തിളക്കുന്ന എണ്ണയിൽ പ്ലാസ്റ്റിക്​; തെളിവില്ല, മൊഴികളിൽ വൈരുധ്യം, അടിമുടി ദുരൂഹത

കൊ​ല്ലം: റെ​യി​ൽ​വേ സ്​​റ്റേ​ഷ​ന്​ സ​മീ​പം വ​ട​യും പ​ഴം​പൊ​രി​യു​മു​ണ്ടാ​ക്കി വി​ൽ​ക്കു​ന്ന ക​ട​യി​ൽ പ​ല​ഹാ​രം ഉ​ണ്ടാ​ക്കു​ന്ന എ​ണ്ണ​യി​ൽ പ്ലാ​സ്റ്റി​ക്​ ഇ​ട്ട്​ തി​ള​പ്പി​ച്ചു എ​ന്ന ആ​രോ​പ​ണ​ത്തി​ൽ അ​ടി​മു​ടി ദു​രൂ​ഹ​തയെന്ന്​ ഫുഡ്​ സേഫ്​റ്റി വിഭാഗം. സം​ഭ​വ​ത്തി​ൽ ​തെ​ളി​വൊ​ന്നും ല​ഭി​ച്ചി​ല്ലെന്നും മൊ​ഴി​ക​ളി​ൽ വൈ​രു​ധ്യ​വു​​മു​ണ്ടെ​ന്നും ജില്ല ഫുഡ്​ സേഫ്​റ്റി അസിസ്റ്റന്‍റ്​ ​കമീഷനർ.

പ്ലാ​സ്റ്റി​ക്​ ചേ​ർ​ത്താ​ൽ ഭ​ക്ഷ​ണ​ത്തി​നു​ണ്ടാ​കു​ന്ന ശാ​സ്ത്രീ​യ​മാ​റ്റ​ങ്ങ​ളും ഈ ​ആ​രോ​പ​ണ​ത്തോ​ട്​ ഒ​ത്തു​പോ​കു​ന്നി​ല്ലെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു. ഫു​ഡ്​ സേ​ഫ്​​റ്റി വി​ഭാ​ഗം ന​ട​ത്തി​യ പ്രാ​ഥ​മി​ക പ​രി​ശോ​ധ​ന​യി​ലും അ​ന്വേ​ഷ​ണ​ത്തി​ലു​മാ​ണ്​ സം​ഭ​വ​ത്തി​ൽ ദു​രൂ​ഹ​ത തി​ള​ച്ചു​മ​റി​യു​ന്ന​ത്.

തി​ള​ക്കു​ന്ന എ​ണ്ണ​യി​ൽ ഉ​രു​ക്കു​ന്ന​തി​നാ​യി പ്ലാ​സ്റ്റി​ക്​ ഇ​ട്ടു എ​ന്ന ഗു​രു​ത​ര ആ​രോ​പ​ണം​ സ്ഥാ​പി​ക്കു​ന്ന ഒ​രു തെ​ളി​വും ഫു​ഡ്​ സേ​ഫ്​​റ്റി ജി​ല്ല അ​സി​സ്റ്റ​ന്‍റ്​ ക​മീ​ഷ​ണ​റു​ടെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ ല​ഭി​ച്ചി​ട്ടി​ല്ല. ആ​രോ​പ​ണ​മു​ന്ന​യി​ച്ച​വ​രു​ടെ മൊ​ഴി​യി​ലൊ​ന്നും എ​ണ്ണ​യി​ൽ പ്ലാ​സ്റ്റി​ക്​ ഇ​ടു​ന്ന​ത്​ ക​ണ്ടു എ​ന്നി​ല്ല, കി​ട​ക്കു​ന്ന​ത്​ ക​ണ്ടു എ​ന്നേ​യു​ള്ളൂ.

