കോട്ടയം നഗരസഭയിലെ പെൻഷൻ തട്ടിപ്പ്​; അഖിൽ സി. വർഗീസിനെ ​പിരിച്ചുവിടുന്നു

കോ​​ട്ട​​യം: കോ​ട്ട​യം ന​ഗ​ര​സ​ഭ​യി​ലെ പെ​ൻ​ഷ​ൻ ത​ട്ടി​പ്പ്​ കേ​സ്​ പ്ര​തി ​അ​​ഖി​​ൽ സി. ​​വ​​ർ​​ഗീ​​സി​​നെ സ​ർ​വീ​സി​ൽ​നി​ന്ന്​ പി​രി​ച്ചു​വി​ട്ടേ​ക്കും. ഇ​തി​നു​മു​ന്നോ​ടി​യാ​യി ഇ​യാ​ൾ​ക്ക്​ ത​ദ്ദേ​ശ​വ​കു​പ്പ്​ കു​റ്റാ​രോ​പ​ണ മെ​മ്മോ ന​ൽ​കി. ഒ​ളി​വി​ലു​ള്ള ഇ​യാ​ൾ മെ​മ്മോ കൈ​പ്പ​റ്റാ​ത്ത​തി​നാ​ൽ ഇ​ക്കാ​ര്യം കാ​ട്ടി മാ​ധ്യ​മ​ങ്ങ​ളി​ൽ പ​ര​സ്യ​വും ന​ൽ​കി​യി​ട്ടു​ണ്ട്. മെ​​മ്മോ​ക്ക്​ ​15 ദി​വ​സ​ത്തി​ന​കം മ​റു​പ​ടി ന​ൽ​ക​ണ​മെ​ന്നാ​ണ്​​ അ​റി​യി​പ്പ്. നേ​ര​ത്തെ കു​റ്റാ​രോ​പ​ണ​പ​ത്രി​ക ന​ൽ​കി​യി​രു​ന്നു. ക്ല​​ർ​​ക്കാ​യി​രു​ന്ന അ​​ഖി​​ൽ സി. ​​വ​​ർ​​ഗീ​​സ്​ കോ​ട്ട​യം ന​ഗ​ര​സ​ഭ​യി​ലെ പെ​ൻ​ഷ​ൻ ഫ​ണ്ടി​ൽ കൃ​ത്രി​മം കാ​ട്ടി 2.40 കോ​ടി രൂ​പ ത​ട്ടി​യെ​ടു​ത്തു​വെ​ന്നാ​ണ്​ കേ​സ്. ​കേ​സെ​ടു​ത്ത​തി​ന്​ പി​ന്നാ​ലെ ഒ​ളി​വി​ൽ​പോ​യ ഇ​യാ​ളെ ക​ണ്ടെ​ത്താ​ൻ ഇ​തു​വ​രെ ക​ഴി​ഞ്ഞി​ട്ടി​ല്ല.

നി​ല​വി​ൽ സ​സ്​​പെ​ൻ​ഷ​നി​ലു​ള്ള അ​​ഖി​​ലി​നെ​തി​രെ കൂ​ടു​ത​ൽ അ​ച്ച​ട​ക്ക ന​ട​പ​ടി​ക​ൾ സ്വീ​ക​രി​ക്കു​ന്ന​തി​ന്‍റെ ഭാ​ഗ​മാ​യി​ട്ടാ​ണ്​ കു​റ്റാ​രോ​പ​ണ മെ​മ്മോ പു​റ​ത്തി​റ​ക്കി​യി​രി​ക്കു​ന്ന​ത്. സ​ർ​ക്കാ​റി​നും വ​കു​പ്പി​നും അ​വ​മ​തി​പ്പു​ണ്ടാ​ക്കി ക്ര​മി​നി​ൽ കേ​സ്​ പ്ര​തി​യാ​യി​രി​ക്കു​ക​യാ​ണെ​ന്ന്​​ ചൂ​ണ്ടി​ക്കാ​ട്ടു​ന്ന മെ​മ്മോ​യി​ൽ, ​നേ​ര​ത്തെ ര​ശീ​ത്​ ബു​ക്കി​ൽ ക്ര​മ​ക്കേ​ട്​ കാ​ട്ടി പ​ണം ത​ട്ടി​യ​തി​ന്​ സ്​​സ​പെ​ൻ​ഷ​ൻ ല​ഭി​ച്ച​താ​യും ചൂ​ണ്ടി​ക്കാ​ട്ടു​ന്നു. ഇ​തും​ അ​ച്ച​ട​ക്ക​ന​ട​പ​ടി​യി​ൽ പ​രി​ഗ​ണി​ക്കു​മെ​ന്നും മെ​മ്മോ​യി​ലു​ണ്ട്.

