രണ്ട് ജനറൽ കംപാർട്ട്മെന്റുകൾ റദ്ദാക്കി മംഗളൂരു എക്സ്​പ്രസ്; ശ്വാസംമുട്ടി യാത്രക്കാർ

നീ​ലേ​ശ്വ​രം: ന​മ്പ​ർ 16347 തി​രു​വ​ന​ന്ത​പു​രം - മം​ഗ​ളൂ​രു എ​ക്സ്പ്ര​സി​ലെ ര​ണ്ട് ജ​ന​റ​ൽ കം​പാ​ർ​ട്ട്മെ​ന്റു​ക​ൾ മു​ന്ന​റി​യി​പ്പി​ല്ലാ​തെ റ​ദ്ദാ​ക്കി​യ​തോ​ടെ നീ​ലേ​ശ്വ​രം റെ​യി​ൽ​വേ സ്റ്റേ​ഷ​നി​ൽ എ​ത്തി​യ യാ​ത്ര​ക്കാ​ർ അ​നു​ഭ​വി​ച്ച​ത് സ​മാ​ന​ത​ക​ളി​ല്ലാ​ത്ത ദു​രി​തം. സാ​ധാ​ര​ണ​യാ​യി മു​ന്നി​ലും പി​ന്നി​ലു​മാ​യി ര​ണ്ടു​വീ​തം ജ​ന​റ​ൽ കോ​ച്ചു​ക​ളും പി​ന്നി​ൽ ഒ​രു ലേ​ഡീ​സ് കോ​ച്ചു​മാ​ണ് ട്രെ​യി​നി​നു​ള്ള​ത്. നി​ലേ​ശ്വ​ര​ത്തു​നി​ന്ന് സ്ഥി​രം യാ​ത്ര​ക്കാ​ർ ഉ​ൾ​പ്പെ​ടെ​യു​ള്ള​വ​ർ ഈ ​കോ​ച്ച് പൊ​സി​ഷ​ൻ ക​ണ​ക്കാ​ക്കി​യാ​ണ് ട്രെ​യി​ൻ എ​ത്തു​മ്പോ​ഴേ​ക്കും പ്ലാ​റ്റ്ഫോ​മി​ൽ നി​ല​യു​റ​പ്പി​ക്കാ​റു​ള്ള​ത്. തി​ങ്ക​ളാ​ഴ്ച മം​ഗ​ളൂ​രു​വി​ൽ നെ​റ്റ് പ​രീ​ക്ഷ​കൂ​ടി ഉ​ള്ള​തി​നാ​ൽ സാ​ധാ​ര​ണ ഉ​ണ്ടാ​കാ​റു​ള്ള​തി​ലും അ​ധി​കം യാ​ത്ര​ക്കാ​ർ നീ​ലേ​ശ്വ​ര​ത്തു​ണ്ടാ​യി​രു​ന്നു. എ​ന്നാ​ൽ ട്രെ​യി​ൻ നീ​ലേ​ശ്വ​രം സ്റ്റേ​ഷ​നി​ൽ എ​ത്തി​യ​പ്പോ​ഴാ​ണ് പി​റ​കി​ലെ ര​ണ്ട് ജ​ന​റ​ൽ ക​ംപാ​ർ​ട്ട്മെ​ന്റു​ക​ളും ഇ​ല്ലെ​ന്ന് യാ​ത്ര​ക്കാ​രറി​ഞ്ഞ​ത്.