എ​ന്നാ​ൽ, ത​ങ്ങ​ൾ ഇ​ങ്ങ​നെ ചെ​യ്തി​ട്ടി​ല്ലെ​ന്ന്​ ആ​വ​ർ​ത്തി​ക്കു​ന്ന ജീ​വ​ന​ക്കാ​രു​ടെ മൊ​ഴി​യി​ൽ സം​ഭ​വ​സ്ഥ​ല​ത്ത്​ ആ​ദ്യം പ്ര​ശ്നം ഉ​ന്ന​യി​ച്ച​യാ​ൾ​ക്കെ​തി​രെ ഗു​രു​ത​ര ആ​രോ​പ​ണ​വു​മു​ണ്ട്. ച​ട്ടി​യി​ൽ വ​ശ​ത്ത്​ ചേ​ർ​ത്ത്​ വെ​ച്ച്​ പാ​മോ​യി​ൽ ക​വ​റി​ൽ നി​ന്ന്​ എ​ണ്ണ ഒ​ഴി​ക്കു​മ്പോ​ൾ പു​റ​ത്ത്​ നി​ന്ന്​ പെ​ട്ടെ​ന്ന്​ ക്ഷോ​ഭി​ച്ചു​കൊ​ണ്ട്​ ക​യ​റി​വ​ന്ന ഒ​രാ​ൾ കൈ​യി​ൽ ഇ​രു​ന്ന ന്യൂ​സ്​​പേ​പ്പ​റും തു​ട​ർ​ന്ന്​ ക​ട​യി​ലി​രു​ന്ന പ്ലാ​സ്റ്റി​ക്​ ക​വ​റും എ​ടു​ത്ത്​ എ​ണ്ണ​യി​ൽ ഇ​ടു​ക​യും ബ​ഹ​ളം വെ​ക്കു​ക​യു​മാ​യി​രു​ന്നു എ​ന്ന ഗു​രു​ത​ര ആ​രോ​പ​ണ​മാ​ണ്​ അ​സം സ്വ​ദേ​ശി​ക​ളാ​യ തൊ​ഴി​ലാ​ളി​ക​ൾ ഫു​ഡ്​ സേ​ഫ്​​റ്റി ഉ​ദ്യോ​ഗ​സ്ഥ​ർ​ക്ക്​ മു​ന്നി​ൽ ആ​വ​ർ​ത്തി​ക്കു​ന്ന​ത്.

അ​തേ​സ​മ​യം, സ്ഥാ​പ​ന​ത്തി​ന്​ ലൈ​സ​ൻ​സ്​ ഇ​ല്ലെ​ന്നും ഫു​ഡ്​ സേ​ഫ്​​റ്റി നി​യ​മം ഷെ​ഡ്യൂ​ൾ നാ​ല്​ പ്ര​കാ​ര​മു​ള്ള ക്ര​മീ​ക​ര​ണ​ങ്ങ​ളും വൃ​ത്തി​യും പാ​ലി​ച്ചി​ട്ടി​ല്ലെ​ന്നുമു​ള്ള കേ​സ് ഫു​ഡ്​ സേ​ഫ്​​റ്റി വി​ഭാ​ഗം​ ര​ജി​സ്റ്റ​ർ ചെ​യ്തു. സ​ബ്​ ഡി​വി​ഷ​ന​ൽ മ​ജി​സ്​​ട്രേ​റ്റി​ന്​ ഇ​തു​സം​ബ​ന്ധി​ച്ച്​ റി​പ്പോ​ർ​ട്ട്​ ന​ൽ​കും.