2,40,21,652 രൂ​പ​യു​ടെ സാ​മ്പ​ത്തി​ക ക്ര​മ​ക്കേ​ട്​ ന​ട​ത്തി​യ​തി​നൊ​പ്പം സം​ഭ​വം പു​റ​ത്തു​വ​ന്ന​തു​മു​ത​ൽ അ​ന​ധി​കൃ​ത അ​വ​ധി​യി​ലു​മാ​ണ്​ അ​ഖി​ൽ. നി​ശ്​​ചി​ത സ​മ​യ​പ​രി​ധി​ക്കു​ള്ളി​ൽ മ​റു​പ​ടി ന​ൽ​കി​യി​ല്ലെ​ങ്കി​ൽ വി​ശ​ദീ​ക​ര​ണ​മൊ​ന്നും ന​ൽ​കാ​നി​ല്ലെ​ന്ന്​ ക​ണ​ക്കാ​ക്കി അ​ച്ച​ട​ക്ക​ന​ട​പ​ടി​ക​ൾ തു​ട​രു​മെ​ന്നും ത​ദ്ദേ​ശ​വ​കു​പ്പ്​ കോ​ട്ട​യം ജോ. ​ഡ​യ​റ​ക്ട​ർ പു​റ​ത്തി​റ​ക്കി​യ അ​റി​യി​പ്പി​ൽ വ്യ​ക്​​ത​മാ​ക്കി​യി​ട്ടു​ണ്ട്. ക്ര​മി​ന​ൽ കേ​സി​നൊ​പ്പം അ​ന​ധി​കൃ​ത അ​വ​ധി​യി​ലും തു​ട​രു​ന്ന​തി​നാ​ൽ സ​ർ​വീ​സി​ൽ​നി​ന്ന്​ പി​രി​ച്ചു​വി​​ട്ടേ​ക്കു​​മെ​ന്നാ​ണ്​ സൂ​ച​ന.

ആ​​ഗ​​സ്​​​റ്റ്​ ഏ​​ഴി​​നാ​​ണ്​ അ​​ഖി​​ൽ സി. ​​വ​​ർ​​ഗീ​​സി​​നെ​തി​രെ കോ​​ട്ട​​യം മു​​നി​​സി​​പ്പ​​ൽ സെ​​ക്ര​​ട്ട​​റി കോ​ട്ട​യം വെ​​സ്​​​റ്റ്​ പൊ​​ലീ​​സി​​ൽ പ​​രാ​​തി ന​​ൽ​​കി​​യ​​ത്. പി​ന്നീ​ട്​​ കേ​സ്​ ക്രൈം​​ബ്രാ​​ഞ്ചി​ന്​ കൈ​മാ​റി​യെ​ങ്കി​ലും അ​ടു​ത്തി​ടെ അ​​ന്വേ​​ഷ​​ണ ചു​​മ​​ത​​ല വി​​ജി​​ല​​ൻ​​സ്​ ഏ​റ്റെ​ടു​ത്തു. ഇ​വ​രാ​ണ്​ ഇ​പ്പോ​ൾ കേ​സ്​ അ​ന്വേ​ഷി​ക്കു​ന്ന​ത്. എ​ന്നാ​ൽ, ഇ​തു​വ​രെ പ്ര​തി​യെ ക​ണ്ടെ​ത്താ​നാ​യി​ട്ടി​ല്ല. 2020 ഒ​​ക്​​​ടോ​​ബ​​ർ മു​​ത​​ൽ 2024 ആ​​ഗ​​സ്റ്റ്​​ വ​​രെ കാ​​ല​​യ​​ള​​വി​​ൽ 2.39 കോ​​ടി രൂ​​പ​​യാ​​ണ്​ അ​​ഖി​​ൽ ത​​ട്ടി​​യെ​​ടു​​ത്ത​​ത്. കോ​ട്ട​യം ന​ഗ​ര​സ​ഭ​യി​ൽ നി​ന്ന്​ പെ​ൻ​ഷ​ൻ ന​ൽ​കി​യി​രു​ന്ന മ​​രി​​ച്ചു​​പോ​​യ മു​ൻ ജീ​വ​ന​ക്കാ​രി​യു​ടെ അ​​ക്കൗ​​ണ്ട്​ ന​​മ്പ​​ർ തി​​രു​​ത്തി ഇ​​തേ പേ​​രു​​ള്ള സ്വ​​ന്തം മാ​​താ​​വി​​ന്‍റെ അ​​ക്കൗ​​ണ്ട്​ ന​​മ്പ​​ർ ചേ​​ർ​​ത്താ​​ണ് പ​​ണം ത​​ട്ടി​​യ​​ത്. കോ​​ട്ട​​യ​​ത്ത്​ ജോ​​ലി​​ചെ​​യ്യു​​മ്പോ​​ഴും വൈ​​ക്ക​​ത്തേ​​ക്ക്​ സ്ഥ​​ലം​​മാ​​റ്റം കി​​ട്ടി​​പ്പോ​​യ ശേ​​ഷ​​വും ഇ​​യാ​​ൾ ത​​ട്ടി​​പ്പ്​ ന​​ട​​ത്തി​യ​താ​യി ക​ണ്ടെ​ത്തി​യി​രു​ന്നു.