നി​ധീ​ഷ്ബാ​ബു വധം: രണ്ടാം പ്രതി അറസ്റ്റിൽ

ശ്രീ​ക​ണ്ഠ​പു​രം: പ​യ്യാ​വൂ​ര്‍ കാ​ഞ്ഞി​ര​ക്കൊ​ല്ലി​യി​ല്‍ യു​വാ​വി​നെ വെ​ട്ടി​ക്കൊ​ല്ലു​ക​യും ത​ട​യാ​നെ​ത്തി​യ ഭാ​ര്യ​യെ വെ​ട്ടി പ​രി​ക്കേ​ല്‍പ്പി​ക്കു​ക​യും ചെ​യ്ത കേ​സി​ല്‍ ഒ​രാ​ള്‍ അ​റ​സ്റ്റി​ല്‍. കേ​സി​ലെ ര​ണ്ടാം​പ്ര​തി കു​ടി​യാ​ന്‍മ​ല പാ​ല​ക്ക​യം​ത​ട്ട് കോ​ട്ട​യം​ത്ത​ട്ടി​ലെ ക​ല്ലാ​വീ​ട്ടി​ൽ ര​തീ​ഷി​നെ (30)യാ​ണ് പ​യ്യാ​വൂ​ര്‍ പൊ​ലീ​സ് ഇ​ൻ​സ്പെ​ക്ട​ർ ട്വി​ങ്കി​ള്‍ ശ​ശി​യു​ടെ നേ​തൃ​ത്വ​ത്തി​ല്‍ അ​റ​സ്റ്റു​ചെ​യ്ത​ത്. ഒ​ന്നാം പ്ര​തി കോ​ട്ട​യം​ത്ത​ട്ടി​ലെ വി​ജേ​ഷി​നാ​യി തി​ര​ച്ചി​ല്‍ ഊ​ര്‍ജി​ത​മാ​ക്കി.

ചൊ​വ്വാ​ഴ്ച ഉ​ച്ച​ക്ക് 12.45 ഓ​ടെ​യാ​ണ് നാ​ടി​നെ ന​ടു​ക്കി​യ കൊ​ല​പാ​ത​കം. കാ​ഞ്ഞി​ര​ക്കൊ​ല്ലി ശ​ശി​പ്പാ​റ റോ​ഡ​രി​കി​ല്‍ ആ​മി​ന​ത്തോ​ട്ടി​ലെ മ​ഠ​ത്തേ​ട​ത്ത് നി​ധീ​ഷ്ബാ​ബു (38)വാ​ണ് കൊ​ല്ല​പ്പെ​ട്ട​ത്. ഭ​ര്‍ത്താ​വി​നെ വെ​ട്ടു​ന്ന​ത് ത​ട​യാ​ന്‍ ശ്ര​മി​ച്ച ഭാ​ര്യ ശ്രു​തി​ക്കും (28) വെ​ട്ടേ​റ്റു. അ​വ​ര്‍ ഗു​രു​ത​ര​നി​ല​യി​ല്‍ പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​യി​ലാ​ണി​വ​ർ.

ബൈ​ക്കി​ല്‍ നി​ധീ​ഷി​ന്റെ വീ​ട്ടി​ലെ​ത്തി​യ ര​തീ​ഷും വി​ജേ​ഷും ക്രൂ​ര​മാ​യ കൊ​ല ന​ട​ത്തി​യ ശേ​ഷം ര​ക്ഷ​പ്പെ​ടു​ക​യാ​യി​രു​ന്നു. സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ പ​യ്യാ​വൂ​ര്‍ പൊ​ലീ​സ് പ്ര​ദേ​ശ​ത്തെ സി.​സി.​ടി.​വി കാ​മ​റ​ക​ളും ഫോ​ണ്‍ ലൊ​ക്കേ​ഷ​നു​ക​ളും പ​രി​ശോ​ധി​ച്ചാ​ണ് പ്ര​തി​ക​ളെ തി​രി​ച്ച​റി​ഞ്ഞ​ത്. ഭാ​ര്യ ശ്രു​തി​യു​ടെ മൊ​ഴി​യും പ്ര​തി​ക​ളെ തി​രി​ച്ച​റി​യാ​ൻ സ​ഹാ​യ​ക​മാ​യി.