തി​ള​ച്ച്​ ദു​രൂ​ഹ​ത

ബു​ധ​നാ​ഴ്ച​യാ​ണ്​ കൊ​ല്ലം റെ​യി​ൽ​വേ സ്​​റ്റേ​ഷ​ന്​ സ​മീ​പ​മു​ള്ള ചെ​റി​യ ക​ട​യി​ൽ പ്ലാ​സ്റ്റി​ക്​ ഇ​ട്ട്​ ഉ​രു​ക്കി​യ എ​ണ്ണ​യി​ൽ ഭ​ക്ഷ​ണ​മു​ണ്ടാ​ക്കു​ന്നു എ​ന്ന ആ​രോ​പ​ണ​മു​യ​ർ​ന്ന​ത്. നാ​ട്ടു​കാ​ർ കൂ​ടി പ്ര​ശ്ന​മു​ണ്ടാ​ക്കി​യ​തോ​ടെ സം​ഭ​വ​സ്ഥ​ല​ത്ത്​ പ​രി​ശോ​ധ​ന​ക്ക്​ എ​ത്തി​യ​തും സാ​മ്പി​ൾ ഉ​ൾ​പ്പെ​ടെ ശേ​ഖ​രി​ച്ച​തും കോ​ർ​പ​റേ​ഷ​ൻ ഹെ​ൽ​ത്ത്​ സ്ക്വാ​ഡ്​ ആ​ണ്. എ​ന്നാ​ൽ, ഹെ​ൽ​ത്ത്​ സ്ക്വാ​ഡ്​ ഉ​ദ്യോ​ഗ​സ്ഥ​നും പ്ലാ​സ്റ്റി​ക്​ ഇ​ട്ട​തോ ഉ​രു​ക്കു​ന്ന​തോ അ​ത്ത​ര​ത്തി​ലു​ള്ള എ​ണ്ണ​യോ ക​ണ്ടി​ട്ടി​ല്ല. അ​​പ്പോ​ഴേ​ക്കും എ​ണ്ണ ക​ള​ഞ്ഞി​രു​ന്നു.

ലീ​ഗ​ൽ സാ​മ്പി​ൾ എ​ടു​ത്ത്​ പ​രി​ശോ​ധ​ന ന​ട​ത്തി കേ​സ്​ ര​ജി​സ്റ്റ​ർ ചെ​യ്യേ​ണ്ട ചു​മ​ത​ല​യു​ള്ള ഫു​ഡ്​​ സേ​ഫ്​​റ്റി വി​ഭാ​ഗ​ത്തെ അ​റി​യി​ച്ച​തി​ൽ വൈ​കി​യെ​ന്നും​ ആ​രോ​പ​ണ​മു​ണ്ട്. ഉ​ദ്യോ​ഗ​സ്ഥ​ർ സ്ഥ​ല​ത്ത്​ എ​ത്തി​യ​പ്പോ​ഴേ​ക്കും ക​ട​ കോ​ർ​പ​റേ​ഷ​ൻ ഹെ​ൽ​ത്ത്​ വി​ഭാ​ഗം അ​ട​പ്പി​ച്ചി​രു​ന്നു. തു​ട​ർ​ന്ന്, വ്യാ​ഴാ​ഴ്ച​യാ​ണ്​ ക​ട തു​റ​പ്പി​ച്ച്​ പ​രി​ശോ​ധ​ിച്ചത്.

ഹെ​ൽ​ത്ത്​ സ്ക്വാ​ഡ്​ ശേ​ഖ​രി​ച്ച ഭ​ക്ഷ​ണ​സാ​മ്പി​ളും കൈ​മാ​റി. ഇ​ത്​ തി​രു​വ​ന​ന്ത​പു​ര​ത്തെ ലാ​ബി​ൽ പ​രി​ശോ​ധ​ന​ക്ക​യ​ച്ചു. ഒ​ഴു​ക്കി​ക്ക​ള​ഞ്ഞ​തി​നാ​ൽ ആ​രോ​പ​ണ വി​ധേ​യ​മാ​യ എ​ണ്ണ പ​രി​ശോ​ധ​ന​ക്കെ​ടു​ക്കാ​ൻ ക​ഴി​ഞ്ഞി​ല്ല എ​ന്ന​തു​ൾ​പ്പെ​ടെ വീ​ഴ്ച​ കേ​സി​ലു​ണ്ട്​. സംഭവത്തിൽ ഫുഡ്​ സേഫ്​റ്റി അധികൃതർ വരാൻ വൈകിയത്​ കോർപറേഷൻ അധികൃതർ ചൂണ്ടിക്കാട്ടുന്നു. ആവശ്യപ്പെട്ടിരുന്നെങ്കിൽ അടച്ചിട്ട കട തുറക്കാമായിരുന്നെന്ന്​ കോർപറേഷൻ ഹെൽത്ത്​ സ്ഥിരം സമിതി അധികൃതർ പറയുന്നു.

