ന​ശി​ക്കു​മ്പോ​ള്‍ മൃ​ത​ദേ​ഹം സം​സ്ക​രി​ക്കാ​ൻ സ​മീ​പ പ​ഞ്ചാ​യ​ത്തു​ക​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലാ​ണ് നാ​ട്ടു​കാ​ർ.

ര​ണ്ടു​മാ​സം കൊ​ണ്ട് പൂ​ർ​ത്തീ​ക​രി​ക്കു​മെ​ന്ന് പ്ര​ഖ്യാ​പ​നം

നി​ല​വി​ലെ ഭ​ര​ണ​സ​മി​തി 2022 ഏ​പ്രി​ല്‍ 27ന് ​കൊ​ട്ടി​ഗ്​​ഘോ​ഷി​ച്ച് നി​ര്‍മാ​ണോ​ദ്ഘാ​ട​നം ന​ട​ത്തി​യ വാ​ത​ക ശ്മ​ശാ​ന​മാ​ണ് പാ​തി​വ​ഴി​യി​ല്‍ മു​ട​ങ്ങി​യ​ത്. ര​ണ്ടു​മാ​സം കൊ​ണ്ട് പൂ​ര്‍ത്തി​യാ​ക്കു​മെ​ന്ന് പ​റ​ഞ്ഞാ​യി​രു​ന്നു നി​ര്‍മാ​ണോ​ദ്ഘാ​ട​നം നി​ര്‍വ​ഹി​ച്ച​ത്. 55 ല​ക്ഷം രൂ​പ​യാ​ണ് പ​ദ്ധ​തി​ക്കാ​യി ചെ​ല​വ​ഴി​ച്ച​ത്. 2008-10ല്‍ ​എം. സു​കു​മാ​ര​ൻ പ്ര​സി​ഡ​ന്റാ​യി​രി​ക്കെ​യാ​ണ് ജ​ന​കീ​യാ​സൂ​ത്ര​ണ പ​ദ്ധ​തി​യി​ൽ ഉ​ള്‍പ്പെ​ടു​ത്തി 25 ല​ക്ഷം രൂ​പ മു​ട​ക്കി ജി​ല്ല​യി​ല്‍ ആ​ദ്യ​മാ​യി ഇ​വി​ടെ പൊ​തു​ശ്മ​ശാ​നം നി​ര്‍മി​ച്ച​ത്. യാ​ക്കോ​ബാ​യ പ​ള്ളി​വ​ക സെ​മി​ത്തേ​രി​യോ​ട​നു​ബ​ന്ധി​ച്ച് 10 സെ​ന്‍റ്​ സ്ഥ​ലം വാ​ങ്ങി​യാ​യി​രു​ന്നു നി​ർ​മാ​ണം.

ഉ​റ്റ​വ​രു​ടെ മൃ​ത​ദേ​ഹം സം​സ്‌​ക​രി​ക്കാ​ന്‍ അ​ടു​ക്ക​ള പൊ​ളി​ച്ചും വീ​ട്ടു​മു​റ്റ​ത്ത് ചി​ത​യൊ​രു​ക്കി​യും പാ​ടു​പെ​ടു​ന്ന​ത് മ​ന​സ്സി​ലാ​ക്കി​യാ​ണ് അ​ന്ന​ത്തെ ഭ​ര​ണ​സ​മി​തി മു​ന്‍കൈ​യെ​ടു​ത്ത് ക്രി​മി​റ്റോ​റി​യം നി​ര്‍മി​ച്ച​ത്. 30 മൃ​ത​ദേ​ഹ​ങ്ങ​ള്‍ സം​സ്‌​ക​രി​ക്കാ​വു​ന്ന ശ്മ​ശാ​ന​ത്തോ​ടൊ​പ്പ​മാ​യി​രു​ന്നു ഗ്യാ​സ്​ ക്രി​മി​റ്റോ​റി​യം നി​ര്‍മി​ച്ച​ത്. പു​ക ശു​ദ്ധീ​ക​രി​ച്ച് പു​റ​ത്തേ​ക്ക് വി​ടു​ന്ന​തി​നാ​ല്‍ ദു​ര്‍ഗ​ന്ധ​മോ പ​രി​സ്ഥി​തി മ​ലി​നീ​ക​ര​ണ​മോ ഇ​ല്ലാ​യി​രു​ന്നു.

