സഹികെട്ട്​ പൊലീസും... ആയൂർ ടൗണിൽ സാമൂഹികവിരുദ്ധശല്യം

അ​ഞ്ച​ൽ: ആ​രു വി​ചാ​രി​ച്ചി​ട്ടും നി​യ​ന്ത്രി​ക്കാ​നാ​വാ​തെ ആ​യൂ​ർ ടൗ​ണി​ലെ സാ​മൂ​ഹി​ക​വി​രു​ദ്ധ ശ​ല്യം. കെ.​എ​സ്.​ആ​ർ.​ടി.​സി ഓ​പ​റേ​റ്റി​ങ്​ സെൻറ​ർ, നി​ർ​മാ​ണം പൂ​ർ​ത്തി​യാ​കാ​ത്ത വ​ഴി​യോ​ര​വി​ശ്ര​മ​കേ​ന്ദ്രം എ​ന്നി​വ​യാ​ണ്​ സാ​മൂ​ഹി​ക​വി​രു​ദ്ധ​രു​ടെ പ്ര​ധാ​ന താ​വ​ള​ങ്ങ​ൾ. കൂ​ടാ​തെ, തു​റ​ക്കാ​ത്ത ക​ട​ക​ളു​ടെ തി​ണ്ണ​ക​ൾ, ഇ​ടു​ക്കു​വ​ഴി​ക​ൾ, ക​ട​ക​ളു​ടെ പി​ന്നാ​മ്പു​റ​ങ്ങ​ൾ എ​ന്നി​വി​ട​ങ്ങ​ളി​ലും ഇ​വ​ർ ത​മ്പ​ടി​ക്കു​ന്നു. അ​സ​ഭ്യ​വ​ർ​ഷ​വും ത​മ്മി​ൽ​ത​ല്ലും മൂ​ലം നാ​ട്ടു​കാ​ർ സ​ഹി​കെ​ട്ടു.

വീ​ടും വീ​ട്ടു​കാ​രെ​യും ഉ​പേ​ക്ഷി​ച്ച​വ​രാ​ണ് ഇ​വി​ടെ ത​മ്പ​ടി​ച്ചി​രി​ക്കു​ന്ന​ത്. ഇ​വി​ടെ പ​ര​സ്യ​മാ​യ മ​ദ്യ​പാ​ന​വും മ​യ​ക്കു​മ​രു​ന്ന്​ ഉ​പ​യോ​ഗ​വു​മാ​ണ് ന​ട​ക്കു​ന്ന​ത്. ചാ​യ​ക്ക​ട​ക​ളി​ലും ഹോ​ട്ട​ലു​ക​ളി​ലും മ​റ്റും ചെ​റി​യ ജോ​ലി​ക​ൾ ചെ​യ്ത് കി​ട്ടു​ന്ന വ​രു​മാ​ന​മാ​ണ് ഇ​വ​ർ മ​ദ്യ​വും ക​ഞ്ചാ​വും വാ​ങ്ങാ​ൻ ഉ​പ​യോ​ഗി​ക്കു​ന്ന​ത്. പ​ണം ആ​വ​​ശ്യ​പ്പെ​ട്ട്​ ന​ൽ​കി​യി​ല്ലെ​ങ്കി​ൽ ക​ട​ക​ൾ​ക്ക് മു​ന്നി​ൽ​നി​ന്ന് അ​സ​ഭ്യം പ​റ​യു​ന്ന​തും പ​തി​വാ​ണ്. ഇ​തു​മൂ​ലം ക​ട​ക​ളി​ൽ ആ​രും ക​യ​റു​ന്നി​ല്ലെ​ന്ന് ക​ട​യു​ട​മ​ക​ൾ പ​റ​യു​ന്നു.

ബ​സ് സ്റ്റോ​പ്പു​ക​ളി​ൽ കാ​ത്തു​നി​ൽ​ക്കു​ന്ന സ്ത്രീ​ക​ളു​ടെ ഇ​ട​യി​ലൂ​ടെ ക​ട​ന്നു​പോ​ക​ലും ശ​ല്യം ചെ​യ്യ​തും നി​ത്യ​സം​ഭ​വ​മാ​ണ്. പ്ര​തി​ക​രി​ക്കു​ന്ന​വ​ർ​ക്ക്​ അ​സ​ഭ്യ​വ​ർ​ഷം നേ​രി​ടേ​ണ്ടി​വ​രും. ഏ​താ​നും മാ​സം മു​മ്പ് ഫു​ട്പാ​ത്തി​ലൂ​ടെ ന​ട​ന്നു​പോ​യ യു​വ​തി​യെ ഉ​പ​ദ്ര​വി​ച്ച​യാ​ളെ നാ​ട്ടു​കാ​ർ പി​ടി​കൂ​ടി പൊ​ലീ​സി​ൽ ഏ​ൽ​പ്പി​ച്ചി​രു​ന്നു.

ഉ​ട​മ​ക​ൾ രാ​വി​ലെ ക​ട തു​റ​ക്കാ​നെ​ത്തു​മ്പോ​ൾ ക​ട​ക​ൾ​ക്ക് മു​ന്നി​ൽ മ​ല​മൂ​ത്ര​വി​സ​ർ​ജ​നം ഉ​ൾ​പ്പെ​ടെ ന​ട​ത്തി മ​ലി​ന​പ്പെ​ടു​ത്തു​ന്ന​താ​യും പ​രാ​തി​യു​ണ്ട്. പൊ​ലീ​സ് വ​രു​മ്പോ​ഴേ​ക്കും ഇ​വ​ർ സ്ഥ​ല​ത്തു​നി​ന്ന്​ മാ​റി​ക്ക​ള​യും. പി​ടി​ക്ക​പ്പെ​ട്ടാ​ൽ​ത്ത​ന്നെ പൊ​ലീ​സ് സ്റ്റേ​ഷ​നും വാ​ഹ​ന​വു​മെ​ല്ലാം മ​ല​മൂ​ത്ര​വി​സ​ർ​ജ​നം ന​ട​ത്തി​യും തു​പ്പി​യും മ​ലി​ന​പ്പെ​ടു​ത്തു​ക​യാ​ണ്.

അ​തി​നാ​ൽ പൊ​ലീ​സി​നും ത​ല​വേ​ദ​ന​യാ​ണി​വ​ർ. നാ​ടി​നും നാ​ട്ടാ​ർ​ക്കും നി​ത്യ​ശ​ല്യ​മാ​യി മാ​റി​യ ഇ​ക്കൂ​ട്ട​രെ പി​ടി​കൂ​ടി പു​ന​ര​ധി​വാ​സ​കേ​ന്ദ്ര​ങ്ങ​ളി​ലോ അ​ഗ​തി​മ​ന്ദി​ര​ങ്ങ​ളി​ലോ പാ​ർ​പ്പി​ക്കാ​നു​ള്ള ന​ട​പ​ടി അ​ധി​കൃ​ത​രു​ടെ ഭാ​ഗ​ത്തു​നി​ന്ന്​ ഉ​ണ്ടാ​ക​ണ​മെ​ന്നാ​ണ് നാ​ട്ടു​കാ​ർ ആ​വ​ശ്യ​പ്പെ​ടു​ന്ന​ത്.