ഡ്രൈ​വി​ങ്ങി​നി​ടെ ല​ഹ​രി; ന​ട​പ​ടി നേ​രി​ട്ട​വ​ർ 10,058

തൊ​ടു​പു​ഴ: ജി​ല്ല​യി​ൽ ക​ഴി​ഞ്ഞ നാ​ല്​ വ​ർ​ഷ​ത്തി​നി​ടെ ല​ഹ​രി ഉ​പ​യോ​ഗി​ച്ച്​ വാ​ഹ​നം ഓ​ടി​ച്ച്​ ശി​ക്ഷി​ക്ക​​പ്പെ​ട്ട​വ​രു​ടെ എ​ണ്ണം പ​തി​നാ​യി​ര​ത്തി​ന്​ മു​ക​ളി​ൽ. 2021 മു​ത​ൽ 2025 മാ​ർ​ച്ച്​ 13 വ​രെ​യു​ള്ള ക​ണ​ക്കാ​ണി​ത്. ​ 10,058 പേ​രാ​ണ്​ ന​ട​പ​ടി നേ​രി​ട്ട​ത്​. മ​ദ്യ​വും മ​റ്റ് ല​ഹ​രി വ​സ്തു​ക്ക​ളും ഉ​പ​യോ​ഗി​ച്ച്​ വാ​ഹ​നം ഓ​ടി​ച്ച്​ ​ അ​പ​ക​ടം സൃ​ഷ്ടി​ച്ച​വ​രു​ടെ എ​ണ്ണം 17 ആ​ണ്​. അ​പ​ക​ട​ങ്ങ​ളി​ൽ നാ​ല്​ ജീ​വ​നു​ക​ൾ പൊ​ലി​ഞ്ഞു. ല​ഹ​രി​യി​ൽ​ വാ​ഹ​നം ഒ​ടി​ക്കു​ന്ന​വ​ർ​ക്കെ​തി​രെ മോ​ട്ടോ​ർ​വാ​ഹ​ന വ​കു​പ്പ് ക​ർ​ശ​ന ന​ട​പ​ടി​ക​ളാ​ണ്​ കൈ​ക്കൊ​ള്ളു​ന്ന​ത്.

പ​തി​നാ​യി​രം രൂ​പ വ​രെ പി​ഴ​യും ആ​റ്​ മാ​സം വ​രെ ത​ട​വും ആ​വ​ർ​ത്തി​ച്ചു​ള്ള കു​റ്റ​ത്തി​ന്​ 15000 രൂ​പ വ​രെ പി​ഴ​യും ര​ണ്ട്​ വ​ർ​ഷം വ​രെ ത​ട​വും ശി​ക്ഷ ല​ഭി​ക്കാ​വു​ന്ന കു​റ്റ​മാ​ണി​ത്​. മ​ദ്യ​മോ മ​റ്റ്​ ല​ഹ​രി വ​സ്തു​ക്ക​ളോ ഉ​പ​യോ​ഗി​ച്ചു​വെ​ന്ന്​ തെ​ളി​യി​ക്ക​പ്പെ​ട്ടാ​ൽ ഡ്രൈ​വ​റു​ടെ ​ലൈ​സ​ൻ​സ്​ റ​ദ്ദാ​ക​ക​ൽ അ​ട​ക്ക​മു​ള്ള ന​ട​പ​ടി​ക​ൾ മോ​ട്ടോ​ർ വാ​ഹ​ന വ​കു​പ്പ്​ ചെ​യ്തു വ​രു​ന്നു​ണ്ട്. ല​ഹ​രി ഉ​പ​യോ​ഗി​ച്ച്​ വാ​ഹ​ന​ങ്ങ​ളു​മാ​യി നി​ര​ത്തി​ലി​റ​ങ്ങു​ന്ന​വ​ർ സ്വ​ന്തം ജീ​വ​ൻ മാ​ത്ര​മ​ല്ല മ​റ്റു​ള്ള​വ​രു​ടെ ജീ​വ​നെ​ക്കൂ​ടി അ​പ​ക​ട​ത്തി​ലാ​ക്കു​ക​യാ​ണ്.

