രണ്ട്​ മാസത്തിനിടെ 3.66 ലക്ഷം തട്ടി പീരുമേട്​ പഞ്ചായത്ത്​ അസി. സെക്രട്ടറിക്ക്​ സസ്​പെൻഷൻ

നെ​ടു​ങ്ക​ണ്ടം: ചെ​ക്കു​ക​ളി​ലും ബി​ല്ലു​ക​ളി​ലും കൃ​ത്രി​മം കാ​ട്ടി ല​ക്ഷ​ങ്ങ​ള്‍ ത​ട്ടി​യ​ നെ​ടു​ങ്ക​ണ്ടം ഗ്രാ​മ പ​ഞ്ചാ​യ​ത്തി​ലെ മു​ന്‍ അ​ക്കൗ​ണ്ട​ന്‍റും നി​ല​വി​ൽ പീ​രു​മേ​ട് പ​ഞ്ചാ​യ​ത്ത് അ​സി. സെ​ക്ര​ട്ട​റി​യു​മാ​യ പി.​ബി. ബി​നോ​യി​യെ സ​സ്‌​പെ​ൻ​ഡ്​ ചെ​യ്തു. ജി​ല്ല ജോ​യ​ന്‍റ്​​ ഡ​യ​റ​ക്ട​റു​ടെ പ്രാ​ഥ​മി​ക അ​ന്വേ​ഷ​ണ​ത്തി​ല്‍ ത​ട്ടി​പ്പ്​ ന​ട​ത്തി​യ​താ​യി ക​ണ്ടെ​ത്തി​യ​തി​നെ തു​ട​ര്‍ന്നാ​ണ് ത​ദ്ദേ​ശ സ്വ​യം​ഭ​ര​ണ വ​കു​പ്പ് പ്രി​ന്‍സി​പ്പ​ല്‍ സെ​ക്ര​ട്ട​റി​യു​ടെ ന​ട​പ​ടി. ര​ണ്ട് മാ​സ​ത്തെ ക​ണ​ക്കു​ക​ള്‍ പ​രി​ശോ​ധി​ച്ച​തി​ല്‍ ബി​ല്‍ ര​ജി​സ്റ്റ​റി​ല്‍ ചേ​ര്‍ക്കാ​തെ​യും ഫ​യ​ലു​ക​ള്‍ ആ​രം​ഭി​ക്കാ​തെ​യും ചെ​ക്കു​ക​ളി​ല്‍ തി​രു​ത്തി എ​ഴു​തി​യും 3,66,570 രൂ​പ ത​ട്ടി​യെ​ടു​ത്ത​തി​നാ​ണ് ന​ട​പ​ടി. 2024 ആ​ഗ​സ്റ്റ്, സെ​പ്റ്റം​ബ​ര്‍ മാ​സ​ങ്ങ​ളി​ല്‍ ക്ര​മ​ക്കേ​ട് ന​ട​ത്തി ധ​നാ​പ​ഹ​ര​ണം ന​ട​ത്തി​യ​താ​യി പ​ഞ്ചാ​യ​ത്ത് സെ​ക്ര​ട്ട​റി സു​നി​ല്‍ സെ​ബാ​സ്റ്റ്യ​ന്‍ ജി​ല്ല ജോ​യ​ന്‍റ്​ ഡ​യ​റ​ക്ട​ര്‍ക്ക് റി​പ്പോ​ര്‍ട്ട് ചെ​യ്തി​രു​ന്നു. തു​ട​ർ​ന്നാ​ണ്​ ന​ട​പ​ടി. അ​തേ​സ​മ​യം, വ​ൻ തു​ക​യു​ടെ ത​ട്ടി​പ്പ്​ ന​ട​ന്ന​താ​യും ​ചെ​ക്കി​ൽ ഒ​പ്പി​ട്ട ഉ​ദ്യോ​ഗ​സ്ഥ​ർ അ​ട​ക്കം ആ​രോ​പ​ണ നി​ഴ​ലി​ലാ​ണെ​ന്നു​മു​ള്ള റി​പ്പോ​ർ​ട്ടു​ക​ളു​മു​ണ്ട്.

