പൊലീസ്​ അയഞ്ഞു; നിയമ ലംഘനം വർധിക്കുന്നു

ഈ​രാ​റ്റു​പേ​ട്ട: ടൗ​ണി​ൽ ന​ട​പ്പാ​ക്കി​യ ട്രാ​ഫി​ക് പ​രി​ഷ്‌​ക​ര​ണം പാ​ളാ​ൻ പൊ​ലീ​സി​ന്‍റെ മെ​ല്ല​​പ്പോ​ക്ക്​ കാ​ര​ണ​മാ​കു​ന്ന​താ​യി ആ​ക്ഷേ​പം. തു​ട​ക്ക​ത്തി​ൽ ഗ​താ​ഗ​തം നി​യ​ന്ത്രി​ക്കാ​നും നി​യ​മ​ലം​ഘ​ക​രെ ക​ണ്ടെ​ത്താ​നും പൊ​ലീ​സും ഹോം ​ഗാ​ർ​ഡും സ​ജീ​വ​മാ​യി​ട്ടു​ണ്ടാ​യി​രു​ന്നെ​ങ്കി​ലും പി​ന്നീ​ട് പി​ന്മാ​റി​യ​താ​യാ​ണ്​ പ​രാ​തി.

ഏ​റെ നാ​ള​ത്തെ പ​രി​ശ്ര​മ​ത്തി​നൊ​ടു​വി​ലാ​ണ്​ ന​ഗ​ര​ത്തി​ൽ ട്രാ​ഫി​ക് സം​വി​ധാ​നം ന​ട​പ്പാ​ക്കി​യ​ത്. ഗ​താ​ഗ​ത​ക്കു​ര​ക്കി​ൽ വീ​ർ​പ്പു​മു​ട്ടി​യി​രു​ന്ന അ​ഹ​മ്മ​ദ് കു​രി​ക്ക​ൽ ന​ഗ​ർ പ്ര​ദേ​ശ​ത്ത് ന​ട​പ്പാ​ക്കി​യ മാ​റ്റം കു​രു​ക്കി​ന്​ ആ​ശ്വാ​സം പ​ക​ർ​ന്നി​രു​ന്നു.

അ​ന​ധി​കൃ​ത​മാ​യി വ​ട്ടം​ചു​റ്റി​യി​രു​ന്ന ഓ​ട്ടോ​ക​ളെ നി​യ​ന്ത്രി​ച്ച​തും അ​ധി​ക​സ​മ​യം ബ​സു​ക​ളെ സ്റ്റോ​പ്പി​ൽ കി​ട​ക്കാ​ൻ അ​നു​വ​ദി​ക്കാ​തി​രു​ന്ന​തു​മാ​ണ്​ ക​രു​ക്ക്​ കു​റ​യാ​ൻ കാ​ര​ണ​മാ​യ​ത്.

ഒ​പ്പം അ​ഹ​മ്മ​ദ് കു​രി​ക്ക​ലി​ൽ​നി​ന്നും മാ​ർ​ക്ക​റ്റി​ലേ​ക്കു​ള്ള റോ​ഡ് വ​ൺ​വേ ആ​ക്കി​യ​ത് ആ ​ഭാ​ഗ​ത്തെ തി​ര​ക്ക് കു​റ​ക്കാ​ൻ ക​ഴി​ഞ്ഞു. കാ​ഞ്ഞി​ര​പ്പ​ള്ളി റോ​ഡി​ൽ​നി​ന്നും മു​ഹ്​​യി​ദ്ദീ​ൻ പ​ള്ളി കോ​സ് വ​ഴി വ​രു​ന്ന വാ​ഹ​ന​ങ്ങ​ൾ സെ​ൻ​ട്ര​ൽ ജ​ങ്​​ഷ​ൻ ചു​റ്റി വാ​ഗ​മ​ൺ, പൂ​ഞ്ഞാ​ർ ഭാ​ഗ​ത്തേ​ക്ക് പോ​ക​ണം എ​ന്നാ​യി​രു​ന്നു തീ​രു​മാ​നം.

എ​ന്നാ​ൽ, ഇ​പ്പോ​ൾ പൊ​ലീ​സ് ശ്ര​ദ്ധി​ക്കാ​ത്ത​തി​നാ​ൽ റോ​ഡി​ലെ ബാ​രി​ക്കേ​ഡ് തീ​രു​ന്ന ഭാ​ഗ​ത്തു​നി​ന്ന് വാ​ഹ​ന​ങ്ങ​ൾ യു​ടേ​ൺ എ​ടു​ക്കു​ന്ന​ത് ഗ​താ​ഗ​ത​ക്കു​രു​ക്കി​ന് ഇ​ട​യാ​ക്കു​ന്നു​ണ്ട്. ഇ​വി​ടെ വാ​ഹ​നം തി​രി​യ​രു​ത് എ​ന്ന ബോ​ർ​ഡ് സ്ഥാ​പി​ച്ചി​ട്ടു​ണ്ട​ങ്കി​ലും ആ​രും ശ്ര​ദ്ധി​ക്കാ​റി​ല്ല. അ​ന​ധി​കൃ​ത​മാ​യി ക​റ​ങ്ങു​ന്ന ഓ​ട്ടോ​ക​ൾ​ക്ക് സ​ഹ​ക​ര​ണ ബാ​ങ്കി​ന് മു​ന്നി​ൽ സ്റ്റാ​ൻ​ഡ് അ​നു​വ​ദി​ച്ചെ​ങ്കി​ലും പൂ​ർ​ണ​മാ​യി വി​ജ​യ​ത്തി​ലേ​ക്ക് എ​ത്തി​യി​ട്ടി​ല്ല. ബ​സി​ൽ വ​ന്ന് ഇ​റ​ങ്ങു​ന്ന യാ​ത്ര​ക്കാ​രെ ല​ക്ഷ്യ​മി​ട്ട് പു​ളി​ക്ക​ൽ ഷോ​പ്പി​ങ്​ മാ​ളി​നു​ള്ളി​ൽ അ​ധി​ക ഓ​ട്ടോ​ക​ൾ ക​റ​ങ്ങു​ന്ന​തും ഗ​താ​ഗ​ത​ക്കു​രു​ക്കി​ന് കാ​ര​ണ​മാ​കു​ന്നു​ണ്ട്. ഇ​വി​ടെ സ്ഥാ​പി​ച്ചി​രി​ക്കു​ന്ന കാ​മ​റ​ക​ൾ പ്ര​വ​ർ​ത്ത​ന സ​ജ്ജ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.