വേ​ണ്ട​ത്​ ക​ർ​ശ​ന ന​ട​പ​ടി

എ​വി​ടെ​യെ​ങ്കി​ലും അ​പ​ക​ട​മു​ണ്ടാ​കു​മ്പോ​ഴോ ആ​രെ​ങ്കി​ലും പ​രാ​തി​പ്പെ​ടു​മ്പോ​ഴോ മാ​ത്ര​മാ​ണ് എ​ക്സൈ​സും പോ​ലീ​സും മോ​ട്ടോ​ർ​വാ​ഹ​ന​വ​കു​പ്പു​മൊ​ക്കെ ല​ഹ​രി വേ​ട്ട​ക്കി​റ​ങ്ങാ​റു​ള്ള​ത്.

ബോ​ധ​വ​ത്ക​ര​ണം, നി​യ​മ നി​ര്‍മാ​ണം, ക​ര്‍ശ​ന ന​ട​പ​ടി എ​ന്നി​വ​യി​ലൂ​ടെ ഇ​തി​ന് ത​ട​യി​ടേ​ണ്ട​ത് അ​നി​വാ​ര്യ​മാ​ണ്. അ​മി​ത വേ​ഗ​വും അ​ശ്ര​ദ്ധ​യും ത​ന്നെ​യാ​ണ് അ​പ​ക​ട​ങ്ങ​ള്‍ക്ക് മു​ഖ്യ കാ​ര​ണ​മെ​ന്ന് പ​ഠ​ന​ങ്ങ​ള്‍ പ​റ​യു​ന്നു. എ​ന്നാ​ല്‍ ഇ​തി​ന്​ പി​ന്നി​ലു​ള്ള കാ​ര​ണം മി​ക്ക​പ്പോ​ഴും ല​ഹ​രി ഉ​പ​യോ​ഗ​മാ​കാ​മെ​ന്നാ​ണ് പൊ​ലീ​സ്​ പ​റ​യു​ന്ന​ത്.

മു​ന്‍ കാ​ല​ങ്ങ​ളി​ല്‍ നി​ന്ന് വ്യ​ത്യ​സ്ത​മാ​യി രാ​സ​ ല​ഹ​രി ഉ​പ​യോ​ഗി​ക്കു​ന്ന​വ​രു​ടെ എ​ണ്ണം കൂ​ടി​യ സാ​ഹ​ച​ര്യം കൂ​ടി ക​ണ​ക്കി​ലെ​ടു​ത്താ​ണ് ഇ​ത്ത​ര​മൊ​രു നി​ഗ​മ​ന​ത്തി​ലേ​ക്ക് അ​ധി​കൃ​ത​രെ​ത്തു​ന്ന​ത്.

നി​റ​മോ മ​ണ​മോ ഇ​ല്ലാ​ത്ത എ​ളു​പ്പം ക​ണ്ടെ​ത്താ​ന്‍ ക​ഴി​യാ​ത്ത പു​തി​യ ത​രം രാ​സ​ല​ഹ​രി​ക​ളു​ടെ ഉ​ന്മാ​ദ​ച്ചു​ഴി​യി​ല്‍പ്പെ​ട്ട് അ​മി​ത വേ​ഗ​ത്തി​ല്‍വാ​ഹ​ന​ങ്ങ​ളോ​ടി​ക്കു​ക​യും അ​പ​ക​ട​ങ്ങ​ളു​ണ്ടാ​ക്കു​ക​യും ചെ​യ്യു​ന്ന നി​ര​വ​ധി സം​ഭ​വ​ങ്ങ​ളാ​ണ്​ ഉ​ണ്ടാ​കു​ന്ന​ത്. അ​പ​ക​ട​മു​ണ്ടാ​ക്കി​യ ശേ​ഷം വാ​ഹ​നം നി​ർ​ത്താ​തെ ഓ​ടി​ച്ച്​ അ​പ​ക​ട​ത്തി​ൽ​പ്പെ​ടു​ന്ന സം​ഭ​വ​ങ്ങ​ളും ആ​വ​ർ​ത്തി​ക്കു​ന്നു​ണ്ട്.v