നെ​റ്റ് പ​രീ​ക്ഷ കേ​ന്ദ്രം മം​ഗ​ളൂ​രു​വി​ലാ​യ​തി​നാ​ൽ വ​നി​ത​ക​ൾ​ക്ക് ഒ​പ്പം ര​ക്ഷി​താ​ക്ക​ളും ഉ​ണ്ടാ​യി​രു​ന്നു. വ​നി​ത പ​രീ​ക്ഷാ​ർ​ഥി​ക​ളും ഉ​ദ്യോ​ഗ​സ്ഥ​ക​ളു​മെ​ല്ലാം ഒ​രു​വി​ധം ലേ​ഡീ​സ് ക​മ്പാ​ർ​ട്ട്മെ​ന്റി​ൽ ക​യ​റി​പ്പ​റ്റി​യെ​ങ്കി​ലും മ​റ്റു​ള്ള​വ​ർ കോ​ച്ചു​ക​ൾ തി​ര​ഞ്ഞ് വെ​പ്രാ​ള​ത്തോ​ടെ ഓ​ടി​ന​ട​ന്നു. ചി​ല​ർ തൊ​ട്ട​ടു​ത്ത സ്റ്റേ​ഷ​ൻ​വ​രെ ലേ​ഡീ​സ് കോ​ച്ചി​ൽ നി​ല​യു​റ​പ്പി​ച്ചു. ലേ​ഡീ​സ് കോ​ച്ച് ക​ഴി​ഞ്ഞാ​ൽ എ.​സി കോ​ച്ചു​ക​ൾ ആ​യ​തി​നാ​ൽ അ​തി​ന​ക​ത്തു​കൂ​ടി​ത​ന്നെ സ്ലീ​പ്പ​ർ കോ​ച്ചു​ക​ളി​ലെ​ത്താ​ൻ ശ്ര​മി​ച്ചെ​ങ്കി​ലും ടി.​ടി.​ഇ അ​നു​വ​ദി​ച്ചി​ല്ലെ​ന്നും പ​രാ​തി​യു​ണ്ട്.

ഇ​വ​രും അ​ടു​ത്ത സ്റ്റേ​ഷ​നി​ൽ ഇ​റ​ങ്ങി സ്ലീ​പ്പ​ർ കോ​ച്ചു​ക​ൾ ക​ണ്ടെ​ത്താ​ൻ ഓ​ടി​ന​ട​ക്കേ​ണ്ടി​വ​ന്നു. റെ​യി​ൽ​വേ​യു​ടെ ന​ട​പ​ടി​ക്കെ​തി​രെ വ്യാ​പ​ക പ്ര​തി​ഷേ​ധ​മാ​ണ് യാ​ത്ര​ക്കാ​രി​ൽ​നി​ന്ന് ഉ​യ​ർ​ന്ന​ത്. രാ​വി​ലെ 8.54 ന് ​ക​ണ്ണൂ​ർ -മം​ഗ​ളൂ​രു പാ​സ​ഞ്ച​ർ ക​ട​ന്നു​പോ​യാ​ൽ പി​ന്നെ 9.11 ന് ​എ​ത്തു​ന്ന ഈ ​ട്രെ​യി​നാ​ണ് കാ​സ​ർ​കോ​ട് ഭാ​ഗ​ത്തേ​ക്കു​ള്ള ഉ​ദ്യോ​ഗ​സ്ഥ​ർ, വി​ദ്യാ​ർ​ഥി​ക​ൾ എ​ന്നി​വ​ർ​ക്ക് ആ​ശ്ര​യം. മം​ഗ​ളൂ​രു​വി​ലേ​ക്ക് ചി​കി​ത്സ ആ​വ​ശ്യ​ത്തി​നാ​യി പോ​കു​ന്ന​വ​രും ഈ ​ട്രെ​യി​നി​നെ ആ​ശ്ര​യി​ക്കാ​റു​ണ്ട്. ഇ​ത്ത​രം ന​ട​പ​ടി​ക​ൾ ആ​വ​ർ​ത്തി​ക്കാ​തി​രി​ക്കാ​ൻ പാ​സ​ഞ്ചേ​ഴ്സ് അ​സോ​സി​യേ​ഷ​നു​ക​ളു​ടെ​യും ജ​ന​പ്ര​തി​നി​ധി​ക​ളു​ടെ​യു​മെ​ല്ലാം അ​ടി​യ​ന്ത​ര ഇ​ട​പെ​ട​ൽ ഉ​ണ്ടാ​ക​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്.