നി​ല​ക്കാ​തെ കൊ​ല​വി​ളി...

തൊ​ടു​പു​ഴ: ജി​ല്ല​യി​ൽ കാ​ട്ടാ​ന​യു​ടെ കൊ​ല​വി​ളി തു​ട​രു​ന്നു. ജീ​വ​ൻ ന​ഷ്ട​പ്പെ​ടു​ന്ന​വ​രു​ടെ​യും പ​രി​ക്കേ​ൽ​ക്കു​ന്ന​വ​രു​ടെ​യും എ​ണ്ണം കൂ​ടു​ന്ന​ത​ല്ലാ​തെ ആ​ന​ക​ളെ തു​ര​ത്തു​ന്ന കാ​ര്യ​ത്തി​ൽ കാ​ര്യ​ക്ഷ​മ​മാ​യ ന​ട​പ​ടി​ക​ളൊ​ന്നു​മി​ല്ലാ​ത്ത​ത്​ പ്ര​തി​ഷേ​ധ​ത്തി​ന്​ കാ​ര​ണ​മാ​യി​ട്ടു​ണ്ട്. വെ​ള്ളി​യാ​ഴ്ച കാ​ട്ടാ​ന ആ​​ക്ര​മ​ണ​ത്തി​ൽ ആ​ദി​വാ​സി സ്ത്രീ ​മ​രി​ച്ച​താ​ണ്​ ഒ​ടു​വി​ല​ത്തെ സം​ഭ​വം. പീ​രു​മേ​ടി​ന്​ സ​മീ​പം വ​ന​വി​ഭ​വ​ങ്ങ​ൾ ശേ​ഖ​രി​ക്കു​ന്ന​തി​നി​ടെ​യാ​ണ്​ സീ​ത​യെ കാ​ട്ടാ​ന ആ​ക്ര​മി​ച്ച​ത്​.

ജി​ല്ല​യി​ൽ 2021 മു​ത​ൽ 2025 വ​രെ​യു​ള്ള ക​ണ​ക്കു​ക​ൾ അ​നു​സ​രി​ച്ച്​ കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട​വ​രു​ടെ എ​ണ്ണം 27 ആ​ണ്​. 280 പേ​ർ​ക്ക്​​ പ​രി​ക്കേ​റ്റു. വെ​ള്ളി​യാ​ഴ്ച രാ​വി​ലെ ഇ​ടു​ക്കി വ​ണ്ടി​പ്പെ​രി​യാ​ർ മൗ​ണ്ട് എ​സ്റ്റേ​റ്റി​ലും ആ​ക്ര​മ​ണം ഉ​ണ്ടാ​യി. തോ​ട്ടം തൊ​ഴി​ലാ​ളി അ​ന്തോ​ണി​സ്വാ​മി​ക്കാ​ണ്​ (60) പ​രി​ക്കേ​റ്റ​ത്. ഇ​ദ്ദേ​ഹ​ത്തെ കോ​ട്ട​യം മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക് മാ​റ്റി. ദി​വ​സ​ങ്ങ​ളാ​യി ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ കാ​ട്ടാ​ന​ശ​ല്യം അ​തി രൂ​ക്ഷ​മാ​ണ്. പീ​രു​മേ​ട്​ മേ​ഖ​ല​യി​ൽ നാ​ളു​ക​ളാ​യി ജ​ന​വാ​സ ​മേ​ഖ​ല​യി​ല​ട​ക്കം ഇ​വ ചു​റ്റി​ത്തി​രി​യു​ക​യാ​ണ്. പീ​രു​മേ​ട്​ നി​യോ​ജ​ക മ​ണ്ഡ​ല​ത്തി​ൽ വി​വി​ധ പ്ര​ദേ​ശ​ങ്ങ​ളി​ലെ മ​നു​ഷ്യ-​വ​ന്യ ജീ​വി സം​ഘ​ർ​ഷം തു​ട​രു​ക​യാ​ണ്​.

പീ​രു​മേ​ട്ടി​ൽ ചി​ല​വി​ട്ട​ത്​ ര​ണ്ട്​ കോ​ടി​

കോ​ട്ട​യം വ​ന്യ ജീ​വി സ​ർ​ക്കി​ളി​ന്‍റെ പ​രി​ധി​യി​ൽ വ​രു​ന്ന പീ​രു​മേ​ട്ടി​ൽ 2021 മു​ത​ൽ 2025 വ​രെ വ​ന്യ​ജീ​വി ആ​​ക്ര​മ​ണം ത​ട​യാ​ൻ സൗ​രോ​ർ​ജ വേ​ലി നി​ർ​മാ​ണം, കി​ട​ങ്ങ്​ നി​ർ​മാ​ണം, വാ​ച്ച​ർ​മാ​രെ നി​യോ​ഗി​ക്ക​ൽ എ​ന്നി​വ​ക്കാ​യി ര​ണ്ട്​ കോ​ടി രൂ​പ​ക്ക​ടു​ത്ത്​ ചി​ല​വ​ഴി​ച്ച​താ​യാ​ണ്​ രേ​ഖ​ക​ൾ.

