പ​ട്ടാ​പ്പ​ക​ൽ വീ​ടു​ക​യ​റി ആ​ക്ര​മ​ണം; കുട്ടികളടക്കം ആറുപേർക്ക് പരിക്ക്

ച​ങ്ങ​നാ​ശ്ശേ​രി: മാ​ട​പ്പ​ള്ളി​യി​ൽ ന​ട​യ്ക്ക​പ്പാ​ട​ത്ത് പ​ട്ടാ​പ്പ​ക​ൽ വീ​ടു​ക​യ​റി ആ​ക്ര​മ​ണം. സ്ത്രീ​ക​ളും കു​ട്ടി​ക​ളു​മ​ട​ക്കം നി​ര​വ​ധി പേ​ർ​ക്ക് പ​രി​ക്കേ​റ്റു. ന​ട​ക്ക​പ്പാ​ടം കു​ന്നും​പു​റം വീ​ട്ടി​ൽ ര​ഞ്ജി​നി (49), പ്ര​വീ​ൺ (27), സു​ബി​ത (27), ബി​ൻ​സി (23), അ​ലം​കൃ​ത (മൂ​ന്ന്), അ​ദ്വി​ക (ഒ​ന്ന്) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. ഇ​വ​ർ ച​ങ്ങ​നാ​ശ്ശേ​രി ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ തേ​ടി. വ​യ​റി​നു ച​വി​ട്ടേ​റ്റ സു​ബി​ത​യെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

വെ​ള്ളി​യാ​ഴ്ച വൈ​കീ​ട്ട്​ മൂ​ന്നോ​ടെ​യാ​ണ് സം​ഭ​വം. വി​ഷു​ദി​ന​ത്തി​ൽ മാ​ട​പ്പ​ള്ളി അ​മ്പ​ല​ത്തി​ൽ കാ​വ​ടി​ക്കി​ടെ തു​ള്ളി​യ​തു​മാ​യി ബ​ന്ധ​പ്പെ​ട്ട് യു​വാ​ക്ക​ൾ ത​മ്മി​ൽ സം​ഘ​ർ​ഷം ഉ​ണ്ടാ​യി​രു​ന്നു. തൃ​ക്കൊ​ടി​ത്താ​നം പൊ​ലീ​സി​ൽ ഇ​തു​സം​ബ​ന്ധി​ച്ച് പ​രാ​തി ന​ൽ​കു​ക​യും ഇ​വ​രെ ക​സ്റ്റ​ഡി​യി​ലെ​ടു​ക്കു​ക​യും ചെ​യ്തി​രു​ന്നു. എ​ന്നാ​ൽ, പൊ​ലീ​സ് ഇ​ട​പെ​ട്ട് ഇ​രു​കൂ​ട്ട​രു​മാ​യി സം​സാ​രി​ച്ച് പ്ര​ശ്നം ര​മ്യ​ത​യി​ലാ​ക്കി ഇ​വ​രെ പ​റ​ഞ്ഞ​യ​ച്ചു. തു​ട​ർ​ന്ന് വെ​ള്ളി​യാ​ഴ്ച ഒ​രു​സം​ഘം ഇ​വ​രു​ടെ വീടു​ക​ളി​ലെ​ത്തി ആ​ക്ര​മ​ണം ന​ട​ത്തു​ക​യാ​യി​രു​ന്നു. ആ​ർ.​എ​സ്.​എ​സ് പ്ര​വ​ർ​ത്ത​ക​രാ​ണ് ആ​ക്ര​മ​ണ​ത്തി​ന്​ പി​ന്നി​ലെ​ന്ന് മ​ർ​ദ​ന​മേ​റ്റ​വ​ർ ആ​രോ​പി​ച്ചു. ചൈ​ൽ​ഡ് വെ​ൽ​ഫെ​യ​ർ ക​മ്മ​റ്റി അം​ഗ​ങ്ങ​ൾ ശ​നി​യാ​ഴ്ച കു​ട്ട​ക​ളു​ടെ വീ​ട്ടി​ലെ​ത്തി മൊ​ഴി രേ​ഖ​പ്പെ​ടു​ത്തി. സം​ഭ​വ​ത്തി​ൽ തൃ​ക്കൊ​ടി​ത്താ​നം പൊ​ലീ​സ് കേ​സെ​ടു​ത്തു.