പ​രി​ശോ​ധ​ന​യു​ടെ ഭാ​ഗ​മാ​യി ഫു​ഡ്​ സേ​ഫ്​​റ്റി വി​ഭാ​ഗം വ്യാ​ഴാ​ഴ്ച​യെ​ടു​ത്ത മൊ​ഴി​ക​ളി​ലാ​ണ്​ വൈ​രു​ധ്യ​മു​ള്ള​ത്. ആ​ദ്യം ബ​ഹ​ളം വെ​ച്ച​യാ​ൾ ആ​ളെ കൂ​ട്ടു​ക​യും എ​ണ്ണ പു​റ​ത്ത്​ ക​ള​യാ​ൻ പ​റ​യു​ക​യും ചെ​യ്തു എ​ന്നും തൊ​ഴി​ലാ​ളി​ക​ളു​ടെ മൊ​ഴി​യി​ലു​ണ്ട്. ഇ​യാ​ളെ വി​ഡി​യോ​യി​ൽ​നി​ന്ന്​ തി​രി​ച്ച​റി​യു​ക​യും ചെ​യ്തു. സ​മീ​പ​ത്തെ സി.​സി.​ടി.​വി ദൃ​ശ്യ​ങ്ങ​ളി​ൽ നി​ന്ന്​ വ്യ​ക്ത​മാ​യ ദൃ​ശ്യ​ങ്ങ​ളും ല​ഭി​ച്ചി​ട്ടി​ല്ല.

ഏ​താ​നും ദി​വ​സം​ മു​മ്പാ​ണ്​ പ​ല​ഹാ​ര​മു​ണ്ടാ​ക്കാ​ൻ ക​ണ്ണൂ​ർ​സ്വ​ദേ​ശി ക​ട വാ​ട​ക​ക്ക്​ എ​ടു​ത്ത​ത്. ഇ​വി​ടെ ത​യാ​റാ​ക്കു​ന്ന ചെ​റു​ക​ടി​ക​ൾ റെ​യി​ൽ​വേ സ്​​റ്റേ​ഷ​നി​ലാ​ണ്​ വി​ൽ​ക്കു​ന്ന​ത്​ എ​ന്ന ആ​രോ​പ​ണം ഉ​ട​മ നി​ഷേ​ധി​ച്ചു. റെ​യി​ൽ​വേ സ്​​റ്റേ​ഷ​നി​ലേ​ക്ക്​ മ​റ്റൊ​രു ക​ട​യി​ൽ ത​യാ​റാ​ക്കു​ന്ന​താ​ണ്​ എ​ത്തി​ക്കു​ന്ന​തെ​ന്നും ഇ​വി​ടെ ത​യാ​റാ​ക്കി​യി​രു​ന്ന​ത്​ മ​റ്റ്​ ചെ​റി​യ ക​ട​ക​ൾ​ക്ക്​ വി​ൽ​പ​ന ന​ട​ത്തു​ക​യാ​യി​രു​ന്നു​വെ​ന്നു​മാ​ണ്​ ഉ​ട​മ​യു​ടെ വി​ശ​ദീ​ക​ര​ണം.

വൈ​രു​ധ്യം നി​റ​യു​ന്ന സം​ഭ​വ​ത്തി​ൽ എ​ണ്ണ​യി​ൽ പ്ലാ​സ്റ്റി​ക്​ ചേ​ർ​ത്ത കു​റ്റം​ചാ​ർ​ത്തി കേ​സ്​ എ​ടു​ത്തി​ട്ടി​ല്ല. പ്ലാ​സ്റ്റി​ക്​ ഉ​രു​ക്കാ​നാ​കി​ല്ലെ​ന്ന്​ ഫു​ഡ്​ സേ​ഫ്​​റ്റി അ​ധി​കൃ​ത​ർ ക​ട്ടി​യു​ള്ള പ്ലാ​സ്റ്റി​ക്​ ക​വ​ർ തി​ള​ക്കു​ന്ന എ​ണ്ണ​യി​ൽ പൂ​ർ​ണ​മാ​യും ഉ​രു​ക്കി​ച്ചേ​ർ​ക്കാ​നാ​കി​ല്ലെ​ന്ന്​ ഫു​ഡ്​ സേ​ഫ്​​റ്റി വി​ഭാ​ഗം ചൂ​ണ്ടി​ക്കാ​ട്ടു​ന്നു.

