അഞ്ചു വയസ്സുകാരിയെ തെരുവുനായ് കടിച്ചു; രക്ഷപ്പെട്ടത് തലനാരിഴക്ക്

പാ​പ്പി​നി​ശ്ശേ​രി: വീ​ടി​നു സ​മീ​പ​ത്തു​വെ​ച്ച് അ​ഞ്ചു​വ​യ​സ്സു​കാ​രി​യെ തെ​രു​വു​നാ​യ് ക​ടി​ച്ചു പ​റി​ച്ചു. തി​ങ്ക​ളാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് സം​ഭ​വം. ഈ​ന്തോ​ട് താ​മ​സി​ക്കു​ന്ന ജ​സീ​റ-​സി​യാ​ദ് ദ​മ്പ​തി​ക​ളു​ടെ യു.​കെ.​ജി വി​ദ്യാ​ർ​ഥി​നി​യാ​യ മ​ക​ൾ ജി​യാ​നെ​യാ​ണ് നാ​യ് ക​ടി​ച്ച​ത്. കൊ​ച്ചു കൂ​ട്ടു​കാ​ർ​ക്കൊ​പ്പം ന​ട​ന്നു പോ​കു​മ്പോ​ൾ തെ​രു​വു​നാ​യ് ചാ​ടി വീ​ണ് ആ​ക്ര​മി​ക്കു​ക​യാ​യി​രു​ന്നു.

കൂ​ടെ​യു​ള്ള പി​ഞ്ചു കു​ട്ടി​ക​ൾ ഓ​ടി ര​ക്ഷ​പ്പെ​ട്ടു. വ​ഴി​യി​ൽ വീ​ണു​പോ​യ ജി​യാ​ന് ദേ​ഹ​മാ​സ​ക​ലം നാ​യു​ടെ ആ​ക്ര​മ​ണ​ത്തി​ൽ മു​റി​വേ​റ്റു. ഓ​ടി​യെ​ത്തി​യ ബ​ന്ധു​വാ​യ വീ​ട്ട​മ്മ ബ​ഹ​ളം വെ​ച്ചാ​ണ് നാ​യെ തു​ര​ത്തി​യ​ത്. കു​ട്ടി​യെ ഉ​ട​ൻ പാ​പ്പി​നി​ശ്ശേ​രി സി.​എ​ച്ച്.​സി​യി​ൽ എ​ത്തി​ച്ച് കു​ത്തി​വെ​പ്പെ​ടു​ത്തു. തു​ട​ർ​ന്ന് ക​ണ്ണൂ​ർ ജി​ല്ല ആ​ശു​പ​ത്രി​യി​ൽ നി​ന്ന് അ​ധി​ക കു​ത്തി​വെ​പ്പ് ന​ൽ​കി. പാ​പ്പി​നി​ശ്ശേ​രി ഈ​ന്തോ​ട് മേ​ഖ​ല​യി​ൽ തെ​രു​വു​നാ​യ് ശ​ല്യം രൂ​ക്ഷ​മാ​ണ്.

ര​ക്ഷി​താ​ക്ക​ൾ ആ​ശ​ങ്ക​യോ​ടെ​യാ​ണ് മ​ക്ക​ളെ സ്കൂ​ളി​ലും മ​ദ്റ​സ​ക​ളി​ലും അ​യ​ക്കു​ന്ന​ത്. നാ​യ്ക്ക​ളെ വ​ന്ധ്യം​ക​രി​ക്കാ​ൻ പാ​പ്പി​നി​ശേ​രി​യി​ൽ മു​മ്പു​ണ്ടാ​യി​രു​ന്ന എ.​ബി.​സി കേ​ന്ദ്രം ഇ​പ്പോ​ൾ പ്ര​വ​ർ​ത്തി​ക്കു​ന്നി​ല്ല. നാ​യ് ശ​ല്യ​ത്തി​നെ​തി​രെ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. ആ​ഴ്ച​ക​ൾ​ക്കു മു​മ്പാ​ണ് ജി​ല്ല​യി​ൽ വി​ദ്യാ​ർ​ഥി നാ​യെ ക​ണ്ട് ഭ​യ​ന്നോ​ടി കി​ണ​റ്റി​ൽ വീ​ണു മ​രി​ച്ച​ത്.