കെ.ടി അന്ത്രു മൗലവി നിര്യാതനായി

പെരിങ്ങത്തൂർ: പ്രമുഖ പണ്ഡിതനും പ്രഭാഷകനും ജമാഅത്തെ ഇസ്​ലാമി നേതാവുമായിരുന്ന കായ്പ്പനച്ചി പുതുക്കൂല്‍ കെ.ടി അന്ത്രു മൗലവി (76) നിര്യാതനായി. ജമാഅത്തെ ഇസ്​ലാമിയുടെ പ്രദേശിക, ഏരിയ, ജില്ലാ തലങ്ങളില്‍ വിവിധ നേതൃപദവികള്‍ വഹിച്ചിരുന്നു. ചൊക്ളി മസ്ജിദുല്‍ ഹുദാ ട്രസ്റ്റി​െൻറ മുന്‍ ചെയര്‍മാനുമായിരുന്നു. ചൊക്ളി വി.പി ഓറിയൻറല്‍ സ്കൂൾ റിട്ട. അധ്യാപകനാണ്​. ഞായർ രാവിലെ 10 മണിക്ക് പെരിങ്ങത്തൂർ ജുമാ മസ്ജിദ് ഖബർസ്ഥാനിൽ മറവ് ചെയ്യും.

പരേതരായ പുറമേരി കാട്ടിയത്ത് ഉമര്‍ മുസ്ലിയാരുടെയും ആയിശകുട്ടിയുടെയും മകനാണ്. ഭാര്യ: പീറ്റക്കണ്ടി മറിയം. മക്കള്‍: ശിഹാബുദ്ധീന്‍ (ജമാഅത്തെ ഇസ്ലാമി പാനൂര്‍ ഏരിയ പ്രസിഡൻറ്​), ഉമര്‍ ഫാറൂഖ് (അദ്ധ്യാപകന്‍), മുഹമ്മദ് സവാദ് (കച്ചവടം), ഹിന്ദ്, ആയിഷ. മരുമക്കള്‍: അബ്ദുല്‍ ഗഫൂര്‍ (കച്ചവടം സിദ്ധാപുരം), സിറാജ് വടകര കോട്ടക്കല്‍ (കച്ചവടം), സറീന, സാജിത, ജുവൈരിയ.