എ​ന്നാ​ൽ കാ​ട്ടാ​ന​ക​ൾ ജ​ന​വാ​സ മേ​ഖ​ല​ക​ളി​ലി​റ​ങ്ങു​ന്ന​ത്​ ത​ട​യാ​ൻ ഇ​ത്​ കൊ​ണ്ടൊ​ന്നും ആ​യി​ല്ലെ​ന്ന്​ പ്ര​ദേ​ശ​വാ​സി​ക​ൾ ചൂ​ണ്ടി​ക്കാ​ട്ടു​ന്നു. 2024 ഡി​സം​ബ​റി​ൽ പ​ശു​വി​നെ അ​ഴി​ച്ച്​ കെ​ട്ടാ​ൻ പോ​കു​മ്പോ​ഴാ​ണ്​ മു​ള്ള​രി​ങ്ങാ​ട്​ സ്വ​ദേ​ശി അ​മ​ർ ഇ​ലാ​ഹി ആ​ന​യു​ടെ ആ​ക്ര​മ​ണ​ത്തി​ൽ​ കൊ​ല്ല​പ്പെ​ടു​ന്ന​ത്. അ​ന്ന്​ ശ​ക്​​ത​മാ​യ ന​ട​പ​ടി സ്വീ​ക​രി​ക്കു​മെ​ന്ന്​ അ​ധി​കൃ​ത​ർ അ​വ​കാ​ശ​പ്പെ​ട്ടി​രു​ന്നെ​ങ്കി​ലും വ്യാ​ഴാ​ഴ്ച​യും മേ​ഖ​ല​യി​ൽ കാ​ട്ടാ​ന നാ​ശം വി​ത​ച്ചു. മു​ള്ള​രി​ങ്ങാ​ട്​ ന​രി​തൂ​ക്കി​ല്‍ ജോ​ണി​യു​ടെ വീ​ട്ടു​മു​റ്റ​ത്തെ​ത്തി​യ കാ​ട്ടാ​ന പ​ട്ടി​ക്കൂ​ടും ആ​ട്ടി​ന്‍കൂ​ടും ത​ക​ര്‍ത്തു.

സോ​ളാ​ർ വേ​ലി നി​ർ​മാ​ണ​ത്തി​നാ​യി എം.​എ​ൽ.​എ ഫ​ണ്ടി​ൽ നി​ന്ന്​ 10 ല​ക്ഷം രൂ​പ അ​നു​വ​ദി​ച്ചെ​ങ്കി​ലും പ​ണി​ക​ൾ ഇ​ഴ​ഞ്ഞാ​ണ് നീ​ങ്ങു​ന്ന​ത്. എ​ന്നാ​ൽ, മ​ഴ മൂ​ല​മാ​ണ് താ​മ​സം നേ​രി​ടു​ന്ന​തെ​ന്ന്​ അ​ധി​കൃ​ത​ർ പ​റ​ഞ്ഞു. ക​ട്ട​പ്പ​ന കോ​ഴി​മ​ല തു​ള​സി​പ്പ​ടി​യി​ലെ ജ​ന​വാ​സ മേ​ഖ​ല​യി​ലും കാ​ട്ടാ​ന വ്യാ​പ​ക നാ​ശം വി​ത​ച്ചു.

കോ​ഴി​മ​ല​യ്ക്കും മു​രി​ക്കാ​ട്ട്കു​ടി​ക്കും ഇ​ട​യി​ൽ തു​ള​സി​പ്പ​ടി​യി​ൽ ബു​ധ​നാ​ഴ്ച പു​ല​ർ​ച്ചെ​യാ​ണ് ഇ​വ എ​ത്തി​യ​ത്. ര​ണ്ടു പി​ടി​യാ​ന​ക​ളും കു​ട്ടി​യാ​ന​യും ഉ​ൾ​പ്പെ​ട്ട സം​ഘം പ്ര​ദേ​ശ​ത്തെ കൃ​ഷി വ്യാ​പ​ക​മാ​യി ന​ശി​പ്പി​ച്ചു. ചൊ​വ്വാ​ഴ്ച രാ​ത്രി ഏ​ല​ത്തോ​ട്ട​ങ്ങ​ളി​ൽ എ​ത്തി​യ ആ​ന പു​ല​ർ​ച്ചെ വ​രെ ഇ​വി​ടെ ത​മ്പ​ടി​ച്ചു. വാ​ഴ​യും ഏ​ല കൃ​ഷി​യും ന​ശി​പ്പി​ച്ചു.

കാ​ഞ്ചി​യാ​റി​ലെ ജ​ന​വാ​സ മേ​ഖ​ല​യി​ൽ ക​ഴി​ഞ്ഞ ശ​നി​യാ​ഴ്ച രാ​ത്രി മൂ​ന്ന്​ കാ​ട്ടാ​ന​ക​ളാ​ണ് ഇ​റ​ങ്ങി​യ​ത്. ഇ​വ​യു​ടെ മു​ന്നി​ല​പെ​ട്ട പു​ത്ത​ൻ പു​ര​ക്ക​ൽ ശ്രീ​ജി​ത്ത് ര​ക്ഷ​പ്പെ​ട്ട​ത് ഭാ​ഗ്യം കൊ​ണ്ടാ​ണ്. അ​ടി​മാ​ലി കു​മ​ളി ദേ​ശീ​യ​പാ​ത​യ്ക്ക് സ​മീ​പ​ത്ത് ആ​ന സ്‌​ഥി​ര​മാ​യി എ​ത്തു​ന്ന സാ​ഹ​ച​ര്യ​മാ​ണ്. ക​ഴി​ഞ്ഞ രാ​ത്രി വാ​ഴ​വ​ര വാ​ക​പ്പ​ടി​യി​ൽ ദേ​ശീ​യ​പാ​ത​യ്ക്ക് മു​ക​ൾ​വ​ശ​ത്താ​ണ് കാ​ട്ടാ​ന​ക​ൾ എ​ത്തി​യ​ത്. 30 വ​ർ​ഷ​ത്തി​നി​ടെ ഇ​താ​ദ്യ​മാ​ണ് ഈ ​മേ​ഖ​ല​യി​ൽ കാ​ട്ടാ​ന എ​ത്തു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു.