ഭാര്യയെയും മക്കളെയും പൊലീസ് ഉദ്യോഗസ്ഥരെയും അക്രമിച്ച പ്രതി പിടിയിൽ

ക​ട​യ്ക്ക​ൽ: സം​ശ​യ​രോ​ഗ​ത്തെ​തു​ട​ർ​ന്ന് ഭാ​ര്യ​യെ​യും കു​ട്ടി​ക​ളെ​യും മ​ർ​ദി​ക്കു​ക​യും പ​രാ​തി അ​ന്വേ​ഷി​ക്കാ​നെ​ത്തി​യ പൊ​ലീ​സ് ഉ​ദ്യോ​ഗ​സ്ഥ​രെ​യും ആ​ക്ര​മി​ച്ച സം​ഭ​വ​ത്തി​ൽ യു​വാ​വി​നെ ചി​ത​റ പൊ​ലീ​സ് അ​റ​സ്റ്റ്‌ ചെ​യ്തു. ചി​ത​റ തൂ​റ്റി​ക്ക​ൽ വ​ട​ക്ക​തി​ൽ പു​ത്ത​ൻ​വീ​ട്ടി​ൽ സ​ജി​ത്ത് (45) ആ​ണ പി​ടി​യി​ലാ​യ​ത്.

പൊ​ലീ​സ്​ പ​റ​യു​ന്ന​ത്​: ഏ​റെ​നാ​ളു​ക​ളാ​യി സം​ശ​യ​ത്തെ തു​ട​ർ​ന്ന് ഭാ​ര്യ​യെ സ​ജി​ത്ത് മ​ർ​ദി​ക്കു​മാ​യി​രു​ന്നു. ക​ഴി​ഞ്ഞ ദി​വ​സം മ​ദ്യ​പി​ച്ചെ​ത്തി​യ സ​ജി​ത്ത് ഭാ​ര്യ​യെ മ​ർ​ദി​ക്കു​ക​യും വീ​ട്ടി​ലെ സാ​ധ​ന​ങ്ങ​ൾ അ​ടി​ച്ചു​ത​ക​ർ​ക്കു​ക​യും ചെ​യ്തു. ത​ട​യാ​നെ​ത്തി​യ 13 വ​യ​സ്സു​ള്ള മ​ക​നെ​യും 15 വ​യ​സ്സു​ള്ള മ​ക​ളെ​യും ക​ഴു​ത്തി​ൽ കു​ത്തി​പി​ടി​ച്ചു മ​ർ​ദി​ച്ചു. നാ​ട്ടു​കാ​ർ വി​വ​രം അ​റി​യി​ച്ച​തി​നെ തു​ട​ർ​ന്ന് ചി​ത​റ പൊ​ലീ​സെ​ത്തി​യ​പ്പോ​ൾ ര​ണ്ട് ഉ​ദ്യോ​ഗ​സ്ഥ​രെ​യും ആ​ക്ര​മി​ച്ചു. ചി​ത​റ​യി​ൽ നി​ന്ന് കൂ​ടു​ത​ൽ പൊ​ലീ​സെ​ത്തി​യാ​ണ് പ്ര​തി​യെ കീ​ഴ്‌​പ്പെ​ടു​ത്തി​യ​ത്.

ഇ​യാ​ൾ​ക്കെ​തി​രെ ജു​വ​നൈ​ൽ ജ​സ്റ്റി​സ് ആ​ക്ട് പ്ര​കാ​ര​വും, പൊ​ലീ​സ് ഉ​ദ്യോ​ഗ​സ്ഥ​രെ മ​ർ​ദി​ക്ക​ൽ, കൃ​ത്യ​നി​ർ​വ​ഹ​ണം ത​ട​സ​പ്പെ​ടു​ത്ത​ൽ എ​ന്നീ ജാ​മ്യ​മി​ല്ല വ​കു​പ്പു​ക​ൾ ചു​മ​ത്തി കേ​സെ​ടു​ത്തു. അ​റ​സ്റ്റ്‌ രേ​ഖ​പ്പെ​ടു​ത്തി​യ പ്ര​തി​യെ ക​ട​യ്ക്ക​ൽ താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ച് വൈ​ദ്യ​പ​രി​ശോ​ധ​ന​ക്ക്​ വി​ധേ​യ​മാ​ക്കി​യ ശേ​ഷം ക​ട​യ്ക്ക​ൽ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.