പ​രാ​തി​ക​ൾ അ​വ​ഗ​ണി​ച്ച് പ​ഞ്ചാ​യ​ത്ത് ഭ​ര​ണ​സ​മി​തി​ക​ൾ

2010ല്‍ ​പു​തി​യ ഭ​ര​ണ​സ​മി​തി അ​ധി​കാ​ര​ത്തി​ല്‍ വ​ന്ന​തി​നെ തു​ട​ര്‍ന്ന് അ​വി​ടെ​ത്തെ ജീ​വ​ന​ക്കാ​ര​നെ പി​രി​ച്ചു​വി​ട്ടു. അ​തോ​ടെ ക്രി​മി​റ്റോ​റി​യം പ​ഞ്ചാ​യ​ത്ത് ഉ​പേ​ക്ഷി​ക്കു​ക​യി​രു​ന്നു. പി​ന്നീ​ട് ഇ​തു​വ​രെ ജീ​വ​ന​ക്കാ​ര​നെ നി​യ​മി​ക്കു​ക​യോ ക്രി​മി​റ്റോ​റി​യം പ്ര​വ​ര്‍ത്തി​പ്പി​ക്കു​ക​യോ ദ​ഹി​പ്പി​ക്കു​ക​യോ ചെ​യ്തി​ട്ടി​ല്ല. 2010ലും 2015​ലും അ​ധി​കാ​ര​ത്തി​ല്‍ വ​ന്ന ര​ണ്ട് ഭ​ര​ണ​സ​മി​തി​യി​ലും നി​ര​വ​ധി ത​വ​ണ പ​രാ​തി​പ്പെ​ട്ടി​ട്ടും തി​രി​ഞ്ഞു​നോ​ക്കി​യി​ല്ല. ട​വ​ര്‍ നി​ര്‍മി​ച്ച ഇ​രു​മ്പു​ദ​ണ്ഡു​ക​ളും പു​ക​ക്കു​ഴ​ലി​ന് ഇ​പ​യോ​ഗി​ച്ചി​രു​ന്ന പൈ​പ്പു​ക​ളും മ​റ്റും തു​രു​മ്പെ​ടു​ത്ത് ന​ശി​ച്ചു.

ഇ​തി​നി​ടെ അ​വി​ടെ ഉ​ണ്ടാ​യി​രു​ന്ന 25 ഗ്യാ​സ്​ സി​ലി​ണ്ട​റു​ക​ളും കാ​ണാ​താ​യി. അ​ന്ന​ത്തെ പ​ഞ്ചാ​യ​ത്ത്​ അം​ഗ​ത്തി​ന്റെ നേ​തൃ​ത്വ​ത്തി​ല്‍ മ​റ്റെ​ന്തോ ആ​വ​ശ്യ​ത്തി​നാ​യി സി​ലി​ണ്ട​റു​ക​ള്‍ കൊ​ണ്ടു​പോ​യ​താ​യാ​ണ് അ​റി​വ്. നി​ർ​മാ​ണം പാ​തി​വ​ഴി​യി​ല്‍ നി​ല​ച്ച​തോ​ടെ ഇ​വി​ടെ സ്ഥാ​പി​ച്ച ജ​ന​റേ​റ്റ​ര്‍ അ​ട​ക്കം ഉ​പ​യോ​ഗി​ക്കാ​തെ മ​ഴ​യും വെ​യി​ലു​മേ​റ്റ് ന​ശി​ക്കു​ക​യാ​ണ്. 80 ല​ക്ഷം രൂ​പ മു​ട​ക്കി​യി​ട്ടും ഭൂ​ര​ഹി​ത​രും നാ​മ​മാ​ത്ര ഭൂ​മി​യു​ള്ള​വ​രും മ​രി​ച്ചാ​ല്‍ മ​റ്റ് പ​ഞ്ചാ​യ​ത്തു​ക​ളെ ആ​ശ്ര​യി​ക്കേ​ണ്ട അ​വ​സ്ഥ​യാ​ണ് നി​ല​വി​ൽ.