പെ​റു​വാ​ഡ് തീ​ര​ത്ത് ക​ട​ൽ​ക്ഷോ​ഭം

കു​മ്പ​ള: കു​മ്പ​ള പെ​റു​വാ​ഡ് തീ​ര​ത്ത് രൂ​ക്ഷ​മാ​യ ക​ട​ൽ​ക്ഷോ​ഭം. നി​ർ​ത്താ​തെ പെ​യ്യു​ന്ന മ​ഴ​യി​ൽ ക​ട​ലാ​ക്ര​മ​ണം രൂ​ക്ഷ​മാ​യ​തോ​ടെ ഇ​വി​ടെ അ​വ​ശേ​ഷി​ച്ച 100 മീ​റ്റ​ർ ക​ട​ൽ ഭി​ത്തി​യും ക​ട​ലെ​ടു​ത്തു. തീ​ര​സം​ര​ക്ഷ​ണ​ത്തി​നാ​യി ശാ​സ്ത്രീ​യ​മാ​യ പ​ദ്ധ​തി​ക​ൾ ആ​വി​ഷ്ക​രി​ച്ച് ന​ട​പ്പി​ലാ​ക്ക​ണ​മെ​ന്ന തീ​ര​ദേ​ശ​വാ​സി​ക​ളു​ടെ മു​റ​വി​ളി​ക്ക് പ​തി​റ്റാ​ണ്ടു​ക​ളാ​യി​ട്ടും പ​രി​ഹാ​ര​മി​ല്ല. ക​ഴി​ഞ്ഞ ര​ണ്ട് പ​തി​റ്റാ​ണ്ടി​നി​ട​യി​ൽ കു​മ്പ​ള​യി​ലെ തീ​ര​മേ​ഖ​ല​യി​ൽ ചെ​റി​യ ക​രി​ങ്ക​ല്ലു​ക​ൾ കൊ​ണ്ട് പാ​കി​യ സം​ര​ക്ഷ​ണ ഭി​ത്തി​ക​ൾ​ക്കൊ​ന്നും നി​ല​നി​ൽ​പ്പു​ണ്ടാ​യി​ട്ടി​ല്ല.

അ​ശാ​സ്ത്രീ​യ​മാ​യ നി​ർ​മാ​ണം മൂ​ലം കോ​ടി​ക​ളാ​ണ് അ​ധി​കൃ​ത​ർ വ​ർ​ഷം തോ​റും ക​ട​ലി​ൽ​കൊ​ണ്ടി​ട്ട് ക​ള​ഞ്ഞ​ത്. ഇ​തി​ൽ പെ​റു​വാ​ട് ക​ട​പ്പു​റ​ത്ത് അ​വ​ശേ​ഷി​ച്ച 100 മീ​റ്റ​ർ ക​ട​ൽ ഭി​ത്തി​യും രൂ​ക്ഷ​മാ​യ ക​ട​ലാ​ക്ര​മ​ണ​ത്തി​ൽ ക​ട​ലെ​ടു​ത്ത​തോ​ടെ തീ​ര​ദേ​ശം സം​ര​ക്ഷ​ണ സം​വി​ധാ​നം ഇ​ല്ലാ​തെ തീ​ർ​ത്തും ഒ​റ്റ​പ്പെ​ട്ട അ​വ​സ്ഥ​യി​ലാ​യി. പെ​റുവാ​ഡ് ക​ട​പ്പു​റ​ത്തി​ന് പു​റ​മെ നാ​ങ്കി, ഗാ​ന്ധി​ന​ഗ​ർ എ​ന്നി​വി​ട​ങ്ങ​ളി​ലും രൂ​ക്ഷ​മാ​യ ക​ട​ൽ​ക്ഷോ​ഭ​മു​ണ്ട്. ക​ഴി​ഞ്ഞ​വ​ർ​ഷം ഇ​വി​ടെ സ്വ​കാ​ര്യ റി​സോ​ർ​ട്ടു​ക​ൾ ഭാ​ഗി​ക​മാ​യി ക​ട​ലെ​ടു​ത്തി​രു​ന്നു.