പ്ലാ​സ്റ്റി​ക്കി​ന്​ ഉ​യ​ർ​ന്ന ബോ​യി​ലി​ങ്​ പോ​യ​ന്‍റ്​ ആ​യ​തി​നാ​ൽ ഒ​രു​പാ​ട്​ ചൂ​ട്​ ആ​വ​ശ്യ​മാ​ണ്. തീ​പി​ടി​ക്കാ​നും സാ​ധ്യ​ത​യു​ണ്ട്. പ്ലാ​സ്റ്റി​ക്​ ഉ​രു​കി ക​ല​ർ​ന്നാ​ൽ ഭ​ക്ഷ​ണ​ത്തി​ൽ രൂ​ക്ഷ​ഗ​ന്ധം ഉ​ണ്ടാ​കും. പ​ല​ഹാ​ര​ത്തി​ൽ പ്ലാ​സ്റ്റി​ക്​ ഒ​ട്ടി​പ്പി​ടി​ക്കു​ക​യ​ല്ലാ​തെ മൊ​രി​പ്പ്​ കൂ​ടി​ല്ലെന്നും അ​ധി​കൃ​ത​ർ പ​റ​യു​ന്നു. മു​മ്പ്​ ബി​രി​യാ​ണി​യി​ൽ ചേ​ർ​ക്കു​ന്ന ഡാ​ൽ​ഡ ഉ​രു​ക്കാ​ൻ ക​വ​റോ​ടെ പാ​ത്ര​ത്തി​നു​ള്ളി​ൽ വെ​ക്കു​ക​യും പി​ന്നീ​ട്​ എ​ടു​ത്ത്​ മു​റി​ച്ച്​ ഡാ​ൽ​ഡ ചേ​ർ​ക്കു​ക​യും ചെ​യ്തി​രു​ന്നു. പാ​ൽ ക​വ​റോ​ടെ സ​മോ​വ​റി​ന്​ മു​ക​ളി​ൽ വെ​ക്കു​ന്ന​തും പ​തി​വാ​യി​രു​ന്നു. എ​ന്നാ​ൽ, ഇ​പ്പോ​ൾ അ​​ത്ത​ര​ത്തി​ൽ ആ​രും ചെ​യ്ത്​ കാ​ണാ​റി​ല്ലെ​ന്നും പ​റ​യു​ന്നു.

വേ​ണം വി​ശ​ദ അ​ന്വേ​ഷ​ണം

ആ​രോ​പ​ണം സ്ഥാ​പി​ക്കു​ന്ന തെ​ളി​വു​ക​ൾ ല​ഭി​ക്കാ​ത്ത സാ​ഹ​ച​ര്യ​ത്തി​ൽ തൊ​ഴി​ലാ​ളി​ക​ളു​ടെ ആ​രോ​പ​ണം ഗു​രു​ത​ര​മാ​ണെ​ന്നും വി​ശ​ദ അ​ന്വേ​ഷ​ണം ന​ട​ത്ത​ണ​മെ​ന്നു​മാ​ണ്​ ഫു​ഡ്​ സേ​ഫ്​​റ്റി അ​ധി​കൃ​ത​ർ വ്യ​ക്ത​മാ​ക്കു​ന്ന​ത്. ആ​രോ​പ​ണം സ്ഥി​രീ​ക​രി​ക്കു​ന്ന തെ​ളി​വു​ക​ൾ ല​ഭി​ച്ചി​ട്ടി​ല്ലെ​ന്ന്​ ക​ല​ക്ട​ർ​ക്ക്​ ഫു​ഡ്​ സേ​ഫ്​​റ്റി അ​സി​സ്റ്റ​ന്‍റ്​ ക​മീ​ഷ​ണ​ർ റി​പ്പോ​ർ​ട്ട്​ ന​ൽ​കും. പൊ​ലീ​സ്​ അ​ന്വേ​ഷ​ണ​ത്തി​ന്​ ശി​പാ​ർ​ശ ചെ​യ്യാ​നാ​ണ്​ സാ​ധ്യ​ത.