മേലുകാവ് മറ്റം ലക്ഷംവീട്ടുകാർ താമസിക്കുന്നത് നിലംപൊത്താറായ ഇരട്ടവീടുകളിൽ

ഈ​രാ​റ്റു​പേ​ട്ട: കേ​ര​ള​ത്തി​ലെ ല​ക്ഷം​വീ​ടു​ക​ളി​ൽ ഒ​ന്നു​പോ​ലും ഇ​ര​ട്ട​വീ​ടു​ക​ളാ​യി കാ​ണി​ല്ലെ​ന്ന് ഒ​ന്ന​ര പ​തി​റ്റാ​ണ്ട് മു​മ്പ് സ​ർ​ക്കാ​ർ പ്ര​ഖ്യാ​പി​ച്ചെ​ങ്കി​ലും മേ​ലു​കാ​വ്‌ മ​റ്റം ല​ക്ഷം​വീ​ട് കോ​ള​നി​ക്കാ​ർ​ക്ക് പൊ​ളി​ഞ്ഞു​വീ​ഴാ​റാ​യ ഇ​ര​ട്ട​വീ​ട്ടി​ൽ ക​ഴി​യാ​നാ​ണ് വി​ധി. അ​ര​പ​തി​റ്റാ​ണ്ട്​ കാ​ല​മാ​യി സ്ഥി​ര​താ​മ​സ​ക്കാ​രാ​യ പ​തി​നാ​റോ​ളം കു​ടും​ബ​ങ്ങ​ൾ ഇ​ന്നും താ​മ​സി​ച്ചു​വ​രു​ന്ന​ത് കാ​ല​പ്പ​ഴ​ക്കം കൊ​ണ്ട് ഇ​ടി​ഞ്ഞ്​ നി​ലം​പൊ​ത്താ​റാ​യ ഇ​ര​ട്ട വീ​ടു​ക​ളി​ൽ ത​ന്നെ. ല​ക്ഷം​വീ​ട് കോ​ള​നി​യി​ൽ താ​മ​സ​ക്കാ​രാ​യ പ​ല​ർ​ക്കും സ്വ​ന്തം പേ​രി​ൽ പ​ട്ട​യം കൊ​ടു​ത്തെ​ങ്കി​ലും മേ​ലു​കാ​വ്‌ മ​റ്റം കോ​ള​നി​ക്കാ​രെ മാ​ത്രം ത​ഴ​യു​ക​യാ​യി​രു​ന്നു.

മ​ൺ​ക​ട്ട​യും ആ​സ്​​ബ​സ്​​റ്റോ​സ് ഷീ​റ്റും​കൊ​ണ്ട് നി​ർ​മി​ച്ചി​രി​ക്കു​ന്ന വീ​ടു​ക​ൾ പൊ​ളി​ഞ്ഞ് വീ​ഴാ​റാ​യി​ട്ടും അ​റ്റ​കു​റ്റ​പ്പ​ണി ന​ട​ത്താ​നോ ഒ​റ്റ​വീ​ടാ​ക്കാ​നോ ക​ഴി​യാ​തെ ഇ​വ​ർ ബു​ദ്ധി​മു​ട്ടു​ക​യാ​ണ്. വ​ർ​ഷ​ങ്ങ​ളാ​യി താ​മ​സി​ക്കു​ന്ന വീ​ടി​ന് ക​ര​മ​ട​ക്കാ​ൻ ക​ഴി​യാ​ത്ത​തി​നാ​ൽ ഇ​വി​ടു​ത്തെ താ​മ​സ​ക്കാ​ർ​ക്ക് ഒ​രു ആ​നു​കൂ​ല്യ​വും ല​ഭി​ക്കു​ന്നി​ല്ല. 1973ലെ ​അ​ച്യു​ത​മേ​നോ​ൻ മ​ന്ത്രി​സ​ഭ​യി​ലെ റ​വ​ന്യൂ മ​ന്ത്രി​യാ​യി​രു​ന്ന എം.​എ​ൻ. ഗോ​വി​ന്ദ​ൻ നാ​യ​ർ ന​ട​ത്തി​യ പ്ര​ഖ്യാ​പ​ന​ത്തെ തു​ട​ർ​ന്നാ​ണ് ഭൂ​ര​ഹി​ത​രാ​യ കു​ടും​ബ​ങ്ങ​ളെ പു​ന​ര​ധി​വ​സി​പ്പി​ക്കു​ന്ന​തി​ന്​ ല​ക്ഷം​വീ​ട് പ​ദ്ധ​തി ആ​രം​ഭി​ച്ച​ത്.

ഭൂ​പ​രി​ഷ്ക​ര​ണ നി​യ​മം ന​ട​പ്പാ​ക്കി​യി​ട്ടും ഭൂ​മി കി​ട്ടാ​ത്ത മേ​ലു​കാ​വ് പ​ഞ്ചാ​യ​ത്തി​ലെ 20 കു​ടും​ബ​ങ്ങ​ളെ ടൗ​ണി​ൽ ത​ന്നെ ഒ​രേ​ക്ക​ർ സ്ഥ​ലം വാ​ങ്ങി ഇ​ര​ട്ട​വീ​ടു​ക​ൾ പ​ണി​ത് പു​ന​ര​ധി​വ​സി​പ്പി​ക്കു​ക​യാ​യി​രു​ന്നു. പ​ല​ത​വ​ണ​യാ​യി ഈ ​കു​ടും​ബ​ങ്ങ​ൾ പ​ട്ട​യ​ത്തി​നാ​യി അ​പേ​ക്ഷി​ച്ചി​ട്ടും ഫ​ല​മു​ണ്ടാ​യി​ല്ല. കാ​ല​പ്പ​ഴ​ക്കം കൊ​ണ്ട് ഭി​ത്തി​ക​ൾ വീ​ണ്ടു​കീ​റി വീ​ടി​ന്‍റെ മേ​ൽ​ക്കൂ​ര ഉ​ൾ​പ്പെ​ടെ ഇ​ടി​യാ​റാ​യ നി​ല​യി​ലാ​ണ് പ​ല വീ​ടു​ക​ളും. മാ​റി​മാ​റി വ​ന്ന ജ​ന​പ്ര​തി​നി​ധി​ക​ളു​ടെ മു​ന്നി​ൽ ഈ ​ആ​വ​ശ്യം അ​റി​യി​ച്ചി​ട്ടും മ​ന്ത്രി​മ​ന്ദി​ര​ങ്ങ​ൾ ക​യ​റി ഇ​റ​ങ്ങി​യി​ട്ടും ഇ​ക്കാ​ര്യ​ത്തി​ൽ ഒ​രു പ​രി​ഗ​ണ​യും ന​ൽ​കു​ന്നി​​ല്ലെ​ന്നാ​ണ് ഇ​വി​ടു​ത്തു​കാ​രു​ടെ പ​രാ​തി.