അ​തി​നി​ടെ തീ​ര​ദേ​ശ​വാ​സി​ക​ളു​ടെ എ​തി​ർ​പ്പി​നെ തു​ട​ർ​ന്ന് ഉ​പേ​ക്ഷി​ച്ച ക​ട​ൽ ഭി​ത്തി​ക്കാ​യു​ള്ള ചെ​റി​യ ക​രി​ങ്ക​ല്ലു​ക​ൾ ക​ഴി​ഞ്ഞ ര​ണ്ടു​വ​ർ​ഷ​മാ​യി​ട്ടും മൊ​ഗ്രാ​ൽ നാ​ങ്കി തീ​ര​ത്ത് അ​നാ​ഥ​മാ​യി കി​ട​ക്കു​ന്നു​ണ്ട്. തീ​ര​സം​ര​ക്ഷ​ണ​ത്തി​നാ​യി 2023ല്‍ ​ഇ​റ​ക്കി​യ ക​ല്ലു​ക​ളാ​ണി​ത്. ശ​ക്ത​മാ​യ ക​ട​ലാ​ക്ര​മ​ണം ചെ​റു​ക്കാ​ൻ ഈ ​ക​ല്ലു​ക​ൾ പ​ര്യാ​പ്ത​മ​ല്ല എ​ന്ന് വാ​ദി​ച്ച് അ​ന്ന് തീ​ര​ദേ​ശ​വാ​സി​ക​ൾ ക​ട​ൽ ഭി​ത്തി നി​ർ​മാ​ണം ത​ട​ഞ്ഞി​രു​ന്നു.

പി​ന്നീ​ട് ഇ​ത് സം​ബ​ന്ധി​ച്ച് എ.​കെ.​എം അ​ഷ​റ​ഫ് എം.​എ​ൽ.​എ കു​മ്പ​ള ഗ്രാ​മ​പ​ഞ്ചാ​യ​ത്ത് കോ​ൺ​ഫ​റ​ൻ​സ് ഹാ​ളി​ൽ തീ​ര​ദേ​ശ​വാ​സി​ക​ളു​ടെ യോ​ഗം വി​ളി​ച്ചു​ചേ​ർ​ത്ത് വി​ഷ​യം ച​ർ​ച്ച ചെ​യ്തു​വെ​ങ്കി​ലും നാ​ട്ടു​കാ​ർ നി​ല​പാ​ടി​ൽ ഉ​റ​ച്ചു നി​ന്ന​തോ​ടെ പ​ദ്ധ​തി ഉ​പേ​ക്ഷി​ക്കു​ക​യാ​യി​രു​ന്നു.

നാ​ങ്കി തീ​ര​ത്ത് ഇ​റ​ക്കി​യ ക​ല്ലു​ക​ൾ ഇ​നി എ​വി​ടെ കൊ​ണ്ടി​ട​ണ​മെ​ന്ന് തി​രു​വ​ന​ന്ത​പു​ര​ത്ത് വ​കു​പ്പ് ത​ല ച​ർ​ച്ച​ക്കു​ശേ​ഷം തീ​രു​മാ​നി​ക്കു​മെ​ന്ന് അ​ന്ന് യോ​ഗ​ത്തി​ൽ എം.​എ​ൽ.​എ​യും ചെ​റു​കി​ട ജ​ല​സേ​ച​ന വ​കു​പ്പ് അ​ധി​കൃ​ത​രും പ​റ​ഞ്ഞി​രു​ന്നു​വെ​ങ്കി​ലും തു​ട​ർ​ന​ട​പ​ടി​ക​ളൊ​ന്നും ഇ​തു​വ​രെ ഉ​ണ്ടാ​യി​ട്ടി​ല്ല.

നി​ല​വി​ൽ ക​ട​ൽ​ഭി​ത്തി നി​ർ​മാ​ണ​ത്തി​ൽ പ്ര​ദേ​ശ​വാ​സി​ക​ൾ ആ​വ​ശ്യ​പ്പെ​ടു​ന്ന​ത് ടെ​ട്രോ​പോ​ഡ് കൊ​ണ്ടു​ള്ള ശാ​സ്ത്രീ​യ​മാ​യ പ​ദ്ധ​തി​ക​ളാ​ണ്. ഈ ​പ​ദ്ധ​തി​ക്കാ​യി കു​മ്പ​ള തീ​ര​ദേ​ശം ഉ​ൾ​പ്പെ​ടെ ജി​ല്ല​യി​ലെ വി​വി​ധ സ്ഥ​ല​ങ്ങ​ളി​ലേ​ക്ക് ചെ​റു​കി​ട ജ​ല​സേ​ച​ന വ​കു​പ്പ് സ​ർ​ക്കാ​റി​ന് പ്രൊ​പ്പോ​സ​ൽ ന​ൽ​കി​യി​ട്ടു​ണ്ട്. ഈ ​പ​ദ്ധ​തി എ​ത്ര​യും പെ​ട്ടെ​ന്ന് ന​ട​പ്പി​ലാ​ക്ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.