വയോധികന്റെ മൃതശരീരം മുൻ വാർഡ് മെംബറുടെ പുരയിടത്തിൽ സംസ്കരിച്ചു

പ​ത്ത​നാ​പു​രം: മി​ശ്ര വി​വാ​ഹ​ത്തെ തു​ട​ർ​ന്ന്​ ബ​ന്ധു​ക്ക​ൾ അ​ക​റ്റി​യ വ​യോ​ധി​ക​ന്റെ മൃ​ത​ദേ​ഹം മു​ൻ വാ​ർ​ഡ് മെ​മ്പ​റു​ടെ പു​ര​യി​ട​ത്തി​ൽ സം​സ്ക​രി​ച്ചു. പ​ത്ത​നാ​പു​രം ഗ്രാ​മ പ​ഞ്ചാ​യ​ത്തി​ലെ പൂ​ങ്കു​ള​ഞ്ഞി ച​രു​വി​ള പു​ത്ത​ൻ വീ​ട്ടി​ൽ പി.​ഡി വ​ർ​ഗീ​സ്​ (80) ക​ഴി​ഞ്ഞ ദി​വ​സം രാ​ത്രി ഏ​ഴു​മ​ണി​യോ​ടെ​യാ​ണ്​​ മ​രി​ച്ച​ത്. ഒ​രു രാ​ത്രി മു​ഴു​വ​ൻ മൃ​ത​ദേ​ഹ​ത്തി​ന് കാ​വ​ലി​രു​ന്ന ഭാ​ര്യ അം​ബു​ജാ​ക്ഷി മൃ​ത​ദേ​ഹം എ​വി​ടെ സം​സ്ക​രി​ക്കു​മെ​ന്ന ആ​ശ​യ​ക്കു​ഴ​പ്പ​ത്തി​ലാ​യി​രു​ന്നു.

അ​പ്പോ​ഴാ​ണ് പൊ​തു പ്ര​വ​ർ​ത്ത​ക​നാ​യ ഷ​ക്കീം ഇ​ട​പെ​ട്ട് മു​ൻ വാ​ർ​ഡ് മെ​മ്പ​ർ വി.​എം മി​നി​യു​ടെ പു​ര​യി​ട​ത്തി​ൽ സം​സ്ക​രി​ക്കാ​ൻ ന​ട​പ​ടി​യാ​യ​ത്. വ​ർ​ഷ​ങ്ങ​ളാ​യി വാ​ട​ക കെ​ട്ടി​ട​ത്തി​ൽ ക​ഴി​ഞ്ഞു വ​രി​ക​യാ​യി​രു​ന്നു വ​ർ​ഗീ​സ്. എ​സ്.​എ​ഫ്.​സി.​കെ തൊ​ഴി​ലാ​ളി​യാ​യി​രു​ന്നു.

ജോ​ലി​യി​ൽ നി​ന്നും വി​ര​മി​ച്ച ശേ​ഷം പ​ല​യി​ട​ങ്ങ​ളി​ലാ​യി ജോ​ലി​ക്ക് പോ​യാ​ണ്​ ജീ​വി​ച്ചു വ​ന്ന​ത്. ദ​മ്പ​തി​ക​ൾ​ക്ക്​ മ​ക്ക​ളു​ണ്ടാ​യി​രു​ന്നി​ല്ല. ബ​ന്ധു​ക്ക​ൾ തി​രി​ഞ്ഞു നോ​ക്കാ​താ​യ​തോ​ടെ വ​ർ​ഗീ​സും ഭാ​ര്യ​യും ഒ​റ്റ​പ്പെ​ടു​ക​യാ​യി​രു​ന്നു. മ​താ​ചാ​ര പ്ര​കാ​ര​മു​ള്ള ച​ട​ങ്ങു​ക​ൾ ഒ​ന്നു​മി​ല്ലാ​തെ​യാ​യി​രു​ന്നു വ​ർ​ഗീ​സി​ന്റെ സം​സ്കാ​ര​വും. പൊ​തു പ്ര​വ​ർ​ത്ത​ക​രാ​യ സി. ​ആ​ർ. ന​ജീ​ബ്, ഷ​കീം എ​സ്. പ​ത്ത​നാ​പു​രം, പി. ​എ. ഷാ​ജ​ഹാ​ൻ, ന​സീ​മ ഷാ​ജ​ഹാ​ൻ, അ​ബ്ദു​ള്ള എ​ന്നി​വ​രു​ടെ നേ​തൃ​ത്വ​ത്തി​ൽ ആ​യി​രു​ന്നു സം​സ്കാ​ര ച​ട​ങ്ങു​ക​ൾ.