മ​ഴ​ക്കെ​ടു​തി; കെ.​എ​സ്.​ഇ.​ബി​ക്ക്​ ന​ഷ്​​ടം ആ​റ്​ കോ​ടി

തൊ​ടു​പു​ഴ: ഒ​രു മാ​സ​മാ​യി പെ​യ്യു​ന്ന ക​ന​ത്ത മ​ഴ ജി​ല്ല​യി​ൽ കെ.​എ​സ്.​ഇ.​ബി​ക്ക്​ ഉ​ണ്ടാ​ക്കി​യ​ത്​ വ്യാ​പ​ക നാ​ശ ന​ഷ്ടം. ക​ണ​ക്കു​ക​ള്‍ അ​നു​സ​രി​ച്ച് ആ​റു കോ​ടി​യോ​ളം രൂ​പ​യു​ടെ നാ​ശ​ന​ഷ്ടം ഉ​ണ്ടാ​യ​താ​യി ഡെ​പ്യൂ​ട്ടി ചീ​ഫ് എ​ന്‍ജി​നീ​യ​ര്‍ കെ. ​ഇ​ന്ദി​ര പ​റ​ഞ്ഞു. 5.94 കോ​ടി രൂ​പ​യു​ടെ നാ​ശ​ന​ഷ്ട​മാ​ണ്​ ക​ണ​ക്കാ​ക്കി​യി​രി​ക്കു​ന്ന​ത്. 1,698 വൈ​ദ്യു​തി പോ​സ്റ്റു​ക​ള്‍ക്ക് കേ​ടു​പാ​ടു​ക​ള്‍ സം​ഭ​വി​ച്ചു. ഇ​തി​ല്‍ 1,370 എ​ണ്ണം ലോ ​ടെ​ന്‍ഷ​ന്‍ പോ​സ്റ്റു​ക​ളും 328 എ​ണ്ണം ഹൈ ​ടെ​ന്‍ഷ​ന്‍ പോ​സ്റ്റു​ക​ളു​മാ​ണ്. മെ​യ് 23 മു​ത​ല്‍ ജൂ​ണ്‍ 20 വ​രെ​യു​ള്ള വൈ​ദ്യു​തി ബോ​ര്‍ഡി​ന്റെ ക​ണ​ക്കാ​ണി​ത്. 3,175 ട്രാ​ന്‍സ്‌​ഫോ​ര്‍മ​റു​ക​ളു​ടെ പ്ര​വ​ര്‍ത്ത​ന​ത്തെ​യും മ​ഴ ബാ​ധി​ച്ചു.

ഒ​രു ട്രാ​ന്‍സ്‌​ഫോ​ര്‍മ​ര്‍ വെ​ള്ളം ക​യ​റി ന​ശി​ച്ചു. 6,41,028 ക​ണ​ക്ഷ​നു​ക​ളി​ലെ വൈ​ദ്യു​തി വി​ത​ര​ണ​വും ത​ക​രാ​റി​ലാ​യി. പ്ര​തി​കൂ​ല കാ​ലാ​വ​സ്ഥ​യി​ലും മി​ക​ച്ച പ്ര​വ​ര്‍ത്ത​നം ന​ട​ത്തി​യ​തു​കൊ​ണ്ടു​മാ​ത്ര​മാ​ണ് പ​രാ​തി​ക​ളു​ടെ എ​ണ്ണം കു​റ​ക്കാ​നാ​യ​തെ​ന്ന്​ ഡെ​പ്യൂ​ട്ടി ചീ​ഫ്​ എ​ൻ​ജി​നീ​യ​ർ പ​റ​ഞ്ഞു. ലൈ​നു​ക​ളി​ല്‍ മ​രം വീ​ണ് വൈ​ദ്യു​തി മു​ട​ക്ക​മു​ണ്ടാ​കു​ന്ന സ​ന്ദ​ര്‍ഭ​ങ്ങ​ളി​ല്‍ ഇ​വ നീ​ക്കം ചെ​യ്ത് വൈ​ദ്യു​തി പു​ന:​സ്ഥാ​പി​ക്കാ​ന്‍ അ​ധി​ക​മാ​യി ജീ​വ​ന​ക്കാ​രെ വി​ന്യ​സി​ച്ചി​രു​ന്നു.

