നീ​ലേ​ശ്വ​രം സ്റ്റേഷന്റെ വടക്കുഭാഗത്ത് അടിപ്പാത ആവശ്യം ശക്തം

നീ​ലേ​ശ്വ​രം: റെ​യി​ൽ​വേ നി​യ​മ​പ്ര​കാ​രം ശി​ക്ഷാ​ർ​ഹ​മാ​ണെ​ങ്കി​ലും വേ​റെ നി​വൃ​ത്തി​യി​ല്ലാ​ത്ത​തു​കൊ​ണ്ട് യാ​ത്ര​ക്കാ​ർ പാളം മു​റി​ച്ചു​ക​ട​ക്കു​ന്നു. നീ​ലേ​ശ്വ​രം റെ​യി​ൽ​വേ സ്റ്റേ​ഷ​നി​ലെ​ത്തു​ന്ന യാ​ത്ര​ക്കാ​രാ​ണ് പ്ലാ​റ്റ് ഫോ​മി​ന്റെ വ​ട​ക്കു​ഭാ​ഗ​ത്തു​കൂ​ടി അ​പ​ക​ട​ക​ര​മാ​യ രീ​തി​യി​ൽ പാ​ളം മു​റി​ച്ചു​ക​ട​ക്കു​ന്ന​ത്.

ടി​ക്ക​റ്റ് എ​ടു​ത്ത് ട്രെ​യി​ൻ ക​യ​റാ​ൻ പോ​കു​മ്പോ​ഴും ഇ​റ​ങ്ങി​വ​രു​മ്പോ​ഴും ട്രാ​ക്കി​ന്റെ വ​ട​ക്കു​ഭാ​ഗ​ത്തു​ള്ള മൂ​ന്ന് പാ​ള​ങ്ങ​ൾ മു​റി​ച്ചു​ക​ട​ന്നാ​ണ് സ​ഞ്ച​രി​ക്കു​ന്ന​ത്. രാ​വി​ലെ​യും വൈ​കീ​ട്ടും സ്ത്രീ​ക​ള​ട​ക്ക​മു​ള്ള യാ​ത്ര​ക്കാ​ർ കൂ​ട്ട​ത്തോ​ടെ പാ​ളം ക​ട​ക്കു​ന്ന​ത് നി​ത്യ കാ​ഴ്ച​യാ​ണ്. ഈ ​വ​ഴി​യി​ലൂ​ടെ നീ​ലേ​ശ്വ​രം ന​ഗ​ര​ത്തി​ലേ​ക്ക് എ​ളു​പ്പം എ​ത്താ​നാ​ണ് ആ​ളു​ക​ൾ കൂ​ടു​ത​ലും ഇ​ങ്ങ​നെ സ​ഞ്ച​രി​ക്കു​ന്ന​ത്. കി​ഴ​ക്കു​ഭാ​ഗ​ത്തെ പ്ലാ​റ്റ്ഫോ​മി​ൽനിന്ന് ട്രെ​യി​ൻ ക​യ​റു​ന്ന​വ​രും ഇ​റ​ങ്ങി​വ​രു​ന്ന​വ​രും ഇ​ങ്ങ​നെ അ​പ​ക​ട​ക​ര​മാ​യ രീ​തി​യി​ലാ​ണ് യാ​ത്ര ചെ​യ്യു​ന്ന​ത്. അ​തു​കൊ​ണ്ടു​ത​ന്നെ സ്റ്റേ​ഷ​ന്റെ വ​ട​ക്കു​ഭാ​ഗ​ത്ത് ഒ​രു അ​ടി​പ്പാ​ത വേ​ണ​മെ​ന്ന ആ​വ​ശ്യം ശ​ക്ത​മാ​ണ്. തെ​ക്കു​ഭാ​ഗ​ത്ത് മേ​ൽ​പാ​ല​മു​ണ്ടെ​ങ്കി​ലും ആ​ളു​ക​ൾ ആ ​ഭാ​ഗ​ത്തു​കൂ​ടി ക​ട​ന്നു​പോ​കു​ന്ന​ത് കു​റ​വാ​ണ്.

കു​ട്ടി​ക​ൾ മു​ത​ൽ മു​തി​ർ​ന്ന​വ​ർ വ​രെ ഇ​ര​ട്ട ട്രാ​ക്കി​ലൂ​ടെ യാ​ത്ര ചെ​യ്യു​മ്പോ​ൾ ശ്ര​ദ്ധ​യൊ​ന്ന് മാ​റി​യാ​ൽ വ​ലി​യ അ​പ​ക​ട​ത്തി​ന് കാ​ര​ണ​മാ​കു​മെ​ന്ന് യാ​ത്ര​ക്കാ​ർ​ത​ന്നെ പ​റ​യു​ന്നു. ചി​ല യാ​ത്ര​ക്കാ​ർ മൊ​ബൈ​ൽ ഫോ​ണി​ൽ സം​സാ​രി​ച്ചും ട്രാ​ക്ക് മു​റി​ച്ചു​ക​ട​ക്കു​ന്ന​ത്. ട്രെ​യി​ൻ എ​ത്തു​ന്ന​ത​റി​യാ​തെ അ​വ​ർ ട്രാ​ക്കി​ൽ പ്ര​വേ​ശി​ക്കു​ന്ന​ത് ഗു​രു​ത​ര അ​പ​ക​ട​ങ്ങ​ൾ​ക്കി​ട​യാ​ക്കു​ന്നു. വ​ണ്ടി​യു​ടെ ചൂ​ളം​വി​ളി കേ​ൾ​ക്കു​മ്പോ​ഴാ​ണ് പ​ല​രും ട്രെ​യി​ൻ എ​ത്തു​ന്ന​ത​റി​യു​ന്ന​ത്. മു​മ്പ് കാ​ഞ്ഞ​ങ്ങാ​ട് ഉ​ണ്ടാ​യ ദു​ര​ന്തം നീ​ലേ​ശ്വ​ര​ത്ത് ആ​വ​ർ​ത്തി​ക്കാ​തി​രി​ക്ക​ണ​മെ​ങ്കി​ൽ അ​ധി​കൃ​ത​ർ വേ​ഗ​ത്തി​ൽ ക​ണ്ണു​തു​റ​ക്ക​ണ​മെ​ന്നാ​ണ് ആ​വ​ശ്യം.