പട്ടാപ്പകൽ അറുകൊല: കണ്ണീർ മഴയിൽ കാഞ്ഞിരക്കൊല്ലി

ശ്രീ​ക​ണ്ഠ​പു​രം: കാ​ഞ്ഞി​ര​ക്കൊ​ല്ലി​യും ഇ​വി​ട​ത്തെ മ​ഴ​യും സ​ഞ്ചാ​രി​ക​ൾ​ക്ക് എ​ന്നും ഹ​ര​മാ​ണ്. പ്ര​കൃ​തി​ഭം​ഗി​കൊ​ണ്ട് അ​ത്ര​മേ​ൽ സു​ന്ദ​ര​മാ​ണി​വി​ടം. എ​ന്നാ​ൽ, ചൊ​വ്വാ​ഴ്ച ഇ​വി​ടെ ക​ണ്ണീ​ർ​മ​ഴ​യും ഭീ​തി​യു​മാ​യി​രു​ന്നു. കൊ​ല​ക്ക​ത്തി​യി​ൽ ഒ​രു കു​ടും​ബ​ത്തി​​ന്റെ സ്വ​പ്നം പാ​ടെ ഇ​ല്ലാ​താ​ക്കാ​ൻ ര​ണ്ടു​പേ​ർ എ​ത്തി​യ​പ്പോ​ൾ നാ​ടാ​കെ ഭ​യ​ന്നു വി​റ​ച്ചു​പോ​യി. പ​ട്ടാ​പ്പ​ക​ൽ യു​വാ​വി​നെ വീ​ട്ടി​ൽ ക​യ​റി അ​തി​ക്രൂ​ര​മാ​യി വെ​ട്ടി​ക്കൊ​ല്ലു​ക​യും ഭാ​ര്യ​യെ വെ​ട്ടി​പ്പ​രി​ക്കേ​ൽ​പി​ക്കു​ക​യും ചെ​യ്ത സം​ഭ​വം കാ​ഞ്ഞി​ര​ക്കൊ​ല്ലി​ക്ക് താ​ങ്ങാ​നേ​യാ​വു​ന്നി​ല്ല.

ശ​ശി​പ്പാ​റ​യി​ലേ​ക്കു​ള്ള റോ​ഡ​രി​കി​ലെ ആ​മി​ന​ത്തോ​ടി​ലു​ള്ള മ​ട​ത്തേ​ട​ത്ത് നി​ധീ​ഷ് ബാ​ബു​വാ​ണ് (38) സ്വ​ന്തം വീ​ട്ടു​മു​റ്റ​ത്ത് വെ​ട്ടേ​റ്റ് മ​രി​ച്ച​ത്. ഇ​യാ​ളു​ടെ ഭാ​ര്യ ശ്രു​തി​യെ (28) വെ​ട്ടേ​റ്റ് ഗു​രു​ത​ര നി​ല​യി​ൽ പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രി​ക്ക​യാ​ണ്.

വീ​ടി​നോ​ട് ചേ​ർ​ന്ന ഷെ​ഡി​ൽ കൊ​ല്ല​പ്പ​ണി​യെ​ടു​ക്കു​ന്ന​യാ​ളാ​ണ് നി​ധീ​ഷ്. ചൊ​വ്വാ​ഴ്ച ഉ​ച്ച​യോ​ടെ ബൈ​ക്കി​ലെ​ത്തി​യ ര​ണ്ടം​ഗ സം​ഘം നി​ധീ​ഷു​മാ​യി സം​സാ​രി​ക്കു​ക​യും തു​ട​ർ​ന്ന് വാ​ക്ക്ത​ർ​ക്ക​ത്തി​ൽ ക​ലാ​ശി​ക്കു​ക​യു​മാ​യി​രു​ന്നു. അ​തി​നി​ടെ, നി​ധീ​ഷ് നേ​ര​ത്തെ നി​ർ​മി​ച്ചു​വെ​ച്ചി​രു​ന്ന ക​ത്തി​യെ​ടു​ത്ത ആ​ക്ര​മി​ക​ൾ നി​ധീ​ഷി​നെ പ​ല​ത​വ​ണ വെ​ട്ടു​ക​യാ​യി​രു​ന്നു. ചോ​ര​യി​ൽ കു​ളി​ച്ചു​വീ​ണ നി​ധീ​ഷ് ത​ൽ​ക്ഷ​ണം മ​രി​ച്ചു.

അ​ക്ര​മം ത​ട​യു​ന്ന​തി​നി​ടെ​യാ​ണ് ഭാ​ര്യ​ക്ക് വെ​ട്ടേ​റ്റ​ത്. നി​ല​വി​ളി കേ​ട്ട് ആ​ളു​ക​ൾ വ​രു​മ്പോ​ഴേ​ക്കും ആ​ക്ര​മി സം​ഘം പ​ൾ​സ​ർ ബൈ​ക്കി​ൽ ക​യ​റി ര​ക്ഷ​പ്പെ​ട്ടി​രു​ന്നു. പ​യ്യാ​വൂ​ർ ഇ​ൻ​സ്പെ​ക്ട​ർ ട്വി​ങ്കി​ൾ ശ​ശി​യു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നാ​യി പ​രി​യാ​രം മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. പ്ര​തി​ക​ൾ​ക്കാ​യി മേ​ഖ​ല​യി​ൽ വ്യാ​പ​ക തി​ര​ച്ചി​ൽ തു​ട​ങ്ങി​യി​ട്ടു​ണ്ട്.

പ​യ്യാ​വൂ​രി​ലെ​യും സ​മീ​പ​ദേ​ശ​ങ്ങ​ളി​ലെ​യും കാ​മ​റ​ക​ളും പൊ​ലീ​സ് പ​രി​ശോ​ധി​ച്ചു വ​രി​ക​യാ​ണ്. സാ​മ്പ​ത്തി​ക​വും മ​റ്റു​ചി​ല ഇ​ട​പാ​ടു​ക​ളു​മാ​ണ് സം​ഭ​വ​ത്തി​ലേ​ക്ക് ന​യി​ച്ച​തെ​ന്നാ​ണ് പൊ​ലീ​സി​ന് ല​ഭി​ച്ച പ്രാ​ഥ​മി​ക വി​വ​രം. ആ​ശു​പ​ത്രി​യി​ൽ ക​ഴി​യു​ന്ന ശ്രു​തി​യു​ടെ മൊ​ഴി​യും എ​ടു​ക്കു​ന്നു​ണ്ട്.