1930 രൂ​പ​യു​ടെ ബി​ല്ലി​ന്​ 11,930 രൂ​പ​യു​ടെ ചെ​ക്ക്​; 4800ന്​ 24,800

​നെ​ടു​ങ്ക​ണ്ടം: പ​ഞ്ചാ​യ​ത്തി​ലെ ഓ​രോ ബി​ല്ലി​ന്‍റെ​യും ചെ​ക്കു​ക​ൾ മാ​റു​മ്പോ​ൾ പ​തി​ൻ​മ​ട​ങ്ങ്​ തു​ക എ​ഴു​തി​യെ​ടു​ത്താ​ണ്​ പി.​ബി. ബി​നോ​യി ത​ട്ടി​പ്പ്​ ന​ട​ന്ന​ത്. 1930 രൂ​പ​യു​ടെ ബി​ല്ലി​ന്​ 11,930 രൂ​പ​യും 4800ന്​ 24,800 ​രൂ​പ​യും ചെ​ക്ക്​ വ​ഴി മാ​റി​യി​ട്ടും ആ​രും ആ​ദ്യം ക​ണ്ടു​പി​ടി​ച്ചി​ല്ലെ​ന്ന​താ​ണ്​ അ​ത്​​ഭു​തം.

ഓ​രോ ചെ​ക്കി​ലും അ​ക്ക​ത്തി​ലും അ​ക്ഷ​ര​ത്തി​ലും തു​ക എ​ഴു​തു​മ്പോ​ൾ 1930ന്‍റെ മു​ന്നി​ൽ ഒ​രു ‘1 ’കൂ​ടി ഇ​ട്ട്​ 11930ഉം 4800​ന്​ മു​ന്നി​ൽ ‘2’ കൂ​ടി ഇ​ട്ട്​ 24800ഉം ​ഒ​ക്കെ ആ​ക്കി മാ​റ്റു​ക​യാ​യി​രു​ന്നു. അ​ക്ഷ​ര​ത്തി​ൽ എ​ഴു​തേ​ണ്ട സ്ഥാ​ന​ത്ത്​ കു​റ​ച്ച്​ സ്ഥ​ലം വി​ട്ട്​ പി​ന്നീ​ട്​ കൂ​ട്ടി​ച്ചേ​ർ​ത്തു​മാ​ണ്​ ത​ട്ടി​പ്പ്​ ന​ട​ത്തി​യ​​തെ​ന്നാ​ണ്​ ഉ​ദ്യോ​ഗ​സ്ഥ​ർ ത​ന്നെ പ​റ​യു​ന്ന​ത്.