ഉ​ൽ​പാ​ദ​ന വി​ത​ര​ണ വി​ഭാ​ഗ​ങ്ങ​ളി​ല്‍ നി​ന്നു​മാ​ണ് ജി​ല്ല​യി​ലാ​കെ ജീ​വ​ന​ക്കാ​രെ നി​യോ​ഗി​ച്ച​ത്. ഇ​തി​ന് പു​റ​മെ ക​രാ​ര്‍ തൊ​ഴി​ലാ​ളി​ക​ളെ​യും ഉ​പ​യോ​ഗ​പ്പെ​ടു​ത്തി. ഫ​യ​ര്‍ഫോ​ഴ്‌​സ്, ഫോ​റ​സ്റ്റ് തു​ട​ങ്ങി​യ വ​കു​പ്പു​ക​ളും നാ​ട്ടു​കാ​രും പ്ര​തി​ബ​ന്ധ​ങ്ങ​ള്‍ നീ​ക്കി വൈ​ദ്യു​തി വി​ത​ര​ണം പു​ന:​സ്ഥാ​പി​ക്കാ​ന്‍ സ​ഹ​ക​രി​ച്ചു​വെ​ന്ന് അ​ധി​കൃ​ത​ര്‍ പ​റ​ഞ്ഞു. വൈ​ദ്യു​തി പു​ന:​സ്ഥാ​പി​ക്ക​ല്‍ പ്ര​വ​ര്‍ത്ത​ന​ങ്ങ​ള്‍ക്ക് ജി​ല്ല​യു​ടെ ഭൂ​മി​ശാ​സ്ത്ര​പ​ര​മാ​യ ഘ​ട​ക​ങ്ങ​ള്‍ പ്ര​തി​കൂ​ല​മാ​കാ​റു​ണ്ടെ​ങ്കി​ലും വൈ​ദ്യു​തി മു​ട​ക്കം നീ​ളു​ന്ന സ്ഥി​തി​വി​ശേ​ഷം നി​ല​വി​ല്‍ ഇ​​ല്ലെ​ന്നും ഇ​വ​ർ പ​റ​ഞ്ഞു.

പ​രാ​തി​ക​ൾ​ക്ക്​ വി​ളി​ക്കാം, ടോ​ള്‍ ഫ്രീ ​ന​മ്പ​റി​ൽ

ഉ​പ​ഭോ​ക്താ​ക്ക​ള്‍ക്ക് വൈ​ദ്യു​തി ബോ​ര്‍ഡി​നെ പ​രാ​തി​ക​ള്‍ അ​റി​യി​ക്കാ​ന്‍ 1912 എ​ന്ന ടോ​ള്‍ ഫ്രീ ​ന​മ്പ​റി​ലേ​ക്കു വി​ളി​ക്കാം. 9496001912 എ​ന്ന ന​മ്പ​രി​ല്‍ വി​ളി​ച്ചോ വാ​ട്സാ​പ്പ് സ​ന്ദേ​ശ​മ​യ​ച്ചോ പ​രാ​തി രേ​ഖ​പ്പെ​ടു​ത്താം. വൈ​ദ്യു​തി ലൈ​നു​ക​ള്‍ പൊ​ട്ടി വീ​ണ് കി​ട​ക്കു​ന്ന​തോ മ​റ്റ് വൈ​ദ്യു​തി സം​ബ​ന്ധ​മാ​യ അ​പ​ക​ട​ങ്ങ​ളോ ശ്ര​ദ്ധ​യി​ല്‍പ്പെ​ട്ടാ​ല്‍ അ​ധി​കൃ​ത​രെ 9496010101 എ​ന്ന ന​മ്പ​റി​ല്‍ അ​റി​യി​ക്കാം. വൈ​ദ്യു​തി ത​ട​സം സം​ബ​ന്ധി​ച്ച മു​ന്ന​റി​യി​പ്പു​ക​ള്‍ എ​സ്.​എം.​എ​സ് മു​ഖേ​ന ല​ഭി​ക്കാ​ൻ ഉ​പ​ഭോ​ക്താ​ക്ക​ള്‍ക്ക് wss.kseb.in എ​ന്ന വെ​ബ്‌​സൈ​റ്റ് സ​ന്ദ​ര്‍ശി​ച്ച് സ്വ​ന്തം മൊ​ബൈ​ല്‍ ന​മ്പ​ര്‍ അ​പ്‌​ഡേ​റ്റ് ചെ​യ്യാ​മെ​ന്നും അ​ധി​കൃ​ത​ർ പ​റ​ഞ്ഞു.