കൊ​ല​ക്ക് ശേ​ഷം വി​ജേ​ഷ് ബൈ​ക്കു​മാ​യി വീ​ട്ടി​ലെ​ത്തി അ​തി​ന്റെ ന​മ്പ​ര്‍ പ്ലേ​റ്റ് മാ​റ്റി​യ​ശേ​ഷം ഒ​ളി​വി​ല്‍പ്പോ​വു​ക​യാ​യി​രു​ന്നു. ര​തീ​ഷും ഒ​ളി​വി​ല്‍പ്പോ​യെ​ങ്കി​ലും രാ​ത്രി​യോ​ടെ ഇ​യാ​ളെ പൊ​ലീ​സ് ക​സ്റ്റ​ഡി​യി​ലെ​ടു​ത്തു. പ​ര​മ്പ​രാ​ഗ​ത​മാ​യി കൊ​ല്ല​പ്പ​ണി ചെ​യ്യു​ന്ന നി​ധീ​ഷ് ഈ​രം​ഗ​ത്തെ വി​ദ​ഗ്ധ​നാ​ണ്. കു​റ​ച്ചു​നാ​ള്‍ മു​മ്പ് ക​ള്ള​ത്തോ​ക്ക് നി​ർ​മി​ച്ച് ന​ല്‍കാ​ന്‍ പ​ഴ​യൊ​രു തോ​ക്കും കു​റ​ച്ച് പ​ണ​വും നി​ധീ​ഷി​നെ വി​ജേ​ഷ് ഏ​ല്‍പ്പി​ച്ചി​രു​ന്നു​വ​ത്രെ. എ​ന്നാ​ല്‍, തി​ര​ക്ക് കാ​ര​ണം പ​റ​ഞ്ഞ സ​മ​യ​ത്ത് ക​ള്ള​ത്തോ​ക്ക് നി​ർ​മി​ച്ച് ന​ല്‍കാ​ന്‍ നി​ധീ​ഷി​ന് ക​ഴി​ഞ്ഞി​ല്ല. സ്ഥ​ല​ത്തെ നാ​യാ​ട്ടു​കാ​ര​നാ​ണ് വി​ജേ​ഷ്.

തോ​ക്ക് ല​ഭി​ക്കാ​ത്ത​തി​ല്‍ പ്ര​കോ​പി​ത​നാ​യ ഇ​യാ​ള്‍ നി​ധീ​ഷി​നെ ഫോ​ണി​ല്‍ വി​ളി​ച്ചി​രു​ന്നു. തു​ട​ര്‍ന്ന് സു​ഹൃ​ത്താ​യ ര​തീ​ഷി​നെ​യും കൂ​ട്ടി ബൈ​ക്കി​ല്‍ നി​ധീ​ഷി​ന്റെ വീ​ട്ടി​ലെ​ത്തി. സം​സാ​ര​ത്തി​നി​ട​യി​ല്‍ വാ​ക്കു​ത​ര്‍ക്ക​മു​ണ്ടാ​കു​ക​യും വി​ജേ​ഷ് നി​ധീ​ഷി​ന്റെ പ​ണി​ശാ​ല​യി​ലെ മൂ​ര്‍ച്ച​യേ​റി​യ ക​ത്തി​യെ​ടു​ത്ത് അ​ക്ര​മം ന​ട​ത്തു​ക​യു​മാ​യി​രു​ന്നു. സു​ഹൃ​ത്താ​യ വി​ജേ​ഷ് വി​ളി​ച്ച​തി​നാ​ൽ കൂ​ടെ പോ​യ​താ​ണെ​ന്നാ​ണ് ര​തീ​ഷ് പൊ​ലീ​സി​ന് മൊ​ഴി ന​ൽ​കി​യ​ത്.

എ​സ്.​ഐ രാ​ജു ജോ​സ​ഫ്, എ.​എ​സ്.​ഐ ബി​ന്നി മാ​ത്യു, സീ​നി​യ​ര്‍ സി.​പി.​ഒ ജാ​ബി​ര്‍, സി.​പി.​ഒ സ​നീ​ഷ് എ​ന്നി​വ​രും പ്ര​തി​യെ പി​ടി​കൂ​ടി​യ സം​ഘ​ത്തി​ലു​ണ്ടാ​യി​രു​ന്നു. റൂ​റ​ൽ ജി​ല്ല പൊ​ലീ​സ് മേ​ധാ​വി അ​നൂ​ജ് പ​ലി​വാ​ള്‍, ത​ളി​പ്പ​റ​മ്പ് ഡി​വൈ.​എ​സ്.​പി​യു​ടെ ചു​മ​ത​ല വ​ഹി​ക്കു​ന്ന പ​യ്യ​ന്നൂ​ര്‍ ഡി​വൈ.​എ​സ്.​പി കെ. ​വി​നോ​ദ് കു​മാ​ര്‍ എ​ന്നി​വ​ര്‍ കൊ​ല ന​ട​ന്ന സ്ഥ​ലം സ​ന്ദ​ർ​ശി​ച്ചു.

വി​ര​ല​ട​യാ​ള വി​ദ​ഗ്ധ​ര്‍, ഡോ​ഗ്‌​സ്‌​ക്വാ​ഡ്, ഫോ​റ​ന്‍സി​ക് വി​ദ​ഗ്ധ​രും പ​രി​ശോ​ധ​ന​ക്കെ​ത്തി​യി​രു​ന്നു. പ​രി​യാ​ര​ത്തെ ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജി​ൽ ന​ട​ത്തി​യ പോ​സ്റ്റു​മോ​ർ​ട്ട​ത്തി​നു ശേ​ഷം നി​ധീ​ഷി​ന്റെ മൃ​ത​ദേ​ഹം വൈ​കീ​ട്ടോ​ടെ പ​യ്യാ​വൂ​ർ പ​ഞ്ചാ​യ​ത്ത് ശ്മ​ശാ​ന​ത്തി​ൽ സം​സ്ക​രി​ച്ചു. ഭാ​ര്യ ശ്രു​തി​യെ മൃ​ത​ദേ​ഹം കാ​ണി​ക്കാ​നാ​യി വീ​ട്ടി​ലേ​ക്ക് കൊ​ണ്ടു​വ​ന്ന ശേ​ഷം തി​രി​കെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.