പ​ഞ്ചാ​യ​ത്തി​ലെ തെ​രു​വു​നാ​യ്ക്ക​ളെ പി​ടി​ക്കു​ന്ന​തി​ന് റി​ങ്​ നി​ര്‍മി​ക്കാ​ൻ ര​ണ്ട് ബി​ല്ലി​നാ​യി 1930 രൂ​പ​ക്ക് പ​ക​രം 11,930 രൂ​പ, ക്രി​മ​റ്റോ​റി​യ​ത്തി​ലെ കാ​ട് തെ​ളി​ച്ച​തി​ന് 4800 രൂ​പ​ക്ക് പ​ക​രം 24,800 രൂ​പ, നാ​യെ മ​റ​വ് ചെ​യ്ത​തി​ന് 500 രൂ​പ​യും ഖ​ര​മാ​ലി​ന്യ സം​സ്‌​ക​ര​ണ പ്ലാ​ന്‍റി​ലേ​ക്ക് ചാ​ണ​കം വാ​ങ്ങി​യ​തി​ന്​ 2500 രൂ​പ​യും ഉ​ള്‍പ്പെ​ടെ 3000 രൂ​പ​ക്ക് പ​ക​രം 13,000 രൂ​പ എ​ന്നി​ങ്ങ​നെ​യൊ​ക്കെ ചെ​ക്ക്​ എ​ഴു​തി മാ​റി​യി​ട്ടു​ണ്ട്. പ്ലം​ബ്ലി​ങ്ങി​ന്​ ബി​ല്‍ ര​ജി​സ്റ്റ​റി​ല്‍ 1800 രൂ​പ​യാ​ണെ​ങ്കി​ൽ ചെ​ക്കി​ല്‍ 11,800 രൂ​പ​യാ​ക്കി. വൈ​ദ്യു​തി ചാ​ര്‍ജി​ന​ത്തി​ല്‍ അ​ട​ക്കേ​ണ്ട 651 രൂ​പ​ക്ക്​ പ​ക​രം 16,651 രൂ​പ​യാ​ക്കി. 202 രൂ​പ​ക്ക് പ​ക​രം 12,202 രൂ​പ മാ​റി​യെ​ടു​ത്ത സം​ഭ​വ​വു​മു​ണ്ട്. മൂ​ന്ന്​ ക​സേ​ര​യി​ല്‍ വി​രി​ക്കാ​ൻ ട​ര്‍ക്കി​ക്ക്​ 650 രൂ​പ​യാ​ണെ​ങ്കി​ൽ ചെ​ക്ക്​ എ​ഴു​തി​യ​ത്​ 5650 രൂ​പ​ക്ക്. 2635 രൂ​പ​ക്ക് പ​ക​രം 22,635 രൂ​പ ചെ​ക്കി​ല്‍ എ​ഴു​തി​യ സം​ഭ​വ​വു​മു​ണ്ട്.

മ​ഴ​ക്കോ​ട്ടു​ക​ള്‍ക്ക്​ 2930 രൂ​പ​ക്ക് പ​ക​രം 22,930 രൂ​പ, ഒ​മ്പ​ത്​ വൈ​ദ്യു​തി ബി​ല്ലി​ൽ അ​ട​ക്കേ​ണ്ട​ത് 2328 രൂ​പ​ക്ക്​​ 12,328 രൂ​പ. ഖ​ര​മാ​ലി​ന്യ പ്ലാ​ന്‍റി​ലെ മോ​ട്ടോ​ര്‍ അ​റ്റ​കു​റ്റ​പ്പ​ണി​ക്ക്​ ബി​ല്‍ 2200 രൂ​പ​യാ​ണ്.

ചെ​ക്കി​ൽ എ​ഴു​തി മാ​റി​യ​ത്​ 22,200 രൂ​പ​യാ​ണ്. സി​ല്‍ഫ ര​വീ​ന്ദ്ര​ന്‍ എ​ന്ന പേ​രി​ലു​ള്ള ചെ​ക്കി​ൽ 21,050 രൂ​പ മാ​റി​യി​ട്ടു​ണ്ട്. മ​റ്റൊ​രു രേ​ഖ​യും ഉ​ള്‍പ്പെ​ടു​ത്തി​യി​ട്ടി​ല്ല.

ത​ട്ടി​യ​ത്​ 8.14 ല​ക്ഷ​മെ​ന്ന്​ വൈ​സ്​ പ്ര​സി​ഡ​ന്‍റ്​; കൃ​ത്രി​മം കാ​ട്ടി​യ​ത്​ 55 ചെ​ക്കു​ക​ളി​ല്‍

നെ​ടു​ങ്ക​ണ്ടം: പ​ഞ്ചാ​യ​ത്തി​ലെ മു​ന്‍ ജീ​വ​ന​ക്കാ​ര​ന്‍ പി.​ബി. ബി​നോ​യി 55 ചെ​ക്കു​ക​ളി​ല്‍ കൃ​ത്രി​മം കാ​ട്ടി 8,14,000 രൂ​പ ത​ട്ടി​യെ​ടു​ത്തി​ട്ടു​ള്ള​താ​യി ആ​രോ​പി​ച്ച് ധ​ന​കാ​ര്യ സ്ഥി​രം സ​മി​തി അം​ഗ​ങ്ങ​ൾ രം​ഗ​ത്ത്.

