നന്മയുടെ പൊതിച്ചോർ ഒമ്പതാം വർഷത്തിലേക്ക്​...

കാ​ഞ്ഞി​ര​പ്പ​ള്ളി: ഇ​ത് കേ​വ​ലം ഒ​രു പൊ​തി​ച്ചോ​റ​ല്ല, സ്നേ​ഹം നി​റ​ച്ചു​വെ​ച്ച പൊ​തി​യാ​ണ്. ഷാ​ജി, അ​ൻ​ഷാ​ദ് എ​ന്നി​വ​രു​ടെ​യും കു​ടും​ബ​ങ്ങ​ളു​ടെ​യും പാ​വ​ങ്ങ​ളോ​ടു​ള്ള ക​രു​ത​ലാ​ണ് ഒ​മ്പ​താം വ​ർ​ഷ​ത്തി​ലേ​ക്ക് ക​ട​ന്ന പൊ​തി​ച്ചോ​ർ വി​ത​ര​ണം. കാ​ഞ്ഞി​ര​പ്പ​ള്ളി​യി​ലും പ​രി​സ​ര​ങ്ങ​ളി​ലും അ​നാ​ഥ​രാ​രും വി​ശ​ന്നി​രി​ക്ക​രു​ത് എ​ന്ന ഉ​ദ്ദേ​ശ്യ​ത്തോ​ടെ ആ​രം​ഭി​ച്ച​താ​ണ് വി​ശ​ക്കു​ന്ന വ​യ​റി​ന് ഒ​രു​പൊ​തി ആ​ഹാ​രം എ​ന്ന പ​ദ്ധ​തി.

യാ​ദൃ​ച്ഛി​ക​മാ​യി യാ​ത്ര​യി​ൽ ക​ണ്ട ഒ​രു യാ​ച​ക​ൻ വി​ശ​പ്പു സ​ഹി​ക്കാ​നാ​വാ​തെ മ​ണ്ണു​വാ​രി തി​ന്നു​ന്ന കാ​ഴ്ച​യാ​ണ് പൊ​തി​ച്ചോ​ർ വി​ത​ര​ണ​ത്തി​ന് പ്രേ​ര​ണ​യാ​യ​ത്. സ്വ​ന്തം വീ​ടു​ക​ളി​ൽ​നി​ന്ന്​ പ​ത്ത്​ പൊ​തി​ച്ചോ​റു​ക​ൾ വീ​തം എ​ടു​ത്ത് 2017ൽ ​വ​ഴി​യ​രി​കി​ലെ യാ​ച​ക​ർ​ക്ക് കൊ​ടു​ത്തു​തു​ട​ങ്ങി​യ​താ​ണ്.

ഇ​ന്ന​ത് കൂ​ട്ടു​കാ​രും നാ​ട്ടു​കാ​രും ന​ൽ​കു​ന്ന പൊ​തി​ച്ചോ​ർ​കൂ​ടി ശേ​ഖ​രി​ച്ച് യാ​ച​ക​ർ​ക്ക് പു​റ​മെ എ​ല്ലാ മാ​സ​വും ര​ണ്ടാം ശ​നി​യാ​ഴ്ച കാ​ഞ്ഞി​ര​പ്പ​ള്ളി മേ​ഖ​ല​യി​ലെ അ​ഞ്ച് അ​നാ​ഥാ​ല​യ​ങ്ങ​ളി​ലും പൊ​തി​ച്ചോ​ർ ന​ൽ​കു​ന്നു​ണ്ട്. ഒ​രു​വ​ർ​ഷ​മാ​യി മാ​സ​ത്തി​ലെ ഒ​ന്നാം ഞാ​യ​റാ​ഴ്ച​യും ഭ​ക്ഷ​ണ വി​ത​ര​ണ​മു​ണ്ട്.

സു​ഹൃ​ത്തു​ക്ക​ളും നാ​ട്ടു​കാ​രും പൊ​തി​ച്ചോ​ർ വി​ത​ര​ണ​ത്തി​ൽ ഇ​വ​രെ സ​ഹാ​യി​ക്കാ​റു​ണ്ട്. കാ​ഞ്ഞി​ര​പ്പ​ള്ളി​യി​ൽ എ​സ്.​ആ​ൻ​ഡ്.​എ​സ് ഓ​ട്ടോ​മൊ​ബൈ​ൽ​സ് എ​ന്ന സ്പെ​യ​ർ​പാ​ർ​ട്​​സ്​ സ്ഥാ​പ​നം ന​ട​ത്തു​ക​യാ​ണ് ഷാ​ജി വ​ലി​യ​കു​ന്ന​ത്ത്. ക്ലീ​ൻ കേ​ര​ള ക​മ്പ​നി​യു​ടെ സെ​ക്ട​ർ കോ​ഓ​ഡി​നേ​റ്റ​റാ​ണ് അ​ൻ​ഷാ​ദ് ഇ​സ്മാ​യി​ൽ.

സു​ഹൃ​ത്തു​ക്ക​ളാ​യ റോ​ണി ടോം, ​ജ​യ​ൻ ജോ​സ​ഫ് എ​ന്നി​വ​രു​ടെ സ​ഹ​ക​ര​ണം കൂ​ടു​ത​ൽ ആ​ളു​ക​ളി​ലേ​ക്ക് പൊ​തി​ച്ചോ​ർ എ​ത്തി​ക്കാ​ൻ സ​ഹാ​യ​ക​ര​മാ​യി. ആ​രു​ടെ​യും സാ​മ്പ​ത്തി​ക സ​ഹാ​യം തേ​ടാ​തെ​യാ​ണ് ഇ​വ​ർ പൊ​തി​ച്ചോ​ർ വി​ത​ര​ണം മു​ന്നോ​ട്ടു കൊ​ണ്ടു​പോ​കു​ന്ന​ത് എ​ന്ന​തും ശ്ര​ദ്ധേ​യം.