വൈ​സ് പ്ര​സി​ഡ​ന്റ് ഡി. ​ജ​യ​കു​മാ​ര്‍, മു​ന്‍ വൈ​സ് പ്ര​സി​ഡ​ന്റ് അ​ജീ​ഷ് മു​തു​കു​ന്നേ​ല്‍, ജോ​ജി ഇ​ട​പ്പ​ള്ളി​ക്കു​ന്നേ​ല്‍ എ​ന്നി​വ​രാ​ണ്​ വാ​ര്‍ത്ത​സ​മ്മേ​ള​ന​ത്തി​ൽ ഇ​ക്കാ​ര്യം വ്യ​ക്ത​മാ​ക്കി​യ​ത്. ല​ക്ഷ​ങ്ങ​ള്‍ ത​ട്ടി​യ സം​ഭ​വ​ത്തി​ല്‍ ജീ​വ​ന​ക്കാ​രി​ലും ഭ​ര​ണ സ​മി​തി​യി​ലെ ചി​ല അം​ഗ​ങ്ങ​ളി​ലും ചേ​രി​പ്പോ​ര് രൂ​ക്ഷ​മാ​യ​തി​നി​ട​യി​ലാ​ണ്​ വാ​ര്‍ത്ത​സ​മ്മേ​ള​ന​വു​മാ​യി ധ​ന​കാ​ര്യ സ്ഥി​രം സ​മി​തി രം​ഗ​ത്തെ​ത്തി​യ​ത്.

ത​ട്ടി​പ്പ് ന​ട​ത്തി ല​ക്ഷ​ങ്ങ​ൾ ക​വ​ർ​ന്ന ഉ​ദ്യോ​ഗ​സ്ഥ​ൻ പോ​യി മാ​സ​ങ്ങ​ള്‍ക്ക് ശേ​ഷ​മെ​ത്തി​യ പു​തി​യ അ​ക്കൗ​ണ്ട​ന്റാ​ണ് ത​ട്ടി​പ്പ് ക​ണ്ടു​പി​ടി​ക്കു​ന്ന​ത്. ത​ട്ടി​പ്പ് ന​ട​ത്തി സെ​ക്ര​ട്ട​റി​യു​ടെ റി​പ്പോ​ര്‍ട്ടി​ല്‍ ന​ട​പ​ടി വ​ന്ന ശേ​ഷ​മാ​ണ്​ ധ​ന​കാ​ര്യ സ്ഥി​രം സ​മി​തി വാ​ർ​ത്ത​സ​മ്മേ​ള​നം ന​ട​ത്തി​യ​ത്.

നാ​ളു​ക​ളാ​യി ഇ​ത്ര​യും വ​ലി​യ ത​ട്ടി​പ്പ് ന​ട​ന്നി​ട്ടും ഉ​ന്ന​ത ഉ​ദ്യോ​ഗ​സ്ഥ​ന്‍ അ​റി​യാ​ഞ്ഞ​തി​ല്‍ ദു​രൂ​ഹ​ത​യു​ള്ള​താ​യി ഭ​ര​ണ​ക​ക്ഷി​യി​ലെ ത​ന്നെ ചി​ല അം​ഗ​ങ്ങ​ളും ആ​രോ​പി​ക്കു​ന്നു. ഇ​ട​തു മു​ന്ന​ണി​യാ​ണ് പ​ഞ്ചാ​യ​ത്ത് ഭ​രി​ക്കു​